HOSEA 1:11 - Allah Wene Fano Wene Hupla Inane

¹¹ A'nogo yagaisambik, afuni inunggulenu Yehuda mene inom, Israel mene inom, hobuk inambotkwe lambulogo misi'mo fisugunem, iren inoe kain raja misik mene nen ferinarek logouwagaluk menfogoin o. A'nogo menfembik inaiba andoma were'ma, inebe hokhorogo sik-pik igik, inenggi werekhogo welagik, ugun o. O andi sambul he, An nen afuni Israel mene inebe sumburu awi kweang fano heisele'ma yatarek hak yaginabigin, iluk u hak he, hari enu Yizreel igi andi esin mene asigin o,” iluk yaganete.

HOSEA 1:11 Referans Kwoze

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

YEREMIA 31:33

An nen nagainafuri Israel mene ninom wene ket mene wasugun mene andi ebere yi: An Nawene melalek a'nogo it inendawinggenma figik, inendawimo lisu palfisigik, igin o. An nebe re it ineisena Allah asigin, nen it he An nagainafuri asugun.

ROMA 11:15

Allah nen, it afuni Israel mene inebe herakfisasikhe andiba, yi afuni ti afuni mondogat andoma Allah inom lambulinafikhe andi. Hobuk it woginafunem en ninggi'nogo hilinglasigin? Afuni warek mene inelugerinabu hak woginabigin andi.

YEREMIA 50:19

An nen he afuni Israel mene it inonggwarek inanggweangma nekhengge fisa lagain. It he kweang tomkwe o Karmel inom, Basan inom andomaba nen enggen ugu ninggi logogun. Nen kweang o Efraim inom, Gilead inom oba nen enggen ugu mene andoma nen he it inoba homot fisikhi logogin.

MAZMUR 110:3

Hat hebe Handom horek oba andoma homamerogo wagunem he, o hubet lilengge welagarek hak, hat hagoromi ap alage mene inendawinggen nenat yabugun iluk, esa hokhorogo logalugun.

YEREMIA 30:7

Yago, linggene fulu polan mene a'nogo arat asi waga, linggene andi inom ekhe higirabesu elo'lek mene. It An nagainafuri nen he linggene andi re inendawinggen fit lasigin mene, oba nen it inebere An nen inagap telinabigin o,” ikhe.

YEREMIA 30:21

Raja hit fethinarek logogin mene re hit hinunggulenu mene logogin. An nen at ebe nambit wesuageluk woletunem he selekhogo An noba horokhogo waga logogin. Ap sa nen ekhe amu endawinggen wenggel fuluk ambong serogo An nelokhoma asi wesu hak anggegep? Hit he An nagainafuri mene asugun. Nen An he hit hineisena Allah asigin, iluk An Tuhan nen nane mondogat igi o,” ikhe.

YEREMIA 32:37

It inunggulenu yi re An nen it inoba na'mage lagaluk nanini inoba fikhi lagi mene andi re, it inebe telfol isasigikwe andoma nen andogorogo inambotkwe fisa wesigin. An nen o kweang yiba woginarek wesimbik he it inendawinggen yamukhogo logouwageluk hilingisogo fisagain.

YEHEZKIEL 39:25

Tuhan Lego Mondok welagarek mene a'nogo ane ikhi logolik, ”Oba nen he yogondak Yakub ambisangma ta'lagaikha mene afuni Israel mene andoma An nen nendawi hundik hilinginafik, nen it attak welagaukwa hak inangge hokhorogo logouwageluk hilingfisigik, igin o. A'nogo hilingfisagain andiba re An nenu a'nogo legeisogo fikhi logouwageluk hal fikhi logogin.

HOSEA 2:1

Andi nen he, hiren hinerugwi hinagaila'lak mene andoma yagaisikhi logolik he, Allah againafuri mene, igik, Tuhan nen endawit hinaferek mene o, iluk yagaisigik ikhi logoino,” iluk yaganete.