HAKIM–HAKIM 9:5 - Allah Wene Fano Wene Hupla Inane

⁵ A'nogo wogisasikhesik, inom he, at eisena aiba o Ofra lagaukwa. Lagaukwasik, ogogwi agoromi inebe 70 nen omanogo helep misik meneba fisasikhesik inoatikhe. A'nogo meneat he, Gideon amlogo elabo mene enu Yotam andi nek ebe hina'lagaikhe andi nen he, at inom inoati'lek.

HAKIM–HAKIM 9:5 Referans Kwoze

2 TAWARIKH 21:4

Andem oba re, at Yehoram a'nogo nen an nebe raja nomamerogo welagi iluk anggasikhesik he, aren agaila'lak omanogo mondogat inom, it agoromi at a'ma ineabu mondok lego welagaukwa mene fenakwe omanogo inom inoa'ni iluk yagaisasikhe.

HAKIM–HAKIM 6:24

A'nogo isikhemo Gideon nen mezbah ekhe wutikhesik enu re, ’Tuhan andi re neluk faget fanot nobagali'lago mene ero,’ iluk salhikhe. Mezbah andi re o yogondak ogo re o Ofra afuni Abiezer mene inawi kota andiba werek.

MATIUS 2:20

”Yusuf. Helugame o. Menla'luk he, omalik tago ari agaisa emberek woginarek o ap Israel mene were'ma lan o. Omalik tago ari wasuogeluk ikhi lagaikha a'nogo re, ebe arat wa'laga o,” iluk yagatikhe.

MATIUS 2:16

At kain Herodes a'nogo nen it ap wene warisasikhe mene a'nogo,” Wesugun a? Lega,” iluk, yerinarek welagaikhe-welagaikhe re, inebe legaren he, ”Lalnafama higi,” iluk a'mage hokhorogo lagasikhe. A'mage hokhorogo lagasikhesik he, omalik ket tago mene o Betlehem andoma mene inom, o era'lukwe andoma mene inom, huli ap hesagal ineilenggen nen waluk wagaikhasik, yi huliba nen hogo, iluk senggerogo yaganeta huli nen, umur 2 tahun mene inom, hobuk ta'larik wagaikha mene inom, ap halok mondogat inoa'no,” iluk, agoromi lakfisasikhe.

2 RAJA-RAJA 10:17

Andoma asi lagaukwasik Yehu nen he Ahab ogogwi agoromi ineluk werek mene omanogo mondogat inoatukwa, nen we misik iluk ogo ekhe herak fisasukwa mondok lek. Nen, andi re Tuhan nen Eliaba yagatikhe mene a'nogo higithogo nek agaikhe.

HAKIM–HAKIM 9:2

”Hiren he, afuni o kota Sikhem welagaikharek mene mondogat heinok wogisikhi logolik, mel yagaisano: Hit hinendawimo hinagaiyek he, Gideon againafuri inebe 70 andi nen, fethinarek logolik: Yi'nogo hilingi'no, ti'nogo hilingi'no, iluk yagahisikhi logogun hinamolo a? At he, ap misigen, fethinarek logolik: Yi'nogo hilingi'no, ti'nogo hilingi'no, iluk yagahisikhi logogin hinamolo a. An hit ninom welago yi re, hinenggenma mene welagi andi, iluk ikhe, iluk inendawimo eberisano o,” iluk yagaisasikhe.

HAKIM–HAKIM 8:30

Andoma logolik, agagwi mondok hokhorogo andi nen, againafuri re, ap inebe 70 nen welagaukwa.

HAKIM–HAKIM 9:6

A'nogo inoatikhemo, afuni o Sikhem inom, o Bet-Milo inom, welagaukwa mene inebe mondogat andogotukwasik he, o Sikhem andoma e pai eroma wesama andoma lagaukwa. Lagaukwasik, andoma nen at Abimelekh inoe kain enupogot logouwageluk menfesukwa.

HAKIM–HAKIM 9:18

A'nogo hilingitikhe meneat he, yogondak hiren he, neisena Gideon againafuri onggo palinafepsik inebe 70 nen mondogat helep misik meneba fisegepsik inebe felelenghogo inoatep andi. Abimelekh ebe re, neisena amlogo, agwe amingmingengge mene nen tatikheat anggigi. A'nogo meneat he, hit afuni Sikhem en he, at Abimelekh ebe hit hinenggenma mene andi nen, hit hinoe raja logouwageluk menfegep andi.

2 RAJA-RAJA 10:7

Nen, iren at Yehu nen lisu palhikhe mene a'nogo wanhukwasik iren hun Ahab againafuri inom, togongge mene inom inebe 70 nen aremnogo inoatukwasik, it inunggul palek omanogo re si ugu mene elema kwelagaisogo hun Yehu oba o Yizreel were'ma lakfesukwa.

HAKIM–HAKIM 6:11

Linggene ekhe sambul he malaikat Tuhan ekhe o kota Ofra andoma wagaikhesik he, e patie hun Yoas agayo unggulenu hakhogo Abiezer mene a'nogo eroma andoma hurek welagaikhe. Hurek were'ma he at Yoas amlogo enu Gideon a'nogo re afuni Midian mene nen ineil neanogoluk andoma hinago logolik anggur enggen perelhunem omanogo anggur enggen lologo pelafik, asinagap ibilhik ikhi lagaikhe.

1RAJA-RAJA 1:12

Hat hebe inom, heak Salomo inom, fano logobagaigen he, weak-weak raja Daud yaga'nogoluk yagahesik. Haren he mel yaga'no: ”An nobali'mo re, hat heak Salomo at enupogot logouwagaluk menfagain o, iluk hombuk palogo wene wa'netigin a'nogo meneat he, yogondak at Andonia enupogot hilinglaga andi nenahalok, iluk yaga'no,” iluk yagatikhe.

1RAJA-RAJA 1:21

Mene re, haren, At ti hak inoe raja asuak, iluk weak-weak igi'le'ma hebe wa'lasigin halok, an inom, hamlogo Salomo inom, afuni nen weak hilingitunem wene inoba fuluk hilinginafarek andi hak, hilingninabugun o,” iluk yagatikhe.

2 RAJA-RAJA 11:3

At he Atalya ratu menlagaikhesik melalinafu werek kwelek he tahun falfalik enggeba re abo Yoas a'nogo o Tuhan awi wuri'mo andoma he Yoseba nen hinago logolik kulhi lagaikhe.