HAKIM–HAKIM 9:4 - Allah Wene Fano Wene Hupla Inane

⁴ A'nogo isukwasik, uang perak mene 70 nen tugwi kembu enu Baal-Perit faget fogeratarek awi andi nen wanhukwasik, at Abimelekh wogetukwa. A'nogo wogetukwama, at Abimelekh en ap ekhe inobabut weak mene at werekwe asuagaluk onggo wogisasikhe.

HAKIM–HAKIM 9:4 Referans Kwoze

HAKIM–HAKIM 8:33

At Gideon ebe wa'lagaikhesik oba re, afuni Israel mene ineisena Allah oba lombokhogo welagaukwa legat. At Allah nen inaselei mene, it inera'lukwe welagaukwa mene nen inoasuogeluk ugunem telinafi lagaikhe mene a'nogo oba himbirik logolik fogerati'lek herakfisaluk, nineisena Baal-Perit ebe andi aro, iluk inandugwi kembu wurogo fogeratik, oba himbiret figik ikhi lagaukwa.

KISAH PARA RASUL 17:5

Inebe hokhorogoat it Paulus Silas emberek werekwe a'nogo asi lagunem, it afuni Yahudi mene inendawimo inabiretfesukwama, it ap inobabut weak mene o silimo weat were'ma inebe woginafukwasik he, esa fologo afuni o kota Tesalonika andoma mene inendawimo kagalik lagaukwama, wene hokhoat wo'lagaikhe. A'nogo hilinglagaikhemo, at Paulus Silas emberek inenggi lisogo afuni hokhorogoat inoba woginarek louwogeluk, heraginabik esa fologo o ap Yason were'ma o lasi lagaukwa.

2 TAWARIKH 13:7

Nen at Salomo amlogo Rehabeam a'nogo andem oba re aren wene yi'nogo ti'nogo onggo lagalu elo'lek hilingi'mo re, at Yerobeam a'nogo nen ap inobabut mondok weak mene, it inendawimo anggugu aple omanogo hilingisuageluk andogosi wagaukwama re, aren it kwe palinabu mondok elo'lek agaikhe.

HAKIM–HAKIM 11:3

Andiba re, at Yefta a'nogo agaila'lak herakfisaluk he wulibi lagaikhesik o Tob andoma welagaikhe. Andoma logolik he ap ina'mage weak mene inom mangotukwasik he iren ap inangge teli lagaukwa.

AMSAL 12:11

Ap yabu inenggi puksek mene re ineabu inomamerogo helagarek andi nen inamburu nenggarek mene hokhorogo welagarek, oba nen he ap wene ebe lek kwelek linggene alomarogo weat welagaikharek mene andoma re morue mene nen hilingitarek.

AYUB 30:8

It he afuni nen it inonggwarek inaiba nen mugusogo wulakfisasukwa mene hilingi'mo re, inenu legengge inebe weak-peakhogo welagaukwa.

1 SAMUEL 22:2

Nen, it fena enggin-fenggin inoba fugu mene inom, inangge palegengge werek mene inom, it fena inendawimo anggagarek mene higithogo hilingiri'lagwi lek iluk agarek mene omanogo inom, at Daud oba andogosi wagaukwasik, Daud ebe it inoe melalinafu mene faget werek kwelek welagaukwa, nen it Daud inom nikhi lagaukwa mene re inebe seberogo 400 nen hakhogo welagaukwa.

2 SAMUEL 6:20

A'nogo lagaukwama, at Daud againafuri hai warinabigiluk aiba istana lageluk lagunemen he, at he Mikhal wulibi wagaikhe hak emberek ambi agaukwasik mel yagatikhe: ”O yogondak yire, ibi-eberogo nen afuni Israel mene inoe raja it afuni nen agaukhogo fogetnabuageluk hilingite andi ri! Afuni kembu mene nen inenggali lek inasu nonggologo lakfisaluk hilingitarek hak, at raja kursng bsrik mene agoromi at aiba onggwarek ebe werek oba halharek mene inamingmingengge helime mene omanogo ineilhanem asu nonggologo lakfisikhesik enggali lek hilingirik waga andi ri!” iluk lagokhogo wenagetikhe.

ZEFANYA 3:4

It nabi re yabu iren hilingitarek hakhogo hilingiri'lagwi lek, nen, it inane eberogo mene ili'lagwi iluk angga lek hak, nen it imam mene re Tuhan obaget enogo fugu mene omanogo emetfuluk he, it inonggwarek sumburogo helugu mene faget Allah wene melalek omanogo agaum-fagaum isagarek inap werek.

HAKIM–HAKIM 9:27

Ariginik logolik iren anggur enggen yabumo tagani lagaukwasik anggur agai ferelogo i nunggu mene hilingfesukwasik iren seni isatukwa. Isatukwasik he iren he inandugwi kembu apne wanharek oba omanogo nen inamburu ninggik, inagai ninggik ikhi logolik, Abimelekh a'nogo homan fikhi lagaukwa.