HAKIM–HAKIM 9:2 - Allah Wene Fano Wene Hupla Inane

² ”Hiren he, afuni o kota Sikhem welagaikharek mene mondogat heinok wogisikhi logolik, mel yagaisano: Hit hinendawimo hinagaiyek he, Gideon againafuri inebe 70 andi nen, fethinarek logolik: Yi'nogo hilingi'no, ti'nogo hilingi'no, iluk yagahisikhi logogun hinamolo a? At he, ap misigen, fethinarek logolik: Yi'nogo hilingi'no, ti'nogo hilingi'no, iluk yagahisikhi logogin hinamolo a. An hit ninom welago yi re, hinenggenma mene welagi andi, iluk ikhe, iluk inendawimo eberisano o,” iluk yagaisasikhe.

HAKIM–HAKIM 9:2 Referans Kwoze

HAKIM–HAKIM 8:30

Andoma logolik, agagwi mondok hokhorogo andi nen, againafuri re, ap inebe 70 nen welagaukwa.

KEJADIAN 29:14

at Laban nen he, ”Wene andi eberogoat mondok egen o. Hat hebe nit ninenggenma mene aro,” iluk yagatikhe. A'nogo yagatikhemo, at Yakub inom andoma tugi misik hambukhogo welagaukwa.

IBRANI 2:14

Aren he, ”Afuni andi an nagainafuri,” iluk isikhe andi re, nit afuni wa'lagorek mene faget isikhe andi nen he, at ebe wa'laga logolik, nit afuni wa'lagorek mene ero at Iblis enggiba welagarek mene andi, at Yesus nen at Iblis ebe mabenet fisigik,

1 TAWARIKH 11:1

It Israel inap inogogwi kaindek inebe mondogat at Daud ambit o Hebron lagaukwasik oba yagati logolik he mel yagatukwa, ”Nit yire ninoe hun hokho hagaila'lak hamep mene wago o.

2 SAMUEL 19:13

A'nogo lakfisa waga logolik, ap Amasa oba yi'nogo yagasuageluk lakfisa wagaikheat: ”Hat hebe an nagailak lek nogo! An nen o yogondak huli nen hat hebe an nagoromi tentara mene inoe ap Yoab obulu'mo menhobagagin o, nen lek halok he, At Allah nenat nebe noasuago, iluk ikhe,” iluk yagasuagaluk lakfisa wagaikhemo wagaukwasik, yagatukwa.

HAKIM–HAKIM 9:5

A'nogo wogisasikhesik, inom he, at eisena aiba o Ofra lagaukwa. Lagaukwasik, ogogwi agoromi inebe 70 nen omanogo helep misik meneba fisasikhesik inoatikhe. A'nogo meneat he, Gideon amlogo elabo mene enu Yotam andi nek ebe hina'lagaikhe andi nen he, at inom inoati'lek.

HAKIM–HAKIM 9:18

A'nogo hilingitikhe meneat he, yogondak hiren he, neisena Gideon againafuri onggo palinafepsik inebe 70 nen mondogat helep misik meneba fisegepsik inebe felelenghogo inoatep andi. Abimelekh ebe re, neisena amlogo, agwe amingmingengge mene nen tatikheat anggigi. A'nogo meneat he, hit afuni Sikhem en he, at Abimelekh ebe hit hinenggenma mene andi nen, hit hinoe raja logouwageluk menfegep andi.