HAKIM–HAKIM 8:3 - Allah Wene Fano Wene Hupla Inane

³ Ma re, at Allah nen afuni Midian mene inogogwi inebe pire Oreb inom, Zeeb inom, hit hinenggiba fikhemo re, inebe hiren inoatep mene andi, an hilingiti mene faget agaukhogo fogetnabugun anggegep a? Lego. We, hirat agaukhogo fogethinabugun o,” iluk at Gideon nen a'nogo yagaisasikhemo, ina'mage lek agaikhe.

HAKIM–HAKIM 8:3 Referans Kwoze

AMSAL 15:1

Wenagisugu halok, onggo inane liokhogo yagaisugunem he, ina'mage lek agarek, oba nen onggo lagokhogoat yagaisogoin halok ina'mage lagaikherek.

FILIPI 2:3

Yi mene ti mene hilingisuogeluk, hinendawimo nen he: ”An enek fanorogo hilingiti logogin,” iluk, hinonggwaregen legeisogo fakhikhi logogubo, hinendawimo nen fogerakhigi'legat: ”It ekhe fano. An he, elo'lek,” iluk, anggikhi logoino o.

ROMA 12:6

At Allah obabut fano nen, nit mondogat ninobabut lombok wo'nisasikhe andi nen he, aren wo'nisasikhe higithogoat hilingiti logogun o. It ekhe nen Allah ane yagaisikhi logouwageluk inobabut wogisasikhe mene re, inendawinggen at oba himbiret fuluk welagaikharek higithogoat yagaisikhi logogun.

ROMA 12:3

At Allah obabut fano nen, yi'nogo hilingiti logouwageluk nayonggo fesikhe andi nen, wene ekhe yi hinebe lombok komothinabik. Hit he, it ekhe inawe a'ma logogun werek kwelegat he, hinendawimo nen, ”An nebe kain,” iluk hinendawinggen legeisogo fakhikhi logogun lek. Athe, Allah nen hinebe lombok hinendawinggen at oba himbiret fikhi logouwageluk hinobabut lombok wokhisasikhe higithogo, hinendawinggen sebelek logolik hinonggwaregen hinobabut palikhi logoino.

YOHANES 4:37

Wene yi re, inane lagokhogo ikhi logolik, at ekhe nen awi yatik, at ekhe nen enggen palhik, agarek iluk ili'lagwi andi eberogo aro.

AMSAL 25:15

Afuni inobabut sebela'luk inane fano o lioksek oba agarek mene andi re, iren agarek mene re ap hokho inaben ogore eberogo anggigik, nen yi wene ti wene inoba wagu mene omanogo re mondogat leget figik, u hagat.

AMSAL 25:11

Anggagarek mene a'nogo u higiroba asi wagunem agarek mene andi re, emas enggen perak mene loksek engge welagarek higit.

AMSAL 16:32

Inomame welagaikharek andi re endep harek hak oba nen, weak-weak wenagisagarek lek andi nek he mondok fano. Inomameba o kota halogo fagarek andi we harek hak oba nen inonggwarek inebe halagarek mene andi nek he mondok fano.

MAZMUR 115:1

Nineisena Tuhan nit ninebe hendawi nen, hoba lombokhogo fetninarek welagen andi nen, nit afuni fogetninabu lek hak, We, hat hamuat fogethafi logogun.

MAZMUR 44:3

It Hat hagainafuri mene it ekhe inunggulenu amu mene inanggweang oba andoma logouwageluk he, Harenat mugusogo wulak fisasigin o. It afuni inunggulenu amu mene re Haren it inebe alomat fisikhi lagagin oba nen he, it hat hagainafuri mene nek he inebe saga ilik laga logouwageluk hilinginafi lagagin.

HAKIM–HAKIM 8:2

A'nogo wenagatukwa meneat he, at Gideon nen mel yagaisasikhe: ”An nen hilingiti mene andi, hiren hilingitep mene andi emberek walhamo re, an hilingiti mene andi mondok elo'lego. An nagoromi mondogaren hokhorogoat hilingita andi elo'lek meneat he, hit endebat hilingitep andi nek he, mondok esin o.

HAKIM–HAKIM 8:4

Andi sambul he, at Gideon agoromi inebe 300 nen omanogo inom he, i Yordan palogo weak-weagat wulifukwasik, inomame lek agaikhe meneat he, inaselei mene muginarek mondok lagaukwaat.