HAKIM–HAKIM 8:1 - Allah Wene Fano Wene Hupla Inane

¹ Ap Efraim mene a'nogo wagaukwasik Gideon mel yagatukwa: ”Haren ap Midian mene inoasi wesigiluk waga logolik, nit yaganisigi'lek wagen andi nenahalok! Ninggi'nogo nen haren nit ninoba a'nogo hilingninafen?,” iluk at Gideon wene weakhogo wenagetukwa.

HAKIM–HAKIM 8:1 Referans Kwoze

2 SAMUEL 19:41

Wagaikhemo, it ap Israel mene mondogat at raja oba wagaukwasik, mel yagatukwa: ”Noe, nit ninagaila'lak Yehuda mene inendawimo nen he, At ninoe raja ebe inom, againafuri mondogat inom, agoromi tentara mene inom, inom inebe nit ninamunegen i Yordan palogo salmaginafik, yerinarek welagik, u mene o, iluk aga andi nenahalok nogo?” iluk yagatukwa.

PENGKHOTBAH 4:4

An nen ekhe nelu mene re yi: It afuni nen yabu inomamerogo wanharek andi re it inom siok erarek mene andoma ineabu ambisangma weregen ina'ma weagen hilingitarek. Andi re we sogoi murok lagaikharek hak alomarogo hilingitarek.

AYUB 5:2

We ap mondok kembu mene nek he, inendawi ou ikhi la'luk wa'lagaikharek andi.

HAKIM–HAKIM 8:2

A'nogo wenagatukwa meneat he, at Gideon nen mel yagaisasikhe: ”An nen hilingiti mene andi, hiren hilingitep mene andi emberek walhamo re, an hilingiti mene andi mondok elo'lego. An nagoromi mondogaren hokhorogoat hilingita andi elo'lek meneat he, hit endebat hilingitep andi nek he, mondok esin o.

AMSAL 15:1

Wenagisugu halok, onggo inane liokhogo yagaisugunem he, ina'mage lek agarek, oba nen onggo lagokhogoat yagaisogoin halok ina'mage lagaikherek.

HOSEA 13:1

Attak he, afuni Efraim mene agaukhogo yagaisikhi lagaukwa andi nen, iren he, ”Yi'nogo hilingi'no, ti'nogo hilingi'no,” iluk ugu halok, afuni inunggulenu Israel mene ekhe nen he, inailo welagaukwa meneat he, it afuni Efraim mene nen he, Allah ane sagalogo tugwi kembu baal mene fogerati logolik weak hilingiti lagaukwa andi nen he inebe mondok lek asugun o.

2 SAMUEL 19:42

A'nogo yagatukwama, it ap Yehuda mene nen he, yi'nogo yagaisasukwa: ”Eberogoat at raja andi re nit ninoe meneat he, hiren nit nenahalok hina'mage lagaikhesik wena'nisikhi lagep? Nit ninamburu at ninoe raja nen wo'nisikhi lagama nen yaganisegeba? I a, at he, nineisok onggo wo'nisikhemo nen yaganisegeba! Tulemat ikhi lagebo,” iluk yagaisasukwa.