HAKIM–HAKIM 6:3 - Allah Wene Fano Wene Hupla Inane

³ A'nogo hinago logolik he it Israel mene nen yabu waganogo yi mene ti mene yatunem he ap Midian mene inom Amalek mene inom ap amu mene o leikwe werek mene omanogo inom seberogo re it Israel mene inoasugun iluk wagaukwa.

HAKIM–HAKIM 6:3 Referans Kwoze

HAKIM–HAKIM 7:12

Pisukwa re, ap Midian mene inom, Amalek mene inom, ap ekhe inaiba o leimo mo liabi wagarek higit andoma mene inom, omanogo inebe pulue andogorek welagarek hangge inebe tonggoma andoma ya logalek ta logalek welagaukwa. Nen, inanggo unta re, mondok hokhorogo ial i esanggokwe welagarek andi hangge welagaikheat.

HAKIM–HAKIM 6:33

Andem sambul he afuni inunggulenu Midian mene inom Amalek mene inom afuni inunggulenu ekhe o ilingage leimo i Yordan fena mo liabi wagarek fikhit andoma werek mene inom mondogat kabogetukwa. Kabogetukwasik i Yordan palogo wagaukwasik he inawi tenda o Yizreel tonggoma andoma wutukwa.

HAKIM–HAKIM 3:13

Raja Eglon andi nen he ap inunggulenu Amon inap inom, Amalek inap inom sebetukwasik he, it Israel mene inomame leget fisaluk o Yerikho, kota e kurma eroma andiba sebelasikhe.

AYUB 1:3

Nen, at amingmingengge inebe mondok hokhorogo welagaukwa. Anggo ogore, domba 7.000, nen unta re, 3.000, nen sapi re, 1.000, nen keledai re 500 nen welagaikhe. A'nogo welagaikhe andi nen, afuni o mo ero fikhit andoma welagaukwa mene inangge endebat hangge meneat he, at Ayub andi nek he, mondok kain eilmo wulalhak welagaikhe.

1RAJA-RAJA 4:30

O kweang mo lagai wagarek fikhit andomaba ogo nen o Mesir en ogore ap misik ogo Salomo enggat agun welagaikhe andi hakhogo ekhe welagaukwa mondok lek.

HAKIM–HAKIM 8:10

At Gideon nen a'nogo yagaisasikhe andi sambul he, at Sebah inom, Salmuna inom, inagoromi tentara mene esa logalek inaiba o leimo mo wulibi wagarek higit andoma mene attak esa logalek wagaukwa mene omanogo, it Israel mene nen inebe 120.000 nen inoatukwama, we, 15.000 nen hangge nek hilinglagaukwasik o enu Karkor lagaukwasik welagaukwa.

KEJADIAN 29:1

At Yakub a'nogo laga lagaikhesik, o Kanaan mo wulibi wagarek higit lagaikhe.

MIKHA 6:15

Hiren hinangge gandum awi feik lakfikhi logogun oba nen he enggen palikhi logogun lek. Nen, hinagayo zaitun amusu keralikhi logogun oba nen he, i amusu ebe hit he ninggi logogun lek, nen hiren hinagayo anggur enggen perelikhi logogun oba nen he i anggur amusu andi ebe hit ninggi logogun legat.

AYUB 31:8

andi re yi mene ti mene an nen yati mene it ekhe ninggik, nen yabukwe yi mene ti mene yago mene re weak akhoago.

ULANGAN 28:51

It a'nogo waga logolik, hiren takhikhi lagep mene inom, hinanggweang oba nen enggen palikhi legep mene inom, legetfikhi logolik hit faget iluk gandum ogo, anggur agai ogo, zaitun amusu ogo, sapi, kambing, domba ogo, mondogat helamo re hit nele nen mondogat wa'lasugun o.

IMAMAT 26:16

An nen enggin mene hit hinoba asuageluk hilingfigik, hinebeba ou aganhan engge mene andi nen hineilenggen puk agik, nen hinoba fano asu elo'lek mene andi nen hutet hisugunem inebe mondok weak agik ugun. Hit hineabu wokfakhaluk awi yasugun oba nen he enggen oan ninggi'le'ma, it hinaselei mene nen sebela kwi we'luk ninggi logogun.

HAKIM–HAKIM 6:2

A'nogo logolik he afuni Israel mene afuni Midian mene inoba mondok inailo nen he oumokwe inom, tomkwe inom afuni nen ineilenggen isa lekwe inom andoma hinago welagaukwa.

HAKIM–HAKIM 6:4

Wagaukwasik he it inawi tenda re kweang it Israel mene inoba omanogo wutukwasik he, it ineabu awi yago mene omanogo hunggul warik abel selatan fikhit o Gaza maserogo andomaba fei lagaukwa. Ekhe re it Israel mene inanggo sapi, domba, keledai omanogo ogo helaluk lagaukwa. Iren he endebengge iluk ogo ekhe herakfisasukwa le'ma re afuni Israel mene inamburu nunggu mene mondogat legagaikhe.

1RAJA-RAJA 20:27

Nen, it Israel inap ogore, inagoromi enggi warinafukwasik lirinafukwa. A'nogo lirinafukwasik he, it Israel inaben sikhe fisogo mene omanogore lagaukwasik esa pire minggilogo o sabu wutukwa. It Siria inap a'nogo inom inelokhe wuthogo logolik, inebe hokhorogo o andoma kwi lagaukwa. A'nogo salhukwama re, it ap tentara Siria mene mondok sagarogo salek palek welagaukwa mene a'nogo inom walhasukwama nen he, it Israel mene re, kambing kabok pire logalek hangge hilingik welagaikhe.

YESAYA 62:8

Tuhan nen ane hombuk palogo wene wati logolik At omameba hobuk higithogo hilingisigin iluk ikhe. Aren he, ”An nen hinangge kandum selei mene inenggiba fagain lego, nen ap pok mene re anggur hiren likhak warogo hinenggi ambisangma nen helikhi logogun mene andoma re ninggi logogun legaro.

YEHEZKIEL 25:4

Andi faget he An nen hit oboget hisamo, unggulenu amu mene o lei pirimsekwe abel timur fikhit mene nen sebelogo hinobagagun o. Iren inawi sabu hit hinanggweang oba andoma salogo inenggi inukhogo o andoma logolik, hit mene hinagayo enggen inom hinanggo sapi eilak amusu inom ninggi logogun.

KEJADIAN 25:6

At ebe eluk logolik angge yi mene ti mene fena hokhorogo at amlogomi agagwi heihe mene nen tago mene omanogo inendawimo fanorogo iluk wogisasikhe. Wogisasikhesik at Ishak horokhogo yoma logogin enggere, hit he at were'ma ya herakfisaluk o yatma lani isikhe. Isikhemo o Kanaan mo lagai wagarek fikhit andoma lagaukwa.

KELUARAN 17:8

It afuni Israel mene omanogo o Rafidim andoma were'ma, afuni Amelek mene inoasuogeluk wagaukwa.

1RAJA-RAJA 5:10

A'nogo yagasi lagaukwama re at Hiram en he e laik o Libanon mene omanogo inom, nen e laik amu mene inom, at Salomo endawimo anggasikhe higithogo lakfisa waga lagaikhe.

YESAYA 11:14

It inebe misik seberogo re ap Filistin inap mo erembul fikhit werek mene inoba weim kwi laluk he, inunggulenu mo ero fikhit werek mene telogo woginarek wesugun. Iren he, inunggulenu Edom mene inom Moab mene inom seberogo fisogoin, nen inunggulenu Amon mene re it ina'ma sebe ugun.

YEREMIA 49:28

Tuhan nen unggulenu Kedar inom o sili Hazor a'ma werek mene inom hun Nebukadnezar raja Babel mene a'nogo nen telhikhe mene omanogo faget ikhe mene re yi, ”Hat Nebukadnezar yi, haren he o Kedar pin kwi lambik he afuni timur fikhit werek mene andoma mondogat legerinabin o!

YEHEZKIEL 25:3

It inunggulenu andi mene yagaisikhi logolik, it inobaget An Tuhan Lego Mondok welagirek mene a'nogo nen hat hoba ikhi lagi mene andoma inesanggo holuago. Hit he An nawi wurik mene andi emetfigik, kweang Israel inanggweang mene weagerogo figik, it inunggulenu Yahudi mene hele warogo woginarek lagunem kumurinarek welagik, agarek mene andi faget hinagaiyek welagep.