HAKIM–HAKIM 5:3 - Allah Wene Fano Wene Hupla Inane

³ Nit afuni Israel mene nineisena Tuhan Allah a'nogo faget wuni wati lagi yi, hit ap hinenupogot hinagoromi kaindek hinomen hinesanggo holini o.

HAKIM–HAKIM 5:3 Referans Kwoze

MAZMUR 119:46

Haren wene yi'nogo hilingiti logoino ti'nogo hilingiti logoino iluk yaganisasigin mene andi re, an nen it raja-raja omanogo inoba fageti logogin, an he nenggali asigin lek.

EZRA 7:21

Nen, hit o propinsi Efrat barat fikhit welagep mene nen uang kerajaan mene halhi lagep mene omanogo hinoba yagahisikhi lagi andi. Ap Ezra Allah Pogoroba mene awene melalek mondok elu-pelu agun andi nen yi mene ti mene kino yagahisugu halok he, weak-weakhogo nek wogeti logoino;

1RAJA-RAJA 19:14

A'nogo yagatikhemo at Elia nen he, ”Neisena Tuhan Allah Homame Mondok Hokho mene, an he hundik-handik Hat hobaget enek hilingitirego. A'nogo meneat he, hagainafuri Israel mene hinom wene wat-wat isigip mene a'nogo sagalogo herakfisaluk, wam yi mene ti mene Hat faget nolhetarek mene obuluk omanogo mondok meisa'lambukhogo lakfisagasik, ap Hat hane yagaisili'lagwi mene omanogo inebe mondok felelenghogo inoatasik, an namunek heraknobagagasik yogondak nebe noasuogoluk ili'lagwi o, neisena,” iluk yagatikhe.

1RAJA-RAJA 19:10

A'nogo yagatikhemo, at Elia nen he, ”Neisena Allah, Tuhan Homame Mondok Hokho mene a'nogo neisena. An he Hat hobaget mondok hilingitirek mene o. A'nogo meneat he, hagainafuri Israel mene Hat hinom wene wat-wat isigip mene a'nogo sagalogo herakfisaluk, wam yi mene ti mene Hat faget nolhetarek oba obuluk omanogo mondok meisa'lambukhogo lakfisagasik, ap Hat hane yagaisili'lagwi mene inebe mondogat felelenghogo mondok inoata o. A'nogo inoatasik, an namunek heraknobagasik, yogondak nebe noasuogoluk ugu nen o, neisena,” iluk yagatikhe.

1RAJA-RAJA 18:22

A'nogo kamo isukwama, at Elia nen mel yagaisasikhe: ”Ap nineisena Tuhan ane yagahisogorek mene re, we an nami-namunek welagi yi o. A'nogo meneat he, it yoma ap tugwi kembu Baal ane yagahisagarek mene nek he, inebe 450 nen welagep ari o.

HAKIM–HAKIM 5:7

Israel mene inawi kota-kota omanogo afuni mondok le'ma, hat Debora afuni Israel mene inagaisa asigiluk hendawinggen hundik mene wagen,

ULANGAN 32:3

Nineisena Tuhan, an nen fogerati lagi mene, nineisena Allah enu hokho andiat, wialik lani.

ULANGAN 32:1

An wuni wasigin andi, hat pogot hesanggo holino, hat kweang hesanggo holino.

IMAMAT 26:28

An nen naniniba yei hinoasigin. Nen enggin mene hinoba fagain mene andi re attak hasigip mene we endebengge hak oba nen he hobuk mene nenggi wenagaisogo 7 nen oba hinoba fagain.

KELUARAN 31:6

At Oholiab hun Ahisamakh amlogo unggulenu Dan mene a'nogo ogo re at lebethikhi logouwageluk An nen yanggulhigiat. An nen it tukang-tukang amu mene inoba ogo inelu mondok a'luk yi mene hilingi'ni iluk yagaisugunem hilingitu mene faget wogisasigi.

KEJADIAN 9:9

”An nen hit hinebe inom, hiren tagongge mene inom, yirue, tirue inom, wam, paik yi mene ti mene enggi lek werek kweangma mene hit hinom kapal elema nen wulibi wagep mene mondogat inom, wene ekhe wathisagain o.

KEJADIAN 6:17

A'nogo wutfugunem, afuni inom, yi mene ti mene kweangma welagarek mene mondogat inom, inoasuageluk, An nen i fu hokho mene ekhe lakfei wesigin o. A'nogo lakfei wesumo, yi mene ti mene kweangma eluk welagarek mene mondogat wa'lasigin o.

MAZMUR 27:6

Nen yogondak he naselei mene nen nabel fena-fena hobet nea weri'lagwi mene omanogo inoba nen nomame agarik he, nendawimo nagaiyek oba lebetneegen iluk At Aiba andoma nen nane hokhorogo hai wati logolik he, wam warogo noleti logogin. Neisena Tuhan wuniba fogeratu logogin.

MAZMUR 61:8

Neisena Allah, raja andi ebe harenat wenagaisogo fesigin mene hilingi'mo re, Haren hendawi hundik hilingitik, tiphogo nek hilingitik, egendek mene a'nogoba agap laberogo fisogo logoin o. A'nogo were'ma ninhup nanhup andoma re aren enek melalinafu mondok logogin.

MAZMUR 146:2

An nebe neluk logolik oba re Tuhan enek fogerati logogin, nen an nebe logolik oba re neisena Allah faget wuni wati logogin.