HAKIM–HAKIM 5:12 - Allah Wene Fano Wene Hupla Inane

¹² Wesimbik he Debora hebe menlame o, menlasimbik wuni ero wulabin. Hat Barak Abinoam amlogo yi, hebe siakhogo menlasimbik he, haselei mene inenggi hele warogo woginarek lan, ili'lago.

HAKIM–HAKIM 5:12 Referans Kwoze

EFESUS 4:8

Andi nenat, Allah nen mel iluk isikhe: ”At ebe pogot halianggen oba po'lima lagaigeluk, at inom weak mene inenggi hele warogo fisaluk woginarek lagasikhesik he, fano mene ekhe afuni onggo lek sumburogo pelagisa wagaikhe,” iluk isikhemo lisu palogo fesukwa andi.

MAZMUR 68:18

At Allah re angge kereta mondok hokho pokhorogo inenggi wenasu elo'lekhogo meneba, o Sinaiba nen At Awi obalik Mondok hore'ma omanogo kwigiluk weinam asi wagarek.

MAZMUR 57:8

Neisena Allah, an nendawinggen eberogo nenat Hat hoba tibet figirik welagimo re, an nen Hat hoba nek hai wathafik, wuniba legeisogo hobagagik, ikhi logogin o.

2 TIMOTIUS 2:26

A'nogo komorinafunem, at Iblis endawimo anggikherek mene hilingiti logouwageluk inebe paik hele fugunem ke'nok ikherek hak ke'nok uba nen, hobuk inobabut hebelumo Allah nen fikhalogo wulakfisagain aro.

EFESUS 5:14

A'nogo selek oba fugunem enegat a'luk he, selek agarek andi nen he, mel agarek andi: ”Hat nogo ikhi lagen andi, hebe menlame o. Nen, warek hangge welagen andi, helugame o. At Kristus nen selegethabigino,” iluk agarek andi.

1 KORINTUS 15:34

Weak hilingiti lagep mene andi herakfisaluk he, yogondak hinebe hebela'ni o. Hit ekhe Allah ebe hinonggot welagep andi nen, hinenggali wasigeluk yagahisigi andi.

YEREMIA 31:26

Andem sambul afuni nen ikhi logolik, ”An nogo homokhogo igirik he noba mondok fisok ikhe o,” iluk ikhi logogun.

YESAYA 60:1

Hat Yerusalem yi re, selek hat hebe telhabigin mene a'nogo mondogat waga andi nen he hebe menla'luk selegabesin o, Allah ombak-bak he hat hoba fisari'lago.

YESAYA 51:17

Yerusalem yei, helugame o! Helugame o! Tuhan anini nen unggum hokho mene hoba pelabi wagama hikhi logolik welagen mene a'nogo mondogat lek aga o.

YESAYA 51:9

Tuhan neisena, hebe heluk a'luk he nit lebetninabin o, Hat homameba ninili wo'ninabin. O attak Haren Rahab al perelogo fesigin sambul a'nogo inom, nen kisu naga laut i agumo welagarek mene talogo watigin sambul a'nogo inom, hilingitigin hakhogo hebe siakhogo menlame o.

YESAYA 33:1

Nit ninaselei mene andoma re alomat laga logouwak! Niren it inangge ekhe telhi lago lek oba nen ninangge teluogeluk hilingitik, henarogo hilingiti lago lek oba nen iren henarogo hilingitik, agarek. Oba nen he arat telogo helaluk inom henarogo hilingi'luk inom he, it inonggwarek inobaat afuni nen hinatik, henarogo hilinginafik ugu mene hilinglasugun o.

YESAYA 14:2

Afuni Israel mene inawi eroma Tuhan nen wogisasikheba andoma nekhengge wesuageluk he it inunggulenu hokhorogo nen leberinabugun, nen o andoma nen he it inunggulenu andoma mene re it Israel mene inamingmingengge a'luk logouwageluk hilinginabugun. It Israel mene nen he it ap sebelinarek welagaukwa mene omanogo iren ogore sebelinarek logogunat. Nen it inane omameba yagaisikhi lagaukwa mene omanogo it Israel mene nen ogo inane omamerogo yagaisikhi logogunat.

MAZMUR 108:2

Neisena Allah, an he hat hoba nendawinggen mondok wurikhogo tipsek logolik welagi, an he Hat hoba wuni igik, fogethafik, hilingiti logoigen he, hat nendawinggen yi re helugame o.

HAKIM–HAKIM 5:13

Tuhan faget weim yabugun iluk, ap ekhe inafe hebelek mene, linet fisaga mene inogogwi melalinafu mene inoba lagaikha.

MAZMUR 57:9

An nendawinggen nebe neluk welagi mene yi re helugame o, an nen nambinggong kambus, kecapi watunem, o wei uageluk eleligen he yogondak yaat helugame o.