HAKIM–HAKIM 4:9 - Allah Wene Fano Wene Hupla Inane

⁹ A'nogo yagatikhemo, at Debora nen mel yagatikhe: ”Fano. An ninom logoin o. Mene re, hobuk hat agaukhogo fogethabugun lek a'naga hendawimo eberek logoino. At ap Sisera andi, he ekhe nen wasuageluk Tuhan nen enggiba fagain andi,” iluk yagatikhe. A'nogo yagatikhesik, at Barak inom Debora inom emberek o Kedes lagaukwa.

HAKIM–HAKIM 4:9 Referans Kwoze

1 SAMUEL 2:30

An hit afuni Israel hineisena Tuhan Allah nen attagat wene wathisikhi logolik: Hit hinagainafuri inom, iren tagomangge mene inom, inebe An eisewerek a'luk mondok logogun o, iluk wene warisasigi andi. A'nogo meneat he, afuni An agaugwetnabugun mene halok An nen it agaugwerinafirek, nen inendawimo seramet nobagagu mene halok An nen seramet fisigiregat, andi nen he yogondak An nen wene warisasigi mene andi herakfisagain o.

2 TAWARIKH 26:18

Kwi lagaukwasik he iren ikhi logolik, ”Ninoe hebe kain mene! Hun hat he Tuhan Allah ane sagal fegendik, Aren a'nogo hilingisin iluk yagahete lek oba nen kwi wagen andi nen he Aren hat hoba fanot hobagakhi logogin lek enggere, haren Tuhan faget amben fanongge dupa andi noligin lek. Yabu andi hilingiti logouwageluk he, it imam Harun ambisangma mene omanogo enogo fisasikhe hilingi'mo re, yi re it ineabu. Hun hat he yogondagat o mondok amu enek oba yi herakfuluk wulibi lan!” iluk yagatukwa.

HAKIM–HAKIM 9:54

Ariginhikhemo at Abimelekh en weak-weak ap alage mene nen at asikhe waluk laga-lagaikhe mene a'nogo woletikhe. Woletikhesik yagati logolik, ”An he, he mene nen wate ikhi logogun andi re nabiro, henggarok andi lisogo an nebe pinggi noasin” iluk isikhemo re, ap souge mene a'nogo nen at Abimelekh a'nogo talogo watikhemo ebe pinggi wa'lagaikhe.

HAKIM–HAKIM 4:8

A'nogo yagatukwama wagaikhesik, at Barak en he Debora wene onggo yi'nogo yagatikhe: ”Hat hebe ninom logoin halok he, an ninomat logoin o. A'nogo meneat he, hat kamo igin halok he, an ninomat kamo ugun o,” iluk yagatikhe.

HAKIM–HAKIM 9:53

he mene misik ekhe nen he helebenggen sagalhungge misik ekhe at unggulmo pelabi wagaikhemo re, at ungguloak eraphogo watikhe.