HAKIM–HAKIM 4:6 - Allah Wene Fano Wene Hupla Inane

⁶ At andoma logolik, inenggi ekhe sambul he, afuni nen ap Abinoam amlogo Barak andi aiba kota enu Gedes, afuni inunggulenu Naftali mene were'ma andoma wene mel yagasi loagaluk lakfisasikhe: ”Afuni Israel mene ineisena Tuhan Allah nen hat yi'nogo hilingisuageluk yagahete: Afuni inunggulenu Naftali mene inom, Zebulon mene inom, ap inebe 10.000 nen andogorogo fisambik, tom Tabor oba woginarek lano o.

HAKIM–HAKIM 4:6 Referans Kwoze

IBRANI 11:32

An nen ap Gideon inom, Barak inom, Simson inom, Yefta inom, Daud inom, Samuel inom, it ap Allah ane yagaisikhi lagaukwa mene inom, inendawinggen eberogoat Allah oba himbirik logolik hilingiti lagaukwa mene pilingisogo yagahisa meneat he, o arat horok agasi'mo re, elo'lego.

HAKIM–HAKIM 8:18

A'nogo hilingitikhesik, hobuk ap Zebah inom, Salmuna inom, mel yagaisasikhe: ”Hiren ap o Tabor en inoatep andi inelokhonggen ningginik mene inoatep,” iluk heinok wogisasikhemo, iren he, ”Inelokhonggen he, hat hinom higit, ap kaindek inenupogot inagainafuri inelokhonggen hangge mene inoato o,” iluk yagatukwa.

YOSUA 19:37

Gedes, Edrei, En-Hazor

HOSEA 5:1

Tuhan nen ikhi logolik, ”Hit ap an eisewerek welagep mene yi inom, hit afuni Israel mene mondogat inom, hit afuni ap inenupogoren tagomangge mene yi inom, hinesanggo fanorogo holini o, hiren he it ekhe wene inoba figik, kotik, higithogo u werek kwelegat he, o Mizpa nen paik ke'noguageluk hele figik, o tom Tabor oba nen ikan kwalasuageluk su webet figik, o Sitim kweang uanhogo habuli'mo puageluk fougetik, egepma werek andi hak, it ekhe weak asuageluk hilingiti lagep andi nen he, An nen wene hit mondogat hinoba fagain o.

YEREMIA 46:18

An he, Allah Neluk Mondok welagi mene. Nebe re Raja Tuhan Nomame Mondok Hokho mene a'nogo. Tom Tabor he tom amu mene anggele'ma wolonghogo liabek welagarek hak, tom Karmel he i laut yenggele'ma nen ale'ma wolonghogo liabek welagarek hak, An nomameba hat hoasi wagaikharek mene andi re ariginigo.

MAZMUR 89:12

Pogot inom kweang inom andi eisere Hat honggwaregat welagen, Kweang ebe inom yi mene ti mene oba werek engge andoma inom mondogat he Haren enek elalogo fesiginmo werek.

MAZMUR 7:6

we, it an naselei mene omanogo nen enek mu'narek senabi we'luk, nebe warogo kweangma andoma nobagauwago.

1 SAMUEL 10:3

A'nogo yagatikhesik, ekhe mel yagatikheat: ”Andoma nen pikhit laga logombik, o Tabor e Allah fogeratarek mene eroma andoma lagain hak he, ap inebe henagan mene o Betel en wam Allah faget warogo nolesuogeluk wagunem hinom ambi asugun a'naga. It andem at ekhe re, wam kambing eagwi henagan mene waluk, nen ekhe re, roti ebe henagan meneat waluk, at ekhe re, anggur enggen amusu iwak wam agap oba hilingik meneba hinagongge waluk wagunem ambi asugun a'naga.

HAKIM–HAKIM 5:1

A'nogo legetfisasukwasik, o andi sambul he Debora inom ap Abinoam amlogo Barak inomen wuni yi'nogo watukwa.

HAKIM–HAKIM 4:10

A'nogo louwogeluk, at Barak en ap inunggulenu Zebulon mene inom, Naftali mene inom, andogorinafikhesik, Debora emberek lagunem, ap inebe 10.000 mene inombo'ne o Kedes lagaukwa.

YOSUA 19:32

Kweang falfalik mene sumburisasikhe mene re, it inunggulenu Naftali mene ineisok erokwe omanogo inoba sumburisasikhe.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

YOSUA 19:22

It inanggweang huli-huli re o Dabor, Sahazima, Bet-Semes nen hiling-hiling he i Yordan huliba hilingik welagaikhe. It inawi kota andoma 16 nen were'ma re, o sili endep-endebengge era'lukwe haningisogo hilingik welagaikhe.

HAKIM–HAKIM 6:35

A'nogo wolinafukwama aren nin yonggo re it inunggulenu Asyer mene inom, Zebulon mene inom, Naftali mene inom, Manasye mene i Yordan ima nen mo liabi wagarek fikhit inom, mo ubuk ikherek fikhit werek mene inom mangosi wesuageluk yonggo lakfisasikhe. A'nogo lakfisasikhemo re it inebe mondogat andi re at Gideon lebethouwogeluk ambit wagaukwa.

1 SAMUEL 12:11

A'nogo yagatukwama, At nineisena Tuhan nen he, hit telhinabuageluk attak-attak he Gideon ayonggo fesikhe, ombo'ne re, Barak, ombo'ne re, Yefta, nen wurep oba re an, ninayonggo fuluk hinoba lakninobagai waga laga andi. A'nogo la'ninobagai wagunem, nit andi ninebe lombogen hit hinaselei mene nen hinoasuogoluk ugunem telhinabik wagunem fano lioksek welagep andi.

YOSUA 19:35

O Kota-kota andoma nen leget maserogo waganek mene re: Zidim, Zer, Hamat, Rakat, Kineret,

MAZMUR 89:13

O i elesi higit inom, i ambut higit inom andoma re, Harenat elalogo fesigin. Tom Tabor en inom, Hermon nen inom, Hat hobaget inagaiyegen henu seralhu logolik hawuni watu werek.