HAKIM–HAKIM 4:4 - Allah Wene Fano Wene Hupla Inane

⁴ Andem sambul he, ap Lapidot agwe enu Debora, Allah ane yagaisikhi lagaikhe mene andi nen, afuni Israel mene wene inoba figik, kotik, ikhi lagaikhe.

HAKIM–HAKIM 4:4 Referans Kwoze

LUKAS 2:36

Nen, o andoma he ekhe enu Hana. Ap Fanuel unggulenu Asyer mene a'logo, Allah ane yagaisikherek mene welagaikhe. At agun wanhikhesik oba nen 7 tahun emberek welagaukwasik,

2 RAJA-RAJA 22:14

A'nogo lakfisasikhemo, ap Hilkia inom, Ahikham inom, Akhbor inom, Safan inom, Asaya inom, omanogo he enu Hulda, ebe o Yerusalem sili ekhe ket wutukwaba andoma logolik, Allah ane yagaisikhi lagaikhe mene a'nogo oba lagaukwa. At he andi, ap Harhas omba Tikwa amlogo enu Salum, afuni Tuhan awi wuri'mo At faget hilingiti logolik su labeti logogun mene faget hilingiti lagaikhe agun andi agwe. He andi wene yagasi lagaukwa mene omanogo esanggo holhikhesik,

KELUARAN 15:20

A'nogo sebelinafikhemo, at he Miryam Harun oe ebe Allah ane yagaisikhi lagaikhe mene nen angge e anggwe folelek mene fothugunem ane ikherek mene wanhikhemo, hemi ekhe mondogat inangge e anggwe folelek mene wanhukwasik fothikhi logolik, inom wuni lagik-wagik watukwa.

GALATIA 3:28

Wanhigipsik, hobugen he, hit mondogat he, Kristus Yesus hinom hundik logolik hinebe misigat mene welagep andi nen he, hit fena Yahudi mene, fena Yunani mene igik, fena inamingmingengge mene, fena inale'ma mene igik, fena hemi, fena ap igik, ikhi logogun lek.

1 KORINTUS 11:5

Nen, hemi inebe lombok he, inasu inunggul oba yanggulhi'lek logolik afuni andogore'ma samban igik, wene yagaisigik, ili'lagwi halok he, inonggwaregen inaguni lombok inenggali wasu hagat hilingiri'lagwi. A'nogo hilingiri'lagwi andi re, inesi felelenghogo pale'ma hilingisu hagat hilingiri'lagwi aro.

KISAH PARA RASUL 21:9

At Filipus a'logomi inebe 4 mene re, inebe silerik logolik, Allah ane yagaisikhi lagaukwa mene welagaukwa.

MIKHA 6:4

An nen he, hit hinombawi afuni Mesir mene nen inamingmingengge higit ferinarek were'ma, telinafigisik, Musa inom, Harun inom, Miriam inomen woginarek wesuageluk inayonggo fisasigi.

NEHEMIA 6:14

A'nogo hilingitaba nen he an nen samban ikhi logolik he, ”Neisena Allah, it ap Tobia inom, Sanbalat inomen hilingiri'lagwi andi faget ebethan. It inoba unggum wogisan! Nen, athe nabi Noaja andi inom nen it nabi fenakwe inomen an nendawimo nailo asuageluk kwelabi'lagwi mene andoma inomat unggum wogisan,” iluk samban igi.

HAKIM–HAKIM 4:3

At kain Yabin angge kereta weim yafu mene posiemanggen meneba hilingik menere 900 nen welagaikhe. Were'ma, aren afuni Israel mene 20 tahun ferinarek logolik mondok wiik-weakhogo hilinginafi lagaikhe andi nen, iren he, ”Nineisena Tuhan telninabin o,” iluk inane hokhorogo yagati lagaukwa.

HAKIM–HAKIM 4:5

A'nogo hilingiti logolik, afuni inunggulenu Efrayim mene inawi tom ebene o Rama honggolek, Betel honggolek, tulem honggole'ma andoma, e kurma ekhe eroma hundik-handik hu'lasi laluk welagaikhe. A'nogo were'ma, afuni Israel mene unggum inoba mene, aren pilingisogo tegesuagaluk oba waga lagaukwa.

YEHEZKIEL 13:17

Tuhan nen ikhi logolik, ”Afuni wa'lagaikharek mene yi re, yogondak hat he afuni hat hunggulenu mene inanggelekwe andoma mene nen nit he nabiage hemi welago iluk hilingitarek mene andoma heilenggen woginabimbik he wenagisan o,

HAKIM–HAKIM 5:1

A'nogo legetfisasukwasik, o andi sambul he Debora inom ap Abinoam amlogo Barak inomen wuni yi'nogo watukwa.