HAKIM–HAKIM 4:2 - Allah Wene Fano Wene Hupla Inane

² A'nogo hilingiti lagaukwama, Tuhan nen afuni o Kanaan mene inoe raja enu Yabin o kota Hazot welagaikhe mene nen mabenet fisoageluk, it Israel mene herakfisasikhe. At kain Yabin agot weim anini weak mene enu re, Sisera. Ebe o kota Haroset-Hagoyim andoma welagaikhe.

HAKIM–HAKIM 4:2 Referans Kwoze

HAKIM–HAKIM 4:16

A'nogo wagaikhemo, ap Barak en aselei mene kereta kuda weim yafarek mene inom, tentara mene esa ekhe logalek omanogo inom, muginarek o Haroset-Hagoyim fisa lagaukwasik he, ap Sisera agoromi tentara esa logolek omanogo ap misigat ekhe herakfisigi'lek felelenghogo inoatukwa.

HAKIM–HAKIM 4:13

weak-weak angge kereta weim yafarek mene posiemanggen meneba hilingik mene ebe mondogat he 900 nen omanogo agoromi tentara mene esa logalek omanogo inom andogorogo fisasikhesik he woginarek o Haroset-Hagoyim en i Kison ima wagaukwa.

YOSUA 11:1

At raja Yabin o Hazor mene a'nogo nen he it Israel mene inomame arik wagaukwa mene omanogo esanggo holhikhesik he, aren ap yonggo re hun Yobab raja o kota Madon mene inom, it raja-raja o kota Simron mene inom, Akhsaf mene inom,

MAZMUR 83:9

it Asyur mene inom ogore it inom sebetasik he, at Lot en tagongge mene omanogo inenggi ineisok legetu mene agaikha o.

1 SAMUEL 12:9

A'nogo meneat he, iren nineisena Tuhan Allah oba inonggoret fuluk welagaukwa. A'nogo welagaukwa andi nen, Aren, ap tentara Hazor mene inoe Panglima Sisera a'nogo inom, afuni Filistin mene inom, afuni Moab mene inoe raja nen inom, mabenetfisaluk inoasuagaluk herakfisasikhe andi.

HAKIM–HAKIM 10:7

Andiba re, Tuhan nen afuni Israel mene inoba a'mage fesikhesik, ap inunggulenu Amon mene inom, Filistin mene inom inawe a'ma logouwageluk herakfisasikhe.

MATIUS 18:25

Waluk wagunem, yethasikhe mene, aren onggo wogosigin he, elok legagaikhemo re, at ap kain a'nogo nen agoromi fena mene mel yagaisasikhe: Ap yi ebe inom, agwe inom, againafuri inom, agarek yi mene ti mene inom, mondok felelenghogo onggo palimbik he, onggo paligin mene andi an wo'nesi we'no, iluk yagaisasikhe.

YESAYA 50:1

Tuhan nen it afuni Israel mene inoba ikhi logolik, ”An nagainafuri yi sani, hiren anggikhi logolik, afuni nen inagagwi mugusogo wulakfisagarek hak, An nen mugusogo wulak hinobagakhi lagi anggikhi lageba? Ariginik halok he, herakhinobagagi iluk lisu palogo fugu mene re koma werek nogo? Hiren anggikhi logolik An nen afuni ekhe inoba onggo wo'nesuageluk hit hinebe wogisigi anggikhi lageba?, ap ekhe eisena nen amlogo ap palegengge kinoterek meneba onggo huniterek hak hilingite anggikhi lageba? A'nogo re lego! Hit hele warogo hukhisaga andi re, we hinonggwarek hinaweak kwanirek mene hilingiti lagep andiba o!

YOSUA 19:36

Adama, Rama, Hazor,