HAKIM–HAKIM 3:8 - Allah Wene Fano Wene Hupla Inane

⁸ Andiba re, Tuhan nen afuni Israel mene inoba anini fesikhesik he, afuni Israel mene andi at raja Kusyan-Risyataim awi Mesopotamia mene andi nen inomame leget fisoageluk herakfisasikhe. Herakfisasikhemo 8 tahun he raja andi nen ferinarek welagaikhe.

HAKIM–HAKIM 3:8 Referans Kwoze

HABAKUK 3:7

An neilenggen isugunemen he it afuni Kusyan mene omanogo inailo mondok hilinglagik, Midian mene re inoak leigetik, ugunem isigi.

HAKIM–HAKIM 4:9

A'nogo yagatikhemo, at Debora nen mel yagatikhe: ”Fano. An ninom logoin o. Mene re, hobuk hat agaukhogo fogethabugun lek a'naga hendawimo eberek logoino. At ap Sisera andi, he ekhe nen wasuageluk Tuhan nen enggiba fagain andi,” iluk yagatikhe. A'nogo yagatikhesik, at Barak inom Debora inom emberek o Kedes lagaukwa.

ROMA 7:14

Wene komotninafikhe wene andi, Allah Areagun en yaganisasikhe iluk ninelu o. Mene re, an nobabut he, afuni inobabut hangge inetok welagi. Weak hilingitarek andi mene nen awe a'ma nobagaigeluk onggo palogo hak wo'nafikhemo welagi.

YESAYA 50:1

Tuhan nen it afuni Israel mene inoba ikhi logolik, ”An nagainafuri yi sani, hiren anggikhi logolik, afuni nen inagagwi mugusogo wulakfisagarek hak, An nen mugusogo wulak hinobagakhi lagi anggikhi lageba? Ariginik halok he, herakhinobagagi iluk lisu palogo fugu mene re koma werek nogo? Hiren anggikhi logolik An nen afuni ekhe inoba onggo wo'nesuageluk hit hinebe wogisigi anggikhi lageba?, ap ekhe eisena nen amlogo ap palegengge kinoterek meneba onggo huniterek hak hilingite anggikhi lageba? A'nogo re lego! Hit hele warogo hukhisaga andi re, we hinonggwarek hinaweak kwanirek mene hilingiti lagep andiba o!

MAZMUR 85:3

It hagainafuri inaweak hilingita mene andoma re Haren mondogat honggoraphogo fisegen, iren kwanirogo hilingirik laga lagaukwa mene omanogo re Haren mondogat leget fisegen.

MAZMUR 6:1

Afuni nen wuni wulak fuluk pinggong kecapi watu kwelek inebe seberogo ugunem melalinafu mene faget, wuni asiok siregen mene, Daud awuni a'nogo.

1 SAMUEL 12:9

A'nogo meneat he, iren nineisena Tuhan Allah oba inonggoret fuluk welagaukwa. A'nogo welagaukwa andi nen, Aren, ap tentara Hazor mene inoe Panglima Sisera a'nogo inom, afuni Filistin mene inom, afuni Moab mene inoe raja nen inom, mabenetfisaluk inoasuagaluk herakfisasikhe andi.

HAKIM–HAKIM 2:20

A'nogo welagaukwa andi nen he, at Tuhan a'ma kwe het-perisikhesik he, mel isikhe: ”An nen it yi inombalak yagaisikhi logolik, wene An nen warogo woginafigi wene andi kofologo herakfanhi'lek ninom hundigat logouwok, iluk yagaisasigi. A'nogo yagaisasigimo ninom hundigat welagagu meneat he, it hobuk mene yi, wene warogo woginafigi mene andi kofologo herakfanhasik, An nen, yi'nogo hilingiti logoino, ti'nogo hilingiti logoino, iluk yagaisasigi wene andi sagalogo hilingiri'lagwi andi.

ULANGAN 32:30

Ap ebe misigat mene nen, inebe seribu mene, ninggi'nogo nen mugisikhe, Ap inebe pire mene nen he, inebe sepuluh ribu mene, ninggi'nogo mugusogo wulakfisaga, Nineisena Tuhan nen, inebe onggo palogo woginafemo, Allah omame hokho a'nogo nen, inebe herakfisikhemo.

ULANGAN 29:20

At hineisena Tuhan nen he ap ariginik mene re inaweak legetfisagain angga fuk. Athe agamhogore Tuhan a'mage mondok elokhoma asi wesigin mene andi inom, enggin-fenggin inoba fagain iluk buku yiba palek werek mene andi inom, oba asi wesumo re, at ebe Tuhan nen mondok lek hilingisogo fagain.

KELUARAN 22:24

Inane holfuluk he, An nanini nen hit weim yabugun oba andoma hinebe pinggi hinoasumo, hit hinagagwi sogwe fisigik, hinagainafuri suarek mene agik, hilinglasugun.

HAKIM–HAKIM 3:7

Afuni Israel mene nen he it ineisena Tuhan Allah a'nogo elokhoma weak mondok hilingiti lagaukwa. Iren he At oba inonggot a'luk he kembu Baal inom, Asyera inom oba apne wanhi lagaukwa.

HAKIM–HAKIM 3:9

Andi nen afuni Israel mene nen he, ”Tuhan lebetninabin o,” iluk kinotukwama, it fikhalogo fisoageluk Tuhan nen Otniel wogisasikhe. (Otniel andi re Kaleb agot hun Kenas a'nogo amlogo.)

HAKIM–HAKIM 3:10

Tuhan Areagun Otniel oba louk isikhemo re, at Otniel it Israel inap wene melalinafu mene agaikhe. Aren weim yabi lagaikhe mene re, ap raja Mesopotamia agun andiba nen Tuhan nen at omamet fesikhe.

MAZMUR 44:12

Haren he nit ninebe wam domba warogo senggeluogeluk senetarek a'nogo hak, nit ninebe sen ninabuageluk oboget nisegen, nen Haren it afuni inunggulenu mene werekwe omanogo hesangge pesangge hilingninobagegen.

MAZMUR 129:1

Samban uogeluk wuni warik lagakhi lagaukwa mene. Israel yei, hat hebe sougeba nen engge, it haselei mene nen hoba enggin-fenggin fikhi lagaukwa mene a'nogo yaganisan o.

KEJADIAN 24:10

Hombuk palhikhesik he, amingmingengge a'nogo nen wam unta eisena Abraham mene 10 nen inom, yi mene ti mene onggo hokho mene ekhe inomat wanhikhesik he, ap Nahor ebe eluk logolik welagaikheba o Mesopotamia nen abel ponggwe andoma lagaikhe.

IMAMAT 26:17

An nen hit wene hinoba foumo, ap hinaselei mene nen hit hinomame leget fuluk it hinabit anggikhi lagep mene nen hit sebelhinarek logogun. Ap mukhinarek wagu mene lek kwelek oba nen hinailo nek a'luk heise wulifi logogun.

MAZMUR 106:41

Andiba re Aren it a'nogo inebe afuni inunggulenu amu mene inenggimo fesikhesik, it inaselei mene andoma nen sebelinarek logouwageluk herakfisasikhe.