HAKIM–HAKIM 3:11 - Allah Wene Fano Wene Hupla Inane

¹¹ Andiba re 40 tahun nen he, o kweang a'nogoba weim abok legengge fano lioksek welagaikhe. Andi nen hobugen Otniel ebe wa'lagaikhe.

HAKIM–HAKIM 3:11 Referans Kwoze

HAKIM–HAKIM 8:28

Afuni Israel mene nen afuni Midian mene arat mabenet fisasukwama, iren hobuk inomame asu mondok lek agaikhe andi. A'nogo hilinglagaukwasik oba nen, at Gideon nen afuni Israel mene ferinarek logolik, ebe eluk oba fano mondok weim lek liolek 40 tahun welagaukwa.

HAKIM–HAKIM 5:31

Nineisena Tuhan, at Sisera wato andi hak, afuni hat haselei mene ogo, a'nogo wa'lasuak. A'nogo meneat he, hat hagainafuri hendawi mene nek he, mo eil tilelek-walelek wagarek andi hak, it mondogat liarogo logouwago, iluk wuni watukwa. A'nogo hilinglagaikhesik oba nen, 40 tahun weim lek liolek fano welagaukwa.

HAKIM–HAKIM 3:30

Linggene andi sambul he, Israel inap oba nen Moab mene inomame lek agaukwama, kweang andiba 80 tahun andi re weim abok legengge liolek mondok welagaukwa.

YOSUA 11:23

Andi nen kweang andi mondogat at Yosua nen he Tuhan nen wene melalogo Musaba yagatikhe higithogo sebelhikhesik he aren it afuni Israel mene inanggweang asuageluk wogisasikhe. O kweang andi sumbutukwasik he, it inunggulenu lombok he misiktek higik helasukwa, it Israel inap a'nogo weim yafu aple mondogat yafukwasik he inanggweang oba omanogo inailo legengge fano liokhogo mondok welagaukwa.

ESTER 9:22

Andi re linggene andi sambul enek iren afuni inaselei mene omanogo mabenet fisasukwama it inendawi heiselogo ou hugu welagaukwa. A'nogo welagaukwa mene a'nogo obali'mo re inagaiyek hasukwa mene andi faget hilingiti logogun isukwa. Andiba linggene andem oba re iren seni isatik, i sumburu nouwogeluk misi'mo kabogetik, nunggungge sumbut-sumbut agik, afuni inenggi lek meneba inangge wogisigik, hilingiti logouwogeluk isukwa andi.

1 TAWARIKH 4:13

Hun Kenas andi re amlogomi inebe welagaukwa mene inenu re, Otniel inom he Seraya inom andem. At Otniel andi ogore amlogomi ap inebe pire welagaukwa, nen inenu re, Hatat inom, Meonotai inom, nen at Meonotai andi amlogo enu re Ofra welagaikhe.

HAKIM–HAKIM 3:9

Andi nen afuni Israel mene nen he, ”Tuhan lebetninabin o,” iluk kinotukwama, it fikhalogo fisoageluk Tuhan nen Otniel wogisasikhe. (Otniel andi re Kaleb agot hun Kenas a'nogo amlogo.)

YOSUA 15:17

At Kaleb andi agailak he Kenas, amlogo Otniel en kota a'nogo telogo helasikhemo re, Kaleb a'logo Akhsa a'nogo re Otniel wogetikhe.

HAKIM–HAKIM 3:10

Tuhan Areagun Otniel oba louk isikhemo re, at Otniel it Israel inap wene melalinafu mene agaikhe. Aren weim yabi lagaikhe mene re, ap raja Mesopotamia agun andiba nen Tuhan nen at omamet fesikhe.

HAKIM–HAKIM 3:12

Afuni Israel mene nen he nekhengge weak hilingitukwama, Tuhan nen ap raja Moab mene hun Eglon a'nogo it Israel mene inoba nen mondok omame asuageluk hilingfesikhe.

NEHEMIA 9:28

A'nogo lakfisa wagunem, iren telinafunem fano lioksek logolik meneat he, hobuk weak-weagat inambotkwe weak hilingiti lagaukwaat. A'nogo hilingitu were'ma, haren he, it inaselei mene nen yi enggin ti enggin hilinginafi lagaukwa mene andi inenggiba fisikhi lagagin. A'nogo meneat he, iren he, nit weak hilingito o, iluk inobabut hebela'luk, telninabin o, iluk inane hokhorogo hayonggo fesukwa andi. A'nogo hayonggo fugunem, hat it hendawi mondok andi nen, hebe pogoroba nen inane hesanggo holherendik he, telinafu mondok welagagin andi.