HAKIM–HAKIM 3:10 - Allah Wene Fano Wene Hupla Inane

¹⁰ Tuhan Areagun Otniel oba louk isikhemo re, at Otniel it Israel inap wene melalinafu mene agaikhe. Aren weim yabi lagaikhe mene re, ap raja Mesopotamia agun andiba nen Tuhan nen at omamet fesikhe.

HAKIM–HAKIM 3:10 Referans Kwoze

1 SAMUEL 11:6

A'nogo yagatunem aremnogoat, at Saul Allah Areagun endawimo peterogo kwisikhemo, at a'mage hokhorogo lagasikhesik,

HAKIM–HAKIM 14:19

A'nogo yagaisugu kwelek aremnogoat, at Simson Tuhan nen omame wogotikhemo omame agaikhesik he, o Askelon lagaikhe. Lagaikhesik, ap inebe 30 nen inasu fano laberek mene inoatikhe. A'nogo inoatikhesik, inasu omanogo ap inebe 30 nenat wene onggo heratukwa mene omanogo wogisa wagaikhe. A'nogo hilingi'luk he, at Simson a'mage mondok het petsek logolik eisena aiba wagaikhe.

HAKIM–HAKIM 14:6

A'nogo emberek ambi agaukwasik, at Simson Tuhan nen omame aremnogoat wogotikhemo, wam kambing wasu hakhogo, singa a'nogo enggi nen libik-labakhogo watikhe. A'nogo watikhesik, aren he, ”An yi'nogo hilingiti,” iluk eisena agaisa yagaisigi'lek, afe motfisasikhe.

HAKIM–HAKIM 13:25

A'nogo werek kwelek, at ebe afuni inunggulenu Dan mene inaiba tenda meneba salogo o kota Zora honggolek, Esytaol honggolek, tulem andoma were'ma, At Tuhan Areagun nen omalik a'nogo omamet fikhi lagaikhe.

HAKIM–HAKIM 11:29

Andi nen he at Yefta Tuhan Areagun oba louk isikhemo re omame agaikhesik at Yefta ebe o afuni Gilead mene inom Menasye mene inom kwelagisilik lagaikhesik ambotkwe o Gilead en Mizpa omanogo wagaikhe. Andoma nen at ebe hiling-hiling he o afuni Amon mene inawi wilayah ba asi lagaikhe.

HAKIM–HAKIM 6:34

A'nogo wutukwaba nen he Allah Areagun Gideon oba agaikhesik, ap inunggulenu Abiezer werekwe mene at inom andogosi wesuageluk wolinafi logolik, trompet ane fut hasukwa.

2 TAWARIKH 15:1

Hun Oded amlogo nabi Azarya a'nogo Allah areagun oba louk isikhemo re,

BILANGAN 24:2

afuni Israel mene inunggulenu lombok inawi sili su meneba wurik were'ma yerisasikhe. A'nogo yerisugunem he, Allah Areagun oba louk i wagaikhemo,

IBRANI 6:4

It afuni ekhe, Allah nen inendawimo selegerinafu kwelek, yi mene ti mene enduk mikhaluk fano mene wanharek andi hak, Allah pogoroba nen onggo lek weat wo'nisikherek mene andi wanhik, Areagun sumbu'nisikherek mene andi ekhe wanhik, Allah ane andi fano mondok iluk ineluat welagik, Allah obabut fano nen hobuk omamerogo fano mondok hilingninabigin andi oan hilingninafi'lek werek kwelek, yogondak ya yi mene ti mene lilu nenggarek hak, wogisugunem heligik, agaresigenat he, hobuk iren he, ”Allah ninabit,” iluk ane herakfisaluk inambotkwe wulibi laluk logolik, Yesus Allah amlogo ebe eba menfesukwasik wati logolik inane asegen wokhasukwa andi hagat hobuk hilingiri'lagwi andi. A'nogo mondok hilingirik laga logolik, hobuk iren he, ”Nit weak hilingito,” iluk inobabut hebeluageluk inambotkwe ninggi'nogo woginarek wesu he, elo'lego.

MAZMUR 51:11

An weak hilingiti mene andi faget Hat helokhe kwanirogo logogun o. Yi weak ti weak hilingiti lagi mene andi re, sebelogo legetfisaluk horogo nobagain o.

2 TAWARIKH 20:14

It afuni hokhorogo kabokse'ma omanogo inanggele'ma re ap Lewi mene ekhe enu Yahaziel andi welagaikhe. At andi re hun Zakharia amlogo it inunggulenu Asaf mene a'nogo oba nen he, it ta'larik wagaukwa mene re, hun Benaya, Yeiel, Matanya, andi inambisangma mene welagaukwa. Nen, andem sambul he, at Yahaziel a'nogo Allah aheime oba agaikhesik melalhu kwelek,

1 SAMUEL 16:13

A'nogo yagatikhemo, at Samuel en amusu a'nogo wanhikhesik he, Daud unggul oba warogo ogogwi ineilhanem menfesikhe. A'nogo menfugu kwelek aremnogoat, Allah Areagun Daud endawimo peterogo kwisikhe, kwisikhemo huli andiba nen Daud ebe eluk werek kwelek nineisena Tuhan Areagun endawimo mondok welagaikhe. A'nogo hilingi'luk, at Samuel aiba o Rama ambotkwe wagaikhe.

1 SAMUEL 10:6

A'nogo ambi asimbik andi sambul, nineisena Tuhan Areagun hat hendawimo peterogo kugunem he, hat he it inanggele'ma kwimbik hinom ami'mit sup igik, wuni lagik-wagik watik, igin o. A'nogo hilingitunem he, hat hobabut ket mene hilingisogo hobagaumo hunogoat hilinglasigin a'naga o.

BILANGAN 27:18

A'nogo yagati lagaikhemo, Tuhan nen Musa mel yagatikhe: ”Haren ap Nun amlogo Yosua yi aple ti aple faget hilingisu elok enek mene andi wolesimbik he, henggi unggul sebelogo menfeino.

BILANGAN 11:29

A'nogo yagatikhemo re, at Musa nen he, ”Haren he, at enek ikhi logouwak, iluk noba ebeti lagen andi nenahalok. An nendawimo nen he, nineisena Tuhan Areagun againafuri inebe mondogat wogisaluk he, inebe mondogat at ane yagaisikhi logogun mene nek hilingisogo fiselebe, iluk anggikhi lagi o,” iluk yagatikhe.

BILANGAN 11:25

A'nogo yagaisasikhemo, Tuhan ebe ohena anggele'ma pi wagaikhesik he, wene yagatikhe. Yagati logolik, Musa ayonggo fesikhesik omame wogotikhe andi mene ekhe ambotkwe waganogo it afuni Israel mene inogogwi inebe 70 nen omanogo wogisasikheat. A'nogo wogisasikhemo, Tuhan Areagun it inoba pelakfei wagaikhemo re, it inane ap Allah ane yagaisagarek mene nen hokhorogo agarek andi hak isukwa meneat he, aninurogo welagi'lek.

BILANGAN 11:17

A'nogo hilingiten halok, An nebe pi wesimbik he, andemen wene ane yagahetik, An nomame hat wokheti a'nogo mene ekhe it andi wogisigik, igin o. A'nogo wogisamo, afuni yi faget hat hamunek he, hoba engginhogo hilingiti logogin lek. We, iren lebethiikhi logogun o.

HAKIM–HAKIM 3:8

Andiba re, Tuhan nen afuni Israel mene inoba anini fesikhesik he, afuni Israel mene andi at raja Kusyan-Risyataim awi Mesopotamia mene andi nen inomame leget fisoageluk herakfisasikhe. Herakfisasikhemo 8 tahun he raja andi nen ferinarek welagaikhe.

HAKIM–HAKIM 3:11

Andiba re 40 tahun nen he, o kweang a'nogoba weim abok legengge fano lioksek welagaikhe. Andi nen hobugen Otniel ebe wa'lagaikhe.

1 TAWARIKH 12:18

A'nogo yagaisasikhemo it inanggele'ma aremnogo nen ap misik enu Amasai, hun andi hobuk it ap esa Tridasawira inoe kepala asigin mene a'nogo nen re, Allah areagun oba louk isikhesik aren ikhi logolik he, ”Daud hun Isai amlogo yi! Nit he hat hebikhit mene wago o! At Allah hat hebikhit werek andi nen he, hat hebe inom, hat hagoromi lebethiili'lagwi mene andoma inomen hilingiti lagep mene andoma re ambisangma fano mene nek aga logouwago,” iluk yagatikhe. A'nogo yagatikhemo re, at Daud en it a'nogo woginafikhesik agoromi perwira weim yafu mene faget inogogwi logouwageluk menfisilik lagaikhe.

HAKIM–HAKIM 11:32

A'nogo hilingitukwasik he, at Yefta a'nogo i Yordan palogo re ap Amon mene inoasigiluk lagaikhemo Tuhan nen omamet fesikke.

HAKIM–HAKIM 15:14

At Simson ebe a'nogo hele homagaisogo waluk o Lehi wagaukwama, afuni Filisitin mene at oba kwikhi logolik, inane a'mit sup isukwasik kwisukwa. A'nogo kwisukwama, aremnogoat Tuhan omame at Simson wogotikhemo omame agaikhesik, enggi hele homatukwa mene a'nogo hele, we, halinonggo mene hakhogo tekhogo lagaikhe.

1 SAMUEL 10:10

A'nogo hilinglagaikhe andi, at Saul amingmingengge a'nogo emberek o Gibea wagaukwa hak he, it ap Allah ane yagaisagarek mene esa logalek a'nogo inom ambi agaukwa. A'nogo ambi agunem, Allah Areagun at Saul endawimo peterogo kwisikhesik, it ap Allah ane yagaisagarek mene inom inane ami'mit suphogo wuni lagik-wagik watukwa.