HAKIM–HAKIM 21:5 - Allah Wene Fano Wene Hupla Inane

⁵ Andi nen he, it inunggulenu Israel mene a'nogo inanggele'ma omanogo nen it inunggulenu omanogo nen ekhe attak o Mizpa Tuhan were'ma lagaikharek oba omanogo lagaikha lek mene ekhe werek hea iluk ayo wutukwa. (Andem sambul iren hombuk palhi logolik, Ap o Mizpa wesuageluk wolinafa mene andoma ekhe lagi'lek kamo aga halok he ebe pinggi wasugun,) isukwa.

HAKIM–HAKIM 21:5 Referans Kwoze

HAKIM–HAKIM 5:23

It ap Meros mene andi inom, ap Tuhan obaget inamurururogo weim yafarek mene nen hilingitarek hakhogo weim yafunem leberisa wagaikha lek andi nen he, malaikat Tuhan nen ikhi logolik, o andi inom afuni o andiba werek mene inom Allah nen homan fisoago, iluk ikhe.

YEREMIA 48:10

Ap Tuhan nen yabu hilingisuageluk wogisugunemen furogo hilingiri'lagwi lek mene andoma re homan ugu logouwak. Nen, ap enggarok fangsek logoligen ap waterek lek mene re homan uguat logouwak.

1 SAMUEL 11:7

anggo sapi ebe pire mene wanhikhesik warogo senggelhikhesik he, sik-pikhogo palhigik fesikhe. A'nogo palhigik fesikhesik, afuni Israel mene inailokwe mondogat lakfikhi logolik mel yagaisoagaluk wene warogo lakfisasikhemo, iren he, mel yagaisasukwa: ”Saul en he, sa nen an Samuel nemberek weim yabi lagunem ninom logoin lek halok he, anggo sapi yi'nogoat palugun o, iluk ikhe,” iluk yagaisasukwa. A'nogo yagaisasukwama, ap Israel mene nineisena Tuhan nen hilingisigin andi inailo nen he, ap ekhe kamo igi'lek felelenghogo inom weim yabi louwogeluk isukwa.

HAKIM–HAKIM 21:1

It ap Israel inap o Mizpa kabogetukwasik iren Tuhan eilhanem inane menfikhi logolik, ”Nit nina'logomi misik iluk ogo ap Benyamin mene nen woginabugun mondok lek,” iluk inane huli pal fesukwa.

HAKIM–HAKIM 21:6

It afuni Benyamin mene nen he it inagaila'lak Israel mene faget inendawirinafukwasik he iren ikhi logolik he, ”Yogondak yi sambul nit ninunggulenu Israel mene a'nogo nen unggulenu misik mene ekhe pelak fogo.

1 SAMUEL 14:24

At Saul en he, ”An naselei mene wene na mage inoba figi mene inebe inoati'lek oan logolik, ap sa nen sumburu yi mene ti mene ekhe nagain halok, Allah nen homan fouwago,” iluk Allah enuba hombuk palhikhemo nogo nen he, ap Israel mene nen ap Filistin mene muginarek lagaukwa andi sambul, lingge inukhogo sumburu yi mene ti mene nele nen inomame mondok lek agaikhe.