HAKIM–HAKIM 21:4 - Allah Wene Fano Wene Hupla Inane

⁴ A'nogo hilingitukwasik ohealek hubet siakhogo re, afuni Israel mene nen mezbah wutfesukwasik he Tuhan ninom sebesugun iluk At endawimo agaiyek asuageluk mene inom, nen fanotninobagauwageluk mene inom warogo wogetukwa.

HAKIM–HAKIM 21:4 Referans Kwoze

2 SAMUEL 24:25

A'nogo onggo palhikhesik he at Daud en he Tuhan obaget warogo nolhu mene iluk inom, Allah ninom sebesugun iluk mene inom, warogo nolhikhemo At Tuhan nen Daud samban isikhe mene a'nogo esanggo holhikhesik he, ou amben weagen ap warek enek hilinglaga lagaikhe mene a'nogo re it afuni Israel mene inoba nen palagaikhe.

IBRANI 13:10

Allah awi su mene wuri'mo it ap Allah eisewerek Yahudi mene nen wam Allah faget warogo helep som wurik oba fikhi lagaukwa andi hak, niren Allah faget fisikhi lago mene andi, it ap andi nen na wesugun elo'lego.

HOSEA 5:15

Nane sagalogo weak hilingiti lagep andi nen, yi enggin ti enggin hokhorogo hikhi logobagaigeluk hinebe herakhinobagagin o. A'nogo herakhinobagaumo, hiren, Nit weak hilingito, iluk futfembik, yi enggin ti enggin a'nogo hikhi logolik enek he, hinendawinggen oba nenat hera'nabik wesugun he a,” iluk yagaisasikhe.

1RAJA-RAJA 8:64

A'nogo hilingiti logolik, enggi andi sambul at Salomo nen Allah awi wuri'mo elokhoma higit o sili hilingitikhe mene andi heirogo tulem hulirogo Allah faget fisasikhe. A'nogo hilingiti logolik, at faget wam sapi ebe noletik, sumburu gandum mene noletik, Allah ninom lambulogo iluk anggo ebe waretukwa mene sei noletik, isikhe. Wam, yi mene ti mene Allah faget noleti logogin oba mezbah wutikhe mene a'nogo obalik keloksek welagaikhemo re, andoma mondogat he, o silimo nen noletikhe andi.

2 SAMUEL 24:18

Linggene a'nogo sambulat, at Gad a'nogo Daud oba wagaikhesik yagati logolik he, ”Neisena hat hebe re at Arauna nen gandum enggen lolherek oba aremnogo lagai lambik he, Tuhan obaget helep amboloba noletuba enu mezbah a'nogo mene ekhe wusi lan o,” iluk yagatikhe.

HAKIM–HAKIM 6:26

A'nogo hilingfuluk he molulukhogo lakfagain mene andem amboloba re mezbah heisena Tuhan Allah nobaget mondok fanorogo wu'no. Wut fembik he wam sapi ai mene a'nogo ebe abirengge Tuhan nobaget nolnetu mene iluk nolne'no, e timuk liabek mene kembu Dewi Asyera alik waganek mene haren mululukhogo lakfisagain mene andi re, e nolhu mene faget wurogo nolino,” iluk yagatikhe.

ULANGAN 12:5

O nit afuni Israel mene hinunggulenu lombok logogun oba andoma nen, nineisena Tuhan Allah fogerati logouwogeluk, At eilhanem andogosi laga logogun oba, Aren obalik ekhe wenagaisogo fagain werego.

HAKIM–HAKIM 21:3

”Tuhan Allah nit Israel mene nineisena, nenahalok a'nogo hilinglaga? It inunggulenu Benyamin mene andi re nit ninunggulenu mene omanogo nen unggulenu misik mene oba nen, mondok lek asu hak hilinglarik lili'lagwi andi,” iluk le agaukwa.

1 SAMUEL 7:17

A'nogo hilingiti la'luk ambotkwe aiba o Rama waga lagaikhe. Andoma logolik, aren afuni Israel mene yi wene ti wene inoba were'ma pilingisogo legetfikhi logolik, wam Tuhan faget warogo noleti logogun oba obalik Mezba ekhe wutikheat.

HAKIM–HAKIM 6:24

A'nogo isikhemo Gideon nen mezbah ekhe wutikhesik enu re, ’Tuhan andi re neluk faget fanot nobagali'lago mene ero,’ iluk salhikhe. Mezbah andi re o yogondak ogo re o Ofra afuni Abiezer mene inawi kota andiba werek.

HAKIM–HAKIM 20:26

Andiba re it Israel inap a'nogo nekhengge o Betel lagaukwasik Tuhan oba le asi lagaukwa. Andoma nen he it inebe sumburu ninggi'lek heang werek kwelek enek he o hubagaikhe. Nen, iren wam Tuhan nen fanot ninobagauwageluk warogo nolhu mene inom, wam Tuhan ninom sebesugun iluk warogo wogetu mene inom wogetukwa.