HAKIM–HAKIM 21:12 - Allah Wene Fano Wene Hupla Inane

¹² Ma re hit afuni Yabes welagaukwa mene omanogo inanggele'ma nen he helime tugum ap inagap inonggot mene inebe 400 nen were'ma isasukwa. Isasukwasik he iren helime omanogo woginapluk he o Silo andi re o Kanaan kweang oba andoma o tenda sale'ma omanogo woginarek lagaukwa.

HAKIM–HAKIM 21:12 Referans Kwoze

YOSUA 18:1

O kweang Tuhan nen abok wogisasikheba a'nogo mondogat sebeli lagaukwasik he, it afuni Israel mene a'nogo inebe mondogat o Silo kabogetukwasik, O Sabu Tuhan ebe waga logogin oba wutukwa.

YEREMIA 7:12

Hit he o Silo kota attak An nen nobaget hilingiti logolik kabogetuba iluk wenagaisogo fesigiba a'nogo lani o. Laluk he it An nagainafuri Israel mene nen inaweak hilingiti lagaukwama An nen o andiba hilingfesigi aple andoma hineilenggen kumuthano.

MAZMUR 78:60

Aren he Awi Sabu o Silo wurik mene a'nogo herakfisasikhe, nen it afuni inanggele'ma At ebe welagarek mene a'nogo inomat herakfisasikhe.

HAKIM–HAKIM 20:18

Tentara Israel mene omanogo re o Betel wene kabogetunem omanogo lagaukwasik Allah heinok wokhiki logolik, ”Tuhan nineisena, nit ninanggele'ma nen he it inunggulenu mene tak ap Benyamin mene andi inoasi logoin a?” iluk heinok wokhasukwama re, Tuhan nen onggo ikhi logolik, ”Ap inunggulenu Yehuda mene tak loago,” isikhe.

HAKIM–HAKIM 21:8

Ma re iren inero misik mene ekhe it inunggulenu Israel meneba nen o Mizpa kabogesi lagunem a'nogo lagaikha lek mene ekhe werega, lega, iluk inareng palhukwama nen he, ap Yabes inap o Gilead mene omanogo nek he ap misik iluk ogo ekhe o Mizpa lagaukwa le'ma heraginafukwa.

HAKIM–HAKIM 21:11

It andi miminginafi logolik he, ap mene inebe mondogat inom, hemi ap inagap inelu mene inom, mondogat andoma inoa'no, isukwa.

HAKIM–HAKIM 21:13

Andi nen, afuni Israel mene mondogaren he afuni Benyamin mene o Rimon helep unggulkwe wurik mene omanogo inoba ap yonggo lakfisikhi logolik he, ”Ninom sebesuogo,” iluk lakfesikhe.