HAKIM–HAKIM 2:5 - Allah Wene Fano Wene Hupla Inane

⁵ A'nogo hilingitukwa andi nen, o andoma enu Bokhim salhukwa andi. A'nogo salhukwasik, it afuni Israel mene nen wam Tuhan faget waretukwa.

HAKIM–HAKIM 2:5 Referans Kwoze

1 SAMUEL 7:9

A'nogo yagatukwa andi nen he, at Samuel en wam domba eak oan mene misik ekhe wanhikhesik he, senggelogo Tuhan endawimo agaiyek hoageluk obaget warogo noletikhe. A'nogo arat noletikhesik he, afuni Israel mene telinabuagaluk Allah ayonggo fesikhemo, ane esanggo holhikhe.

HAKIM–HAKIM 13:19

A'nogo yagatikhemo, at Manoah wagaikhesik, wam kambing oan mene ekhe inom, gandum enggen endebengge ekhe inom, waluk lagaikhesik helep amboloba fesikhesik he, Tuhan yi mene ti mene elalin hilingiterek mene a'nogo fisasikhesik warogo noletikhe.

HAKIM–HAKIM 6:24

A'nogo isikhemo Gideon nen mezbah ekhe wutikhesik enu re, ’Tuhan andi re neluk faget fanot nobagali'lago mene ero,’ iluk salhikhe. Mezbah andi re o yogondak ogo re o Ofra afuni Abiezer mene inawi kota andiba werek.

YOSUA 7:26

A'nogo hilingitukwasik obuluk oba aremnogo iren helep hokho-pokhorogo kabokhogo wurogo fesukwama re yogondak huli nen andoma werek. Andiba re obalik andem faget enu re, Enggin-fenggin Tonggoma iluk salhukwa. A'nogo hilingitukwama re Tuhan anini a'nogo lombuk isikhe.

KEJADIAN 35:8

Nekhema andem, he Debora, Ribka yenggere'ma amingmongengge logolik halhi lagaikhe mene a'nogo, wa'lagaikhemo o kota a'nogo a'ma fikhit e patie hak mene eroma andoma salhukwa. Salhukwasik e a'nogo enu re, Le Agayo, iluk salhukwa.

HAKIM–HAKIM 2:1

At malaika Tuhan a'nogo o Gilgal en o Bokhim lagaikhesik he, afuni Israel mene yi'nogo yagaisasikhe: ”An nen hit mondogat o Mesir en wokhinarek wulibi wagagisik he, o hinombalak wogisagaluk wene warisasigiba wokhinarek waga logolik, mel yagahisasigi anggigi. An hit ninom wene wato mene andi hobuk palasigin lego, iluk isigi.

HAKIM–HAKIM 2:4

A'nogo yagaisasikhemo at malaikat Tuhan nen wene andi arat yagaisasikhemo re, it afuni Israel mene inebe mondogat inane hokhorogo le agaukwa.

HAKIM–HAKIM 2:6

A'nogo hilingitukwasik, at Yosua nen afuni Israel mene omanogo lakfisasikhemo, it o logogun kwe lombok logouwogeluk lagaukwaat.