HAKIM–HAKIM 2:4 - Allah Wene Fano Wene Hupla Inane

⁴ A'nogo yagaisasikhemo at malaikat Tuhan nen wene andi arat yagaisasikhemo re, it afuni Israel mene inebe mondogat inane hokhorogo le agaukwa.

HAKIM–HAKIM 2:4 Referans Kwoze

YAKOBUS 4:9

Hinendawimo weak a'luk, li le aga logoino o. A'nogo le aga logolik he, endo aga lagep mene andi, le agik, Nen, hinendawimo hinagaiyek hikhi lagep mene andi, hinendawimo weak a'luk welagik ikhi logoino o.

2 KORINTUS 7:10

Afuni kweangma mene nen inendawimo kagalhunem, inendawimo weak a'luk he, inebe wa'lagaikharek meneat he, at Allah endawimo amolo anggikherek oba inendawimo weak agaresik, weak hilingitarek mene herakfisaluk inobabut hebelagunem he, Allah nen fanorinaferek andi. Fanorinafunem he, ”An nendawinggen weak agaba, nambigen nobabut hebelhi,” iluk hobuk menenei ebetarek lek.

LUKAS 7:38

Waluk wagaikhesik oloba kwisikhesik he, Yesus eisok unggutmo ambotma horok-horok wagaikhesik he, andoma mendek logolik le aga lagaikhe. Le agunem eil amusu Yesus eisok oba pisikhemo re, esiba hobuk horatikhe. Horatikhesik he, eisok oba hai ambe saluk watikhesik he, amusu amben fano mene waluk wagaikhe a'nogo Yesus eisok oba watfesikhe.

LUKAS 6:21

Nen, hit yogondak hinendawimo nele welagep mene halok, hobuk wokhisugunem hinalabut ninghogo nogoin andi nen he, hinendawimo hinagaiyek hikhi logoino o. Nen, hit le aga lagep mene halok, hobuk endo asugun andi nen he, hinendawimo hinagaiyek hikhi logoino o.

ZAKHARIA 12:10

Andi nen it Daud ambisangma mene inom, afuni Yerusalem mene inom inoba An nen it inendawinggen hundik welagaikharek mene inom, samban ugu welagaikharek mene inom hilingisogo fisagain. Iren he, at talogo warek logogin mene a'nogo ineilenggen yerogo logolik, afuni inomalik manggusa tago wa'lagunem le agu welagaikharek hak hilingiti logogun, nen, ap inomalik misigenek engge legagunem inendawimo mondok heiselogo le agu welagaikharek hak hilingisugun.

YEREMIA 31:9

A'nogo waga logolik le arik-arik wagunem he, An nen koninafik, inendawimo fanorogo hondogoisogo fisa wagik, igin o. An nen he i hokhorogo werekwe nen hondoginarek wagik, kweang tonggorekwe nen it ineisok unggut tunghogo wara lekwe hondoginarek wagik, igin. Ariginigin andi re An he it Israel mene ineisena welagi nen Efraim he An namlogo manggusa mene werek andi nen hilingisigin o,” ikhe.

AMSAL 17:10

Ap kembu mene oba fe'nengge inenggi seratus huli nen inoatarek andi along werek lek oba nen, ap hebelek mene oba inenggi misigam yagasugun mene andi nek he elok fut fikherek.

EZRA 10:1

Andi iluk at Ezra a'nogo Tuhan Awiba elokhoma aremnogo nen inaweak fakhogo le aga logolik samban ugu kwelek he, it afuni Israel mene a'nogo inebe hokhorogo, ap inom, hemi inom yenggerugwi magendek mene inom, kabogesi wagaukwasik at ebe tulem haningisogo kwelakfesukwasik he inane kwi-kwerogo le agaukwa.

1 SAMUEL 7:6

A'nogo yagaisasikhemo, it inebe mondogat o Mizpa andoma andogotukwa. Andogotukwasik, yi mene ti mene nineisena Tuhan wogosu hak, i hinatukwasik he, at eilhanem kweisalogo lakfesukwasik, andi sambul lingge misik inukhogo sumburu ninggi'lek sambanat ugu mondok logolik, mel isukwa: ”Nit nineisena Tuhan ane sagalogo weak hilingito o,” iluk fageti lagaukwa. (O Mizpa andoma nen at Samuel en afuni Israel mene yi wene ti wene minggilik awene inoba welagaikhe mene eroba nen pilingisogo legetfikhi lagaikhe.)

HAKIM–HAKIM 2:3

Hiren afuni yoma mene hinom weim yabuogoluk ugunem, An nen it mugusogo wulakfisagain mondok lego. We, it logolik, hit hinaselei mene hilinglasimbik were'ma re, afuni nen paik hele fugunem ke'nok ikherek andi hak, iren allah hunogo mene oba himbirik logolik fogeratarek mene andiba hit ke'nok imbik hinomat fogerati logogun o,” iluk yagaisasikhe.

HAKIM–HAKIM 2:5

A'nogo hilingitukwa andi nen, o andoma enu Bokhim salhukwa andi. A'nogo salhukwasik, it afuni Israel mene nen wam Tuhan faget waretukwa.

1 SAMUEL 11:4

A'nogo yagatukwasik, ap ekhe inayonggo fesukwa mene omanogo yonggo o Gibea at Saul werek oba a'nogo wagaukwa. Wagaukwasik, weim abok a'nogo yagaisasukwama, it afuni inesanggo holhukwasik, inailo nen inane hokhorogo le agaukwa.

YOEL 2:12

A'nogo yagaisasigimo, Tuhan nen ekhe mel isikhe: ”Andiba nen, yogondak he hinendawinggen oba nenat hinambotkwe noba we'ni o. A'nogo wesimbik sumburu ninggi'lek logolik, samban igik, le agik, ikhi logoni o.