HAKIM–HAKIM 2:2 - Allah Wene Fano Wene Hupla Inane

² Andi nen he, hiren afuni o andoma welagaikharek mene ekhe hinom wene wa'luk hinom hunitubo. Hunogo mene faget anggo warogo noletarek oba obalik andi meisak'lambukhgo potfisano o, iluk yagahisasigi andi. A'nogo meneat he, An nen, Yi'nogo hilingiti logoino, iluk yagahisasigi a'nogo hak hilingiti'lek logolik, An nen, Hilingitup, iluk wene palhigimene andiat hilingiti lagep andi. Ma re, yogondak wene yagahisagain yi hinesanggo fanorogo holini o.

HAKIM–HAKIM 2:2 Referans Kwoze

YEREMIA 2:36

Hit he, afuni inunggulenu ekhe mene inandugwi kembu omanogo nen lebethisoageluk weak-weak laga lagep. Ma re, eberogo nen hit he afuni Asyur mene nen hinenggali warogo hinobagasukwa hak, it Mesir mene nen ogo hinenggali wasugunat andi o.

YEREMIA 2:5

At Tuhan ane re yi'nogo ikhe: ”It hinombawi lagen he weak ningginik mene An noba were'ma neagasik, iren An li'norogo hilingnobagakhi lagaukwa nogo? Iren tugwi kembu yi'nogo ti'nogo hilingisu elo'lek mene a'nogo murok laga lagaukwba, ambisangma it inonggwaregat nonghong ikhi lagaukwa.

YEREMIA 2:18

Hat o Mesir lagalagen andi re, nena mene saburageluk lagalagen nogo? i Nil nageluk lagalagen nogo a? O Asyur lagalagen andi re, nena mene saburageluk lagalagen nogo? I Efrat nageluk lagalagen nogo a?

HAKIM–HAKIM 2:20

A'nogo welagaukwa andi nen he, at Tuhan a'ma kwe het-perisikhesik he, mel isikhe: ”An nen it yi inombalak yagaisikhi logolik, wene An nen warogo woginafigi wene andi kofologo herakfanhi'lek ninom hundigat logouwok, iluk yagaisasigi. A'nogo yagaisasigimo ninom hundigat welagagu meneat he, it hobuk mene yi, wene warogo woginafigi mene andi kofologo herakfanhasik, An nen, yi'nogo hilingiti logoino, ti'nogo hilingiti logoino, iluk yagaisasigi wene andi sagalogo hilingiri'lagwi andi.

ULANGAN 7:16

Nineisena Tuhan nen afuni inunggulenu lombok inebe hinenggiba hinobagagin mene andi, inebe ekhe hinendawirinafi'lek mondogat legetfisikhi logoino o. Hiren it afuni andi nen, Nineisena ebe andiat, iluk agarek mene andi fogeratunem, hinebe alomat laga logogun andi nen he, fogerati logogubo.

KELUARAN 32:21

A'nogo hilingitikhesik, Harun mel yagatikhe: ”It afuni yi ninggi'nogo hilingitu nen, haren it weak hokhorog o hilingisuageluk herakfisegen ma,” iluk yagatikhe.

KEJADIAN 4:10

A'nogo yagatikhemo At Tuhan nen he, ”Hat hobabut mondok weak inailo mene hilingiten andi nenahalok? Hat hagot amep kweangma nen, unggulmo fouwageluk ane hokhorogo nenu hombuk pali'logo andi lega?

1 PETRUS 4:17

Allah nen ninanema waganogo wene ninoba figik, kotik, igin andi arat horogat asi waga. A'nogo hilingiti logolik he, nit Allah againafuri mene tak ninanema waganogo wene ninoba figik, kotik, igin halok, hobuk it afuni ekhe Allah ane fano wene wanhi'lek mene ninggi'nogo hilinginabigin anggegep.

HAKIM–HAKIM 6:8

Kino yatukwama, Tuhan nen it inoba nabi misik ekhe lakfei wagaikhemo, nabi a'nogo nen ikhi logolik he, ”Afuni Israel mene ineisena Tuhan Allah a'nogo nen he yi'nogo ikhe, afuni Mesir mene nen sebelhinarek were'ma An nen fikhalogo wulak hinobagai wagagi o.

KEJADIAN 12:18

A'nogo fesikhemo, at ap kain Firaun a'nogo nen, at Abram wolhasikhesik he, mel yagatikhe: ”Haren he, he yi re, an nagwe, iluk yaganeti'lek lalogo hilingnafen andi nenahalok?

YOSUA 9:7

A'nogo isukwama nen he, it Israel mene nen ikhi logolik he, ”Nenahalok hit ninom wene wasugun nogo? Hit hinaiba re we horok yoma welagep mene logou hak!” iluk isukwa.

HAKIM–HAKIM 6:10

A'nogo wokhisagain iluk hilingiti logolik he, An nen attak yi'nogo yagahisasigi a'nogo, An nebe re hit hineisena Tuhan Allah hilingi'mo re, hiren he afuni Amori mene inoba re yogondak welagep oba ari nen kembu dewa oba apne wanhi logogun lego, iluk yagahisigi. Oba nen he hiren An nane hologo hilingisu mondok hinabit welagep andi, iluk Tuhan nen yagahisikhe,” iluk nabi a'nogo nen yagaisasikhe.

HAKIM–HAKIM 8:27

A'nogo wogosi wagaukwama walhasikhesik, at Gideon nen emas andi mene tugwi kembu ekhe tugwi wutarek andi hak wutikhesik, at aiba kota Ofra andoma fesikhe. A'nogo wurogo fesikhemo afuni Israel mene inendawinggen tugwi kembu andi oba himbiretfuluk fogerasi laga logolik, Allah oba inonggoret fuluk welagaukwa. At Gideon a'nogo hilingitikhemo hilingiti lagaukwa andiba, at Gideon againafuri inom paik hele fugunem ke'nok ikherek andi hak ke'nok isukwa andi.