HAKIM–HAKIM 2:10 - Allah Wene Fano Wene Hupla Inane

¹⁰ Hobuk ap at Yosua inom higit welagaukwa mene mondogat inebe wa'larik lagaukwaat. A'nogo wa'lagaukwama, it hobuk ta'larik wagaukwa mene re, Tuhan nen it Israel mene faget hilingiti lagaikhe mene andi ineilenggen furogo higi'lek andi nen he Tuhan ebe inonggot welagaukwa.

HAKIM–HAKIM 2:10 Referans Kwoze

1 SAMUEL 2:12

A'nogo hilingitu kwelek, ap Eli againafuri inobabut mondok weak logolik, Tuhan agaugwerati'lek hilingiti lagaukwa

KELUARAN 5:2

A'nogo yagatukwama, aren he, ”Tuhan andi sa nogo?” iluk heinok wogisasikhesik he, ”An nen he, at andi nen fano ikhe, iluk afuni Israel mene loageluk nenahalok At ane holfuluk lani igin? Tuhan andi ebe nonggotma re, afuni Israel mene andi, lani, iluk yagaisagain lego,” iluk yagaisasikhe.

TITUS 1:16

It andi nen he, ”An Allah ebe nelu o,” iluk, inane fakhogo ikhi logoligat he, ”Ebe ninonggot,” iluk, u hak, komore'legat, Allah abit mene hilingiti logolik, yi mene ti mene fanorogo hilingisu re, elo'lek werek andi.

KISAH PARA RASUL 13:36

At Daud andi re, agaila'lak ambine ta'lagaukwa mene inom logolik, Allah nen, yi'nogo hilingisuak, iluk endawimo anggasikhe higithogo hilingiti lagaikhesigen, ebe wa'lagaikhe andi. Wa'lagaikhemo re, ombalak warek salinafukwaba inoba loukhogo salhukwama re, fili agaikhesik, lek agaikhe andi.

YEREMIA 31:34

It inebe mondogaren inalue mene inom, yenggerugwi mene inom An nebe mondogat inelu andi nen he, afuni ekhe nen it ekhe inoba An ineisena Tuhan nebe inelu asuageluk yagaisikhi logogun mondok lego. Iren mondok kwanirogo hilingiti lagaukwa mene andoma An nen sagalogo legetfisambik he, it inaweak andoma oba ekhe ebesigin mondok lego. Iluk An Tuhan nen nane mondogat igi o,” ikhe.

YESAYA 5:12

Hiren pesta hilingirikhi logolik, hinambinggong kecapi, gambus, rebana, suling, kongesugun mene nek hilingiti lagep. Nen hinagai re anggur agai inom ninggi lagep, oba nen hiren he At Tuhan yi mene ti mene elalhikhe mene inom, nen Aren hilingiterek mene inom omanogo faget futfikhi lagep lek.

1 TAWARIKH 28:9

A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain.

2 SAMUEL 7:12

A'nogo hilingiti logombigen, hobuk hat hebe wa'lasumo, hebe warek hombalak salinafukwaba salhafunem he, hobulu'mo, hat hamlogo mene ekhe menfagain o. A'nogo menfoumo, aren enek he An nawi wusigin o. Nen, aren melalinafi logogin oba kerajaan andoma An nen mondok-mondok abolok leget foumo hambuksek logogin. Nen at ambisangma mene ekhe nen raja mendek logolik melalinafi logogin.

YEREMIA 9:3

ineranhogo wene ugu mene faget fikfouksek logolik werek inap. O kweang yi mondogat oba re eberogo hilingitarek mene a'nogo re sagarek werek lek, Henarogo hilingitarek mene nek he yikwe tikwe mondogat sagarek. Tuhan nen ikhi logolik, ”An nagainafuri nen he inanini mondok weak mene andoma palfigi'lek hilingiri'lagwi o, iren An nobaget nineisena Allah iluk fageri'lagwi mondok lego,” iluk ikhe.

AYUB 21:14

Iren Allah ba ikhi logolik he, nit he Hat he nit nineluk welago mene yi ninobaget hendawimo anggikhi lagen mene inom, hendawimo ebeti lagen mene inom, andoma ninonggotma re futhobagagun ninabiro, ”Nit welagoba ya hera'ninobagaluk yatma lan o!” iluk isukwaba nen.

ULANGAN 31:16

A'nogo menlagaikhesik, Musa ba yi'nogo yagatikhe: ”Hat hebe horogat wa'lasigin o. Wa'lagunem he, afuni inunggulenu Israel mene nen he, An obokhogo heraknobagambik, An nen wene warogo woginafigimo, iren he, nit hagainafuri logogun, iluk isukwa mene andi, herakfisaluk he, inenggi ekhe inom welagi'lek, o it sebeli kugun oba andoma logolik, it afuni andoma mene nen amu mene faget, Nineisena ebe andiat, iluk fogeratarek mene andi fogerati logouwogeluk, An obokhogo heraknobagaluk wulibugun o.

BILANGAN 27:13

Arat yethambik he, hebe wa'lasigin o. A'nogo wa'lasigin andi re, attagat o Zin leimo afuni le'ma i Meriba elesi wulibi wagaikheba a'lima nen afuni Israel mene An nen ferinarek mondok werek kwelegat he, inebe mondogaren, o yigini'mo oma ninabire, iluk isukwaba andoma, hoe Harun hemberegen An nonggwarek nebe futnobagambik afuni Israel mene ineilhanem i andi wulibi wesuageluk, an nen, Yi'nogo hilingi'no, iluk yagahisasigi meneat he, An nomameba agaukhogo hilingiti'lek. We, An nane sagalogo hinendawimo anggaluk hilingitigip andi nen, hat hoe Harun wa'laga andi hak, hat hebe wa'lasigin aro,” iluk yagatikhe. Wene a'nogo hilinglagaikhe andi re, i enu Meriba elesi wulibi wagaikheba o enu Kades, Zin leimo afuni le'ma andoma nen hilinglagaikhe mene a'nogo faget yagatikhe andi.

KEJADIAN 49:33

At Yakub en againafuri wene a'nogo yagaisasikhesik he, nogo ikhi lagaikheba weing lagaikhesik ebe arat wa'lagaikhe andi.

KEJADIAN 15:15

Hat hebe umur uanat logombigen hendawinggen yamuksegat logombik wa'lagunem, warek salhabugun o.

KEJADIAN 25:17

At Ismael ebe umur 137 tahun welagaikhesigen ebe wa'lagaikhemo at ambu-omba salinafukwaba omanogo salhukwa.

KELUARAN 1:6

Lagaukwasik welagaukwasik oba nen, at Yusuf agaila'lak inom inebe wa'larik lagaukwa. Andi hak, at oe agot at inom ambine mene wa'larik lagaukwaat.

KELUARAN 1:8

Hobuk at raja Firaun ekhe Yusuf onggot mene menfesukwama afuni Mesir mene awe a'ma ferinarek welagaikhe.

YOSUA 24:31

At Yosua ebe eluk oba, it afuni Israel mene nineisena Tuhan amingmingengge welagaukwa. A'nogo welagaukwasik, at ebe wa'lagaikhesik oba nen ogo re, ap Israel mene inogogwi ekhe nineisena Tuhan nen it Israel mene inebe mondogat faget futfouwagaluk elalin mene hilingiti lagaikhe mene andi inelu mene inom werek kwelek, inebe nineisena Tuhan Allah amingmingenggeat mondok welagaukwa.

YEREMIA 9:2

O walkwe lei enek pirimsekwe andoma ap ebekhalem laga logolik nogoguba ekhe were'ma herasilema nen he, an nunggulenu mene agaiserogo lagain iluk it an nunggulenu mene herakfisaluk heise andoma lele. It he ap inabulagam weak mene, tiphogo mel hilingiti'lek esa misik folek logolik,

YEREMIA 9:5

It inebe mondogat he lal-lal agunem he, higithogo hilingitu mene ekhe welagaikharek lek. It inambe re ineranhogo wene lalinafu mene faget obalik warek werek, iren wene weak mene re herakfisa lek hak. Iren he hundik-handik inaniniba nek hilingitik, lalinafarek mene nek hilingitik, hilingitu were'ma re, Tuhan a'nogo mondogat obokhogo herakfisaga.

LUKAS 20:32

Nen, hobuk, he andi ebe wa'lagaikheat.