HAKIM–HAKIM 2:1 - Allah Wene Fano Wene Hupla Inane

¹ At malaika Tuhan a'nogo o Gilgal en o Bokhim lagaikhesik he, afuni Israel mene yi'nogo yagaisasikhe: ”An nen hit mondogat o Mesir en wokhinarek wulibi wagagisik he, o hinombalak wogisagaluk wene warisasigiba wokhinarek waga logolik, mel yagahisasigi anggigi. An hit ninom wene wato mene andi hobuk palasigin lego, iluk isigi.

HAKIM–HAKIM 2:1 Referans Kwoze

IMAMAT 26:42

An nen wene warogo it Abraham inom Ishak inom Yakub inom yagaisigi mene a'nogo ebet haluk, An nen kweang andoma afuni inunggulenu An nagainafuri mene andoma wogisagain isigi mene a'nogo kerabenggerogo fagain.

KELUARAN 23:20

”An nen malaikat misik ekhe hit ebekhalem lagunem hinelokhoma wokhinarek lagik, kweang An nen fouget fesigiba andoma wokhinarek lagik, uageluk ayonggo figirik eberogo nen lakfei wesigin.

KEJADIAN 12:7

Andoma wagaikhesik were'ma Tuhan ebe Abram elokhoma menlagaikhesik he, mel yagatikhe: ”An nen afuni haren tagongge mene wogisagain he, o ebe yoma o,” iluk yagatikhemo, at Abram en Tuhan elokhoma menlagaikhe mene a'nogo faget, yi mene ti mene warogo noleti logogun oba obalik halogo fesikhe.

ZAKHARIA 11:10

A'nogo igirik he, an nen sige tomuk ekhe enu ”Endawi fano,” iluk salhi mene a'nogo wanhirik he, it inunggulenu mondogat inom, Tuhan nen wene warisikhe mene a'nogo leget fouwageluk sombologo lakfisigi.

YEREMIA 14:21

Haren nit wena'nisa fuk, Haren wene watnisasigin mene a'nogo ebethan o, Haren nit ninom wene wat-wat agagu mene a'nogo re leget fou fuk. Yerusalem takhta Hat hebe welagen oba haselek hombakbagen selegeratendek oba a'nogo re haren halitnorogo hilingfugun.

YESAYA 63:9

it inoba enggin-fenggin hagarek mene a'nogo re At oba aga. Tuhan ebe nenat it inebe telinabi waga, nen inobali'mo iluk ap yonggo lakfisagarek andi hak lak fisa wagi'lek. At amu nenat it inelagaik isaluk endawi hundik hilinginafikhesik he fikhalogo fisasikhe. Attagen engge Aren hambogoisogo woginafik, agaumo felikhogo woginarek lagik ikhi laga.

MAZMUR 89:34

A'nogo meneat he, at Daud he nendawi hundik mondok logogin, at oba lombokhogo welagirek mene andi, herakfuluk lagain lek.

HAKIM–HAKIM 13:3

A'nogo meneat he, o inenggi ekhe sambul malaikat Tuhan ekhe elokhoma menlasi wagaikhesik he, mel yagatikhe: ”Hat attagen pikhit yogondagen he, omalik ekhe taginafi'lek welagen. A'nogo meneat he, henggi welagi'legat omalik ha'ma asimbik, heak abat ekhe takhagain o.

HAKIM–HAKIM 2:5

A'nogo hilingitukwa andi nen, o andoma enu Bokhim salhukwa andi. A'nogo salhukwasik, it afuni Israel mene nen wam Tuhan faget waretukwa.

YOSUA 3:10

Hit logoin sambul he Tuhan nen hit hinaselei mene afuni o Kanaan mene inom, Feris mene inom, Het mene inom, Hewi mene inom, Girgasi mene inom, Amori mene inom, Yebus mene inom, mugusogo wulak fisikhi logogin. Nen Peti Wene Warek Tuhan pogot kweang elalhikhe mene a'nogo nen hit hinelokhoma i Yordan palago wulibi logoin oba andemen, Allah eluk mondok welagarek mene a'nogo hit hinanggele'ma andoma were'ma hineilenggen hogoin o.

ULANGAN 7:9

Nineisena Tuhan Allah ebe amuat logolik, obabut wene wa'nisikherek higithogo hilingiterek andi oba eberek mondok logoino o. Afuni nineisena Tuhan ebe inendawinggen hundik logolik, Aren, Yi'nogo hilingiti logoino, ti'nogo hilingiti logoino, iluk komotninafikhe wene andi hologo hilingitunem, Aren inebe endawi nen leberisugu mondok were'ma, wene wa'nisasikhe mene andi ebe higithogo mondok hilinginafu kwelek inagainafuri 1.000 huli ta'larik laga logogun andi.

ULANGAN 4:34

Nit nineisena Tuhan Allah nen ailo agi'lek hit hinebe afuni Mesir mene inanggele'ma fethinarek were'ma At onggwarek againafuri asuageluk wokhinafikhe andi hangge, afuni inunggulenu hunogoat mene ekhe ineisena nen a'nogo ekhe hilingitikhe nogo? Mondok lego. Nit nineisena Allah omameba re, afuni nit ninaselei mene andi yi enggin ti enggin inoba figik, weim yafi logolik inoatik, elalin mene hokhorogo hilingitik, inailo mene hokhorogo hilingitik, ugunem hineilenggen nen tomok hasigip andi.

BILANGAN 14:34

Hit o andoma hineil peneti logolik, hinenggi 40 hari welagepsik wagep mene andi, weak hilingiti lagep andi nen wene 40 tahun oba logolik weak hikhi logogun aro. Hinenggi welagep mene andi, misik sambul welagep faget, tahun misigat mene emberek higit aga iluk wenasugun o. Hiren An heraknobagaluk ninom weim kagalhi lagep andi nen, wene hirat hinoba agunem hinelu asigin o.

IMAMAT 26:44

Oba nen he An yire hit hineisena Tuhan Allah welagimo re, it afuni inaselei mene inaiba werek kwelek ogore hit hinebe oboget isaluk lagain lek, nen it inebe inom leget fisagain legat. Nen, An nen it inebe leget fisagain halok he, yi'nogo hilinghinobagagin iluk wene warogo yagahisigi mene a'nogo leget fisigi hanogo.

KELUARAN 33:14

A'nogo yagatikhemo, Tuhan nen he, ”An nebe nenat fethinarek welagik, fano liokhogo welagik, ugu kwelek o hit wokhisageluk wene wathisasigiba andoma eise asi kugun o,” iluk yagatikhe.

KELUARAN 14:19

A'nogo yagatikhesik, Allah agoromi malaikat ekhe afuni Israel mene esa logalek inelokhoma waga lagaikhe mene higilogo inambotma higit asi lagunem he, o hena telik welagaikhe a'nogo higilogo,

KELUARAN 14:14

Hiren ekhe hilingisugun mondok lego. We, nineisena Tuhan ebe ninebikhit asimbik inoasigiluk hilingisigin werek o,” iluk yagaisasikhe.

KEJADIAN 48:16

A'nogo wo'narek nikhi logolik, ebe malaikat higit a'lugen, an nebe weaget nabuhak were'ma telnafi lagaikhe andi. Ma re, Arenat yenggerugwi yi fanorinafi logouwago. Yenggerugwi yi inalisikhogo re, an nenu inom, Abraham enu inom, Ishak enu inom, ugu mondok logouwak. It inombalagen tagongge mene inebe kweangma o yi awi ti awi mondok hokhorogo sik-pik imbik logouwak,” iluk yagatikhe.

KEJADIAN 16:13

A'nogo yagatikhemo, at he Hagar endawimo nen he, ”Allah fetnarek welagarek mene neilenggen eberogoat higi o” iluk anggasikhesik mel isikhe: ”Neisena Tuhan Allah nen eberogoat fetnarek logolik yaganeti lagama o,” iluk isikhe.

MALEAKHI 3:1

A'nogo ikhi lagepma re At Tuhan Omame Mondok Hokho welagarek mene a'nogo nen wene onggo ikhe, ”An nanggwe fanorogo yati logouwageluk, An namingmingengge ekhe lakfei wesumo re, we ferekhogoat hiren An hera'nafi lagep mene Tuhan a'nogo An nawi wuri'mo andoma wesigin o. Ap an nen lakfei wesigin mene faget hiren hinendawimo eberek mondok welagep mene a'nogo wesimbik he, An nen wene wathisasigi mene andi fakhogo yagaisikhi logogin o,” iluk yagaisasikhe.

HAKIM–HAKIM 6:8

Kino yatukwama, Tuhan nen it inoba nabi misik ekhe lakfei wagaikhemo, nabi a'nogo nen ikhi logolik he, ”Afuni Israel mene ineisena Tuhan Allah a'nogo nen he yi'nogo ikhe, afuni Mesir mene nen sebelhinarek were'ma An nen fikhalogo wulak hinobagai wagagi o.

HAKIM–HAKIM 13:2

Andem sambul he, ap ekhe enu Manoah, unggulenu Dan mene, o kota Zora welagaikhe. At andi agwe ebe abili welagaikhe.

ULANGAN 1:8

An hineisena Tuhan nen hinombalak Abraham inom, Ishak inom, Yakub inom, yagaisikhi logolik, O andoma mondogat hit inom, hiren taginabugun mene inom wokhisagain, iluk wene arat warisasigimo. Ma re, o andoma sebeli kwino o, iluk yaganisasikhe anggigi,” iluk yagaisasikhe.

HAKIM–HAKIM 11:24

Oba nen yogondak yi re haren nekhengge helagain iluk ikhi lagen a? Kweang hat handugwi kembu enu Kamos nen hat wokhetemo andoma nek he hit hinangge hilingik logogin andi fano. Oba nen he nit nineisena Tuhan Allah nen nit ninobaget wo'nisikhe mene andoma re nirogo ninghogo fisogo logogun.

MAZMUR 89:3

Haren hendawi hundik hilingnafi lagen mene andi re mondok-mondok logogin mene o, nen, Haren tiphogo nek hilingiti lagen mene andi re pogot higit abolok lek logogin andi nen he an nelu o.