HAKIM–HAKIM 18:1 - Allah Wene Fano Wene Hupla Inane

¹ Andem huli re afuni inunggulenu Israel mene inoba ap inoe raja ekhe welagaikhe lek. Nen, it inunggulenu Dan inap he it inunggulenu Israel inap amu mene omanogo inom seberogo inanggweang it ekhe wogisasukwa le'ma re, o kweang wilayah it asugun mene herati lagaukwa.

HAKIM–HAKIM 18:1 Referans Kwoze

HAKIM–HAKIM 17:6

Andem huli it inunggulenu Israel meneba re, ap raja ekhe welagaukwa lek. Ma re, afuni inendawimo nen fano anggugu mene a'nogo nek hilingiti lagaukwa.

HAKIM–HAKIM 19:1

It Israel inap inoe raja oan menlagi'lek kwelek o ap Efraim mene inandom oba andoma ap Lewi mene misik ekhe welagaikhe. Logolik he aren agwe o Betlehem mene misik ekhe he heihe hakhogo helasikhe.

HAKIM–HAKIM 1:34

Ap inunggulenu Amori mene inom Ayalon mene inom Saalbim mene inom, Tom Heres oba inom, andoma femhogo welagaukwa. Andi re it inunggulenu Dan mene re it andi nen kweang tonggoma andoma pi wesinogo iluk o tom fikhit andoma higilisa lagunem andoma welagaukwa. Andiba nen he unggulenu Amori mene andi re it Efraim mene inom Manasye mene inomen sebelinarek logolik he yabu inomameba it inunggulenu pire andem ineabu hilingisuageluk yagaisikhi lagaukwa.

HAKIM–HAKIM 21:25

Andem sambul he it Israel mene were'ma andoma ap raja ekhe welagaikhe le'ma re afuni inebe lombogen he it inendawimo nen fano anggugu mene omanogo nek hilingiti lagaukwa.

HAKIM–HAKIM 17:13

A'nogo hilingik were'ma at Mikha nen ikhi logolik he, ap Lewi mene misik ekhe an nobaget imam werek engge re, Tuhan nen an noba fanot nobagakhi logogino,” iluk isikhe.