HAKIM–HAKIM 16:1 - Allah Wene Fano Wene Hupla Inane

¹ Linggene misik sambul he Simson o Gaza lagaikhe. Lagaikhesik he, he ekhe yugunat hilingiti lagaikhe mene inom ambi agaukwasik he inom nogo i lagaikhe.

HAKIM–HAKIM 16:1 Referans Kwoze

YOSUA 15:47

Andi higithogo re Asdod inom, Gaza inom o kota-kota inom, o sili endep-endepkwe sagarogo werek mene inom, o Mesir kweang oba nen i lagarekwe andoma inom andoma nen pikhit i Laut Tengah hokho mene esanggokwe andoma mondogat inom wogisasikhe.

KEJADIAN 10:19

It inaiba sili huli-hulire o Sidon abel selatan fikhiren hiling-hiling o Gerar en hilingirik he o Gaza huli andoma nen haningisogo timur fikhit he o Sodom Gomora nen fikhit Adma, Zeboim en hiling-hiling he o Lasa horokhogo andoma huli welagaukwa.

HAKIM–HAKIM 16:2

A'nogo hilingitikhemo afuni nen he, Simson o andoma werek ugunem afuni o Gaza mene nen inesanggo holhukwasik he o andoma lagaukwasik at ebe wulibinogo iluk o kota leget waganek mene kwe ambe palek oba nen kwi lagaikharek oba andoma hup hundik kagalek welagaukwa. A'nogo logolik inendawimo nen he, ”O mo kwelabi wagu kwelek Simson ebe wasugun,” iluk anggasukwasik he, hup andi sambul iren yi'nogo ti'nogo ekhe hilingiti legengge welagaukwa.

HAKIM–HAKIM 1:18

Tuhan nen ap Yehuda mene leberinafu kwelek a'luk he, iren o tomkwe werek mene omanogo sebelik lagaukwa. Oba nen iren mugusogo wulak fisasukwa lek mene re o Gaza, Askelon, Ekron inom, nen o era'lukwe andoma inom he inunggulenu i esanggokwe werek mene andoma re inangge kereta weim yafarek mene re posiemanggen mene fetaluk welagaukwama nogo nen he, andomaba ap Yehuda mene nen it mugusogo wulaginabu elo'lek agaikhe.

HAKIM–HAKIM 14:1

Omame a'nogo wogetu kwelek, at Simson enggi ekhe sambul he, o Timna lagaikhesik, hele yenggerek Filistin mene andoma were'ma eilenggen hasikhe.

AMSAL 7:8

O mondogat hu'mo agasik hubasigiluk ugu kwelek aremnogo re, ap souge a'nogo re ebekwe he yanani nilik nikherek mene aiba lageluk lagarek oba kwe handogalma aremnogo lagik wagik ugunem yerogo welagi.