HAKIM–HAKIM 14:3 - Allah Wene Fano Wene Hupla Inane3 A'nogo yagaisasikhe meneat he, iren he, yi'nogo yagatukwa: ”Hemi nit ninonggwarek mene ogo? Ekhe nit ninunggulenu Israel mene ogo, elok woginabu meneat he it afuni Filistin mene inebe Tuhan inonggot mene inagainafuri woginabi lagain iluk ikhi lagen omare nenahalok?” iluk yagatukwa. A'nogo yagatukwama, at Simson nen he, eisena mel yagatikhe: ”A'nogo egen meneat he, an nagwe Filistin mene andiat namolo nen i'ne'nogen iluk yagaheti o,” iluk yagatikhe. Gade chapit la |
HAKIM–HAKIM 14:3
15 Referans Kwoze
Hobuk at Simson endawimo i nele hokho agaikhemo, ane hokhorogo Tuhan mel yagatikhe: ”Tuhan neisena. An hamlogo nomame asuageluk yogondak yaat hilingnafenma, afuni inebe mondok hokhorogo mabenet fisigirik inoati meneat he, yogondak an i nele nen wa'lasumo afuni Filisitin mene hat hebe inonggot mene yoma nen, an nebe warek fa'nobagagun he nabiro, neisena,” iluk yagatikhe.
A'nogo hilinglagaikhemo, at Saul agot alage mene ekhe at asikhe waluk wagaikhe mene a'nogo oba mel yagatikhe: ”An nebe ap Tuhan inonggot mene andi nen inane asegen wo'niikhi logombigen noasi nogo nen he, hat henggarok lisogo wanimbik he, nebe noasin o,” iluk yagatikhe meneat he, ap alage mene andi, at Saul ebe mondok agaukhogo hilingiti lagaikhe andi nen he, ebe wati'lek herakfisasikhe. A'nogo herakfisasikhemo, at Saul onggwarek enggarok wanhikhesik kweangma telfesikhesik he, ebe taunghogo waragaluk enggat oba weing lagaikhe.
A'nogo isukwama, at Daud en mel isikhe: ”Ap Filistin mene Allah ane onggot mene ari re, ailo lega? Allah eluk mondok welagarek mene againafuri tentara mene inoba ane asegen wogisili'lago ari re, nailo e,” iluk isikhesik, ap tentara mene at era'lu welagaukwa mene ekhe mel yagaisasikhe: ”Afuni Israel mene inenu weagerogo fili'lago mene andi eiloak leget figik, nen ap Filistin mene andi ebe watik, igin agun andi re nena mene wogosugun nogo?” iluk heinok wogisasikhe.
Were'ma andikwe louwogeluk laga logolik, at Yonatan nen he, agot alage mene a'nogoba mel yagatikhe: ”Nineisena Tuhan he ap inebe hokhorogo halok ogo, nen endebat halok ogo, elok inomamet fisa hagenego. Enggere Aren omame wo'nisagain anggikhi lagi hilingi'mo re, nit ap Filistin mene Allah ane inonggot mene inawi pos wuri'mo andoma louwogo,” iluk yagatikhe.
Piblisite