HAKIM–HAKIM 13:8 - Allah Wene Fano Wene Hupla Inane

⁸ A'nogo yagatikhemo, at Manoah esanggo holhikhesik he, samban oba Tuhan yi'nogo yagatikhe: ”Tuhan neisena. Niren omalik andi ta'lasimbik oba nen hilingiti logogun mene faget, senggerogo yaganisoageluk, hamingmingengge andi hobuk ayonggo fembik ninoba lakfei we'no aro, neisena,” iluk yagatikhe.

HAKIM–HAKIM 13:8 Referans Kwoze

KISAH PARA RASUL 9:6

Hebe menla'luk he, o kota ari lambik kwino. Kugunem ap ekhe nen, hat yi'nogo hilingi'no, iluk yagahesigin mene werego,” iluk yagatunem,

AYUB 34:32

Hat haweak werek mene omanogo ebe weinam fakhogo yaganesuageluk he At oba yagaten a, lega? Haren hilingiti lagen mene a'nogo palfagain iluk he, hombuk palhen a, lega?

HAKIM–HAKIM 13:3

A'nogo meneat he, o inenggi ekhe sambul malaikat Tuhan ekhe elokhoma menlasi wagaikhesik he, mel yagatikhe: ”Hat attagen pikhit yogondagen he, omalik ekhe taginafi'lek welagen. A'nogo meneat he, henggi welagi'legat omalik ha'ma asimbik, heak abat ekhe takhagain o.

HAKIM–HAKIM 13:6

A'nogo yagatikhemo, at Manoah agwe a'nogo agun oba lagaikhesik he, mel yagatikhe: ”Noe, nineisena Allah agoromi yonggo lakfisa wagarek mene ekhe an noba wagasik. At andi ebe malaikat Allah mene hanggeat wagama, an nailo mondok aga o. An nen he, Hat hebe koma nen wagen, iluk heinok wokhigi legat, nen aren ogo re, An nenu ti, iluk yaganete legaro.

HAKIM–HAKIM 13:7

A'nogo meneat he, aren he, Hat heak ha'ma asimbik, ap takhagain o, iluk yaganetesik ekhe mel yaganete: Heak andi ha'ma asigin andi huli nen he, ebe hobuk wa'lasigin andi huli, ebe Allah onggwarek faget logogin andi nen he, hat i anggur amusu inom, amusu lugu lugwi paluogeluk nenggarek mene inom, yi mene ti mene nenggarek lek mene inom, ninggi logogin lego, iluk yaganete,” iluk yagatikhe.

HAKIM–HAKIM 13:9

A'nogo yagatikhemo, Allah nen at Manoah ane esanggo holhikhe. A'nogo holhikhesik he, at agot malaikat Tuhan a'nogo lakfei wagaikhemo, at Manoah ebe le'ma, agwe nek yabumo hurek were'ma, oba wagaikheat.

HAKIM–HAKIM 13:11

A'nogo yagatikhemo, at Manoah weak-weagat agwe ombo'ne lagaikhe. Lagaikhesik, ap a'nogo mel yagatikhe: ”An nagwe wene yagasi wagen andi re haren a?” iluk heinok wokhasikhe. A'nogo yagatikhemo, aren he, ”Eberogoat. Anen aro,” iluk yagatikhe.