HAKIM–HAKIM 13:6 - Allah Wene Fano Wene Hupla Inane

⁶ A'nogo yagatikhemo, at Manoah agwe a'nogo agun oba lagaikhesik he, mel yagatikhe: ”Noe, nineisena Allah agoromi yonggo lakfisa wagarek mene ekhe an noba wagasik. At andi ebe malaikat Allah mene hanggeat wagama, an nailo mondok aga o. An nen he, Hat hebe koma nen wagen, iluk heinok wokhigi legat, nen aren ogo re, An nenu ti, iluk yaganete legaro.

HAKIM–HAKIM 13:6 Referans Kwoze

1 SAMUEL 9:6

A'nogo yagatikhemo, at amingmingengge a'nogo nen he, ”Ah, nenangot hambigen, ap o kota yi mene ebe Allah amingmingengge mene re, wene aren ugunem sugi agi'lek tibenek ugunem afuni nen agaugweratarek mene ekhe werego. Halok he, aren wam keledai longgoikhe mene andi, koma werek, iluk yaganisagain enggere, at oba louwogo,” iluk yagatikhe.

ULANGAN 33:1

A'nogo yagatikhemo, at Musa Allah nen ayonggo fesikhe mene a'nogo ebe oan wa'lagi'lek logolik, afuni inunggulenu Israel mene Allah nen fanorinafi logouwagaluk wene yi'nogo isikhe:

WAHYU 1:17

A'nogo were'ma higirik he, nailo nen nelokhe sagaum warek mene higit at awe a'ma sagam esi lagunem he, at enggi ebekwe an noba fikhesik he, mel yaganete: ”Hailo lek ame. An nebe re, eroba nen pikhit erembul oba netok mondok logolik he,

KISAH PARA RASUL 6:15

A'nogo ikhi lagaukwama, it ap wene ero pilingiti lagaukwa mene omanogo inebe mondogat inom hurek logolik he, ineilenggen at Stefanus oba lurogo yethugunem he, at elokhonggen malaikat Allah nen yonggo pelakfisa wagarek mene omanogo inelokhonggen hangge hilinglagaikhemo ineilenggen hasukwa.

LUKAS 9:29

Lagasukwasik samban ugunem he, at Yesus elokhonggen hunogoat hilinglaga logolik asu elokhonggen mondok kut agaikhesik, yabelanget hasikhe.

LUKAS 1:19

at malaikat a'nogo nen he, ”An Allah eilhanem mendek welagirek mene nenu Gabriel andi re nebe an aro. Fano wene yi yagahesuageluk, at Allah nen yonggo laknobagai wagama wagi o.

DANIEL 10:11

A'nogo menlagimo malaikat a'nogo nen an noba ikhi logolik, ”Daniel, hat he Allah nen endawi hundik hilinghabi'lago. An he hat hambit wesuageluk lak nobagai wagama wene yi yagahesigiluk wagi enggere hafe hebela'luk menlasimbik he an nen nane igin mene yi fanorogo holin o,” iluk yaganete. A'nogo yaganetu kwelek aremnogo an nebe noak leik-leigenggerik menlagi.

DANIEL 10:5

A'nogo mendek logolik nelokhe liagaisogo were'ma nen he ap misik ekhe asu re yo lenen eil sakhorek meneba ugungge labere'ma omban he emas ebe meneba pukhogo were'ma higi.

DANIEL 8:17

A'nogo yagatemo re at Gabriel an nelokhe fikhit welagangge a'nogo an nera'lu asi waga. Wagunem an nailo mondok agarik noak leikhogo kweangma hulambeti. A'nogo hulambetimo at Gabriel en an noba yaganeti logolik, ”Hat ap warek hangge mene yi, haren habikanggo hegen mene andi re o wurep kobokhogo hilinglasigin mene faget hegen o,” iluk yaganete.

2 RAJA-RAJA 4:9

A'nogo wagunem, at he a'nogo nen he, agun oba mel yagatikhe: ”Ap ninoba fa'larik mondok weri'lago a'nogo ebe eberogoat Allah amingmingengge mene enegat hikhi lagi o.

1 TIMOTIUS 6:11

It a'nogo hilingitarek meneat he, hat he, hebe Allah amlogo welagen andi nen, andi mene hilingiti'lek herakfisaluk logoino. A'nogo logolik, Allah endawimo anggikherek mene higithogo hilingitik, awe a'ma kuluk, at faget hilingitik, hendawinggen at oba himbirik welagik, afuni hendawirinafik, hafe morogo welagik, hobabut enago welagik, ikhi logoigeluk, andi meneat esinet fikhi logoino.

2 RAJA-RAJA 4:16

A'nogo menlasi lagaikhemo, at Elisa nen, he a'nogo mel yagatikhe: ”Tahun hobuk mene o ya higit oba, hat omalik ap mene hagoumo fisogo logogin o,” iluk yagatikhe. A'nogo yagatikhemo, aren he, ”Hat hebe Allah amingmingengge meneat he, heranen wene yaganetun o, noe,” iluk yagatikhe.

1RAJA-RAJA 17:24

A'nogo wogotikhemo, at he sogwe mene a'nogo nen he, Elia mel yagatikhe: ”An yogondak en, hat hebe Allah amingmingengge, iluk futhobagagirik, haren wene yaganeti lagen andi, nineisena Tuhan ane eberogoat ikhi lagen, iluk futfigi o, noe,” iluk yagatikhe.

1RAJA-RAJA 17:18

A'nogo wa'lagaikhemo, at he sogwe mene a'nogo nen Elia mel yagatikhe: ”Allah amingmingengge yi. An yi'nogo hilingnafen andi nenahalok? Allah nen an weak hilingiti lagi mene weinamhogo fak ugunem herakfisamo an neak ebe wa'lasuageluk noba wagen andi nenahalok?” iluk wenagetikhe.

1 SAMUEL 2:27

A'nogo ugu kwelek, inenggi ekhe sambul he, ap Allah ane yagaisikhi lagaikhe mene ekhe nineisena Tuhan nen, ”Wene yi'nogo ap Eli yagasi lano o,” iluk wene warogo lakfei wagaikhemo, wagaikhesik mel yagatikhe: ”At Allah nen he, hat homba Harun againafuri inom afuni o Mesir mene inoe raja Firaun amingmingengge hit ferinarek were'ma, An nebe at Harun elokhoma menlagagi andi.

HAKIM–HAKIM 13:22

A'nogo hilingitukwasik, at Manoah nen agwe mel yagatikhe: ”Nit Allah nineilenggen hogo andi nen, ninebe eberogoat wa'lasugun higi,” iluk yagatikhe.

HAKIM–HAKIM 13:8

A'nogo yagatikhemo, at Manoah esanggo holhikhesik he, samban oba Tuhan yi'nogo yagatikhe: ”Tuhan neisena. Niren omalik andi ta'lasimbik oba nen hilingiti logogun mene faget, senggerogo yaganisoageluk, hamingmingengge andi hobuk ayonggo fembik ninoba lakfei we'no aro, neisena,” iluk yagatikhe.

YOSUA 14:6

Linggene misik sambul he it inunggulenu Yehuda mene at Yosua o Gilgal were'ma ambit wagaukwa. It wagaukwa mene andem ap misik ekhe enu re Kaleb hun Yefune amlogo ap Kenas mene a'nogo nen ikhi logolik he, ”Yosua ao! Nit inom hat inom faget o Kades-Barnea nen Tuhan at Musa Allah amingmingengge a'nogoba yagatikhe mene aremnogo re harogo helu o.

KELUARAN 3:6

Hat hombalak Abraham inom, Ishak inom, Yakub inom, ineisena Allah Anaro,” iluk yagatikhe. A'nogo yagatikhemo, at Musa eilenggen Allah yetha ailo agaikhemo, elokhe salhikhe.

KELUARAN 3:2

Andoma malaikat Tuhan nen yonggo pelakfisa wagarek mene omanogo ekhe engga sebelek anggele'ma nen endu amuilogen wialhi logolik elokhoma menlasigiluk wagaikhe. Wagaikhesik, engga sebele'ma omanogo endu amuilogen wialhi lagaikhe meneat he, engga ebe endu nen ninggi'lek were'ma, at Musa eilenggen yethasikhe.

KEJADIAN 32:29

A'nogo salhikhemo, at Yakub en he, ”Hat henu sa. Yaganom o,” iluk heinok wanhikhe meneat he, ap a'nogo nen he, ”Haren, hat henu sa, iluk yaganesigin lego,” iluk yagatikhesik, afuni nen munggwarengge wogisagarek andi hak, Yakub fanotfesikhe.

KEJADIAN 18:2

ot legeisogo eilenggen yethasikhe re, afuni inebe henagan mene elokhoma mendek were'ma yerisasikhe. A'nogo yerisasikhesik, awi tenda wuri'mo a'nogo nen wulifikhesik, uarek it inera'lu lagaikhesik he, eindep awi yakfesikhesik,

HAKIM–HAKIM 6:11

Linggene ekhe sambul he malaikat Tuhan ekhe o kota Ofra andoma wagaikhesik he, e patie hun Yoas agayo unggulenu hakhogo Abiezer mene a'nogo eroma andoma hurek welagaikhe. Hurek were'ma he at Yoas amlogo enu Gideon a'nogo re afuni Midian mene nen ineil neanogoluk andoma hinago logolik anggur enggen perelhunem omanogo anggur enggen lologo pelafik, asinagap ibilhik ikhi lagaikhe.

HAKIM–HAKIM 13:3

A'nogo meneat he, o inenggi ekhe sambul malaikat Tuhan ekhe elokhoma menlasi wagaikhesik he, mel yagatikhe: ”Hat attagen pikhit yogondagen he, omalik ekhe taginafi'lek welagen. A'nogo meneat he, henggi welagi'legat omalik ha'ma asimbik, heak abat ekhe takhagain o.

HAKIM–HAKIM 13:7

A'nogo meneat he, aren he, Hat heak ha'ma asimbik, ap takhagain o, iluk yaganetesik ekhe mel yaganete: Heak andi ha'ma asigin andi huli nen he, ebe hobuk wa'lasigin andi huli, ebe Allah onggwarek faget logogin andi nen he, hat i anggur amusu inom, amusu lugu lugwi paluogeluk nenggarek mene inom, yi mene ti mene nenggarek lek mene inom, ninggi logogin lego, iluk yaganete,” iluk yagatikhe.

HAKIM–HAKIM 13:10

Wagaikhemo re, agwe a'nogo agun oba humusek wagaikhesik, mel yagatikhe: ”Noe. Yethan! Ap attak noba waga mene a'nogo yogondak noba waga aro,” iluk yagatikhe.