HAKIM–HAKIM 13:2 - Allah Wene Fano Wene Hupla Inane

² Andem sambul he, ap ekhe enu Manoah, unggulenu Dan mene, o kota Zora welagaikhe. At andi agwe ebe abili welagaikhe.

HAKIM–HAKIM 13:2 Referans Kwoze

YOSUA 19:41

It inanggweang andi re: O Zora, Esytoal, Ir-Semes,

LUKAS 1:7

Meneat he, at he Elisabet andi, ebe abili nen eak ekhe takhigi'lek logolik agun emberegat arat yaman agaukwasik welagaukwa.

YOSUA 15:33

O sili Kota-kota inom, desa-desa tom a'makwe welagaukwa mene andoma mondogat lambulogo re 14 nen welagaukwa. O andem enu re: Esytaol, Zora, Asna, Zanoah, En-Ganim, Tapuah, Enam, Yarmut, Adulam, Sokho, Azeka, Saaraim, Aditaim, Gedera, Gederotaim inom andem.

KEJADIAN 25:21

Itikhe mene re, at Ribka eak legen he, nineisena Tuhan kino yagatikhe. A'nogo yagatikhemo, nineisena Tuhan Ishak ane esanggo holhikhesik, Ribka omalik a'ma agaikhe.

KEJADIAN 16:1

He Sarai Abram agwe a'nogo omalik tati'lek welagaikhe. Meneat he, at amingmingengge hele yenggerek fano mene aiba Mesir mene enu Hagar welagaikhe.

HAKIM–HAKIM 2:1

At malaika Tuhan a'nogo o Gilgal en o Bokhim lagaikhesik he, afuni Israel mene yi'nogo yagaisasikhe: ”An nen hit mondogat o Mesir en wokhinarek wulibi wagagisik he, o hinombalak wogisagaluk wene warisasigiba wokhinarek waga logolik, mel yagahisasigi anggigi. An hit ninom wene wato mene andi hobuk palasigin lego, iluk isigi.

KEJADIAN 11:30

A'nogo meneat he, at he Sarai ebe abili welagaikhe.

KEJADIAN 49:16

Nen, hat Dan he, hagoromi henggiba ferinarek logolik, wene inoba figik, kotik, ikhi logogin o. Afuni Israel mene inunggulenu hunogoat mene welagaikharek andi hak hilinglasimbik logogun o.

1 TAWARIKH 2:53

it afuni o Kiryat-Yearim welagaukwa mene omanogo inenu Yetri inap inom, Puti inap inom, Sumati inap inom, Misrai inap inom, inomba welagaikhe. (It afuni o kota Zora inom Esytaol inom andoma re it inenu andoma mene)