HAKIM–HAKIM 12:3 - Allah Wene Fano Wene Hupla Inane

³ Andiba re, an nen anggikhi logolik he, iren he an lebetnea wesugun lek a'nogo re, iluk anggasigisik he, an nebe wesigin anggasigiba nen he an namurururogo afuni Amon mene andi ninom weim yabi lagi. Yabi lagimo re it ap andoma inenggi mo nen Tuhan nen an nomamet nobagasikhe. A'nogo mene at he yogondak hit nenahalok an noasuogeluk waga lagep?” iluk yagaisasikhe.

HAKIM–HAKIM 12:3 Referans Kwoze

AYUB 13:14

An he nebe mondogat wa'lasigin anggigirik hilingiti lagi andi.

1 SAMUEL 28:21

A'nogo were'ma, at he heinogengge a'nogo at Saul oba horokhogo wagaikhesik, eilenggen kwelakhasikhe re, Saul obakheindok mondok palagaikhesik weregen he, mel yagatikhe: ”An nebe noasugun werek kwelegat, haren kino yaganeten mene andi hane hologoat hilingiti andi o.

1 SAMUEL 19:5

Aren he, nebe noasigin andi nailo, iluk anggigi'legat, Goliat Filistin mene a'nogo ebe watikhe andiba nen Tuhan nen nit afuni Israel mene hokhorogo ninomame asuageluk hilingninobagaikhemo ninomame ago andi. Wene a'nogo hilinglagaikhe andi hat heilhanem hilinglagaikhemo hasigindik hendawimo hagaiyek hokho mene agaikhe anggigi. A'nogo meneat he, neisena, at Daud weak ekhe hilingiti'le'maat, haren weak hilingisogo ebe wasigiluk ikhi lagen andi nenahalok,” iluk yagatikhe.

MAZMUR 119:109

An he, nebe neiloak legasu hakhogo nek hilingiti lagi, oba nen an he Hat Hawene melalek andi re nonggorasu lek hago.

WAHYU 12:11

It ninerugwi ninagaila'lak andi inonggwarek inebe inendawi agi'lek, ”Ninoata halok he, fano aro,” ilik nugunem inoata. It andi re, Domba Eak amep wulagaisogo watukwa andiba inom, iren Allah ane ebe wene andi fakhogo yagaisilik nikhi lagaikha andiba inom, Iblis a'nogo arat mabenetfisaga andi o.

ROMA 16:4

It an telnabuogeluk lagunem, inoa'lep andi nen, ”Nendawilage,” iluk an nen enek hai warinafi lagi fuk. It afuni Allah againafuri endakwe mene inom, inebe mondogat ninom enat hai warinafi lago o.

2 TAWARIKH 13:12

Ap hit Israel mene yi sani, Hit hinambu hinombalak ineisena Tuhan Allah andi ane sagalogo fugu lek! Nit melalninabi'lago mene andi re we nineisena Allah amuat were'ma re, it ap At obaget hilingiri'lagwi mene imam omanogo re, niren hit hinoasi wesugun mene andi faget he, iren enekhogo re trompet ane fusuogeluk yoma werek yi. Hit he hinalong asugun iluk hilingiti lageba? Elo'lego! iluk yagaisasikhe.

HAKIM–HAKIM 11:27

Lego, niren he hat hoba weak ekhe hilingito legat. Haren enek he nit ninoasi waga lagen andiba nek he weak hilingiti lagen. We, At Tuhan enek he wene nit Israel mene ninom it inunggulenu Amon mene inom ninoba wene katokhogo tegetu mene werek,” iluk lakfesikhe.

HAKIM–HAKIM 9:17

Hit he, afuni Midian mene nen fethinarek were'ma, aren telhinabigiluk, ebe wasuogoluk ugu kwelegat he, ninghogo hilingiti lagaikhe a'nogo hinendawimo ebe'ni o.

HAKIM–HAKIM 12:2

Andi isukwama at Yefta nen ikhi logolik he, ”Afuni Amon mene inom nit Gilead mene ninom he, weim palek hokho mene welago. Nen, ap Amon mene andiba nen telogo nobagauwageluk andi re an nen hit hinoba wolhinafigiba nen he, hit wagagip lek.

HAKIM–HAKIM 12:4

A'nogo isikhesik he, Yefta nen ap Gilead mene mondogat kaboget fisasikhesik he, afuni Efraim mene omanogo inom weim yafukwasik he mabenet fisasukwa. (Ap Gilead weim yafarek mene omanogo re, ap Manasye mene inom Efraim mene inom omanogoba nen wulibi lagaikha mene iluk iren inoba hikhibet isasukwa.)