HAKIM–HAKIM 11:3 - Allah Wene Fano Wene Hupla Inane

³ Andiba re, at Yefta a'nogo agaila'lak herakfisaluk he wulibi lagaikhesik o Tob andoma welagaikhe. Andoma logolik he ap ina'mage weak mene inom mangotukwasik he iren ap inangge teli lagaukwa.

HAKIM–HAKIM 11:3 Referans Kwoze

HAKIM–HAKIM 9:4

A'nogo isukwasik, uang perak mene 70 nen tugwi kembu enu Baal-Perit faget fogeratarek awi andi nen wanhukwasik, at Abimelekh wogetukwa. A'nogo wogetukwama, at Abimelekh en ap ekhe inobabut weak mene at werekwe asuagaluk onggo wogisasikhe.

2 SAMUEL 10:8

It Amon inap he wulibi wagaukwasik it inaiba eroma ibu kota a'nogo o Raba kwe ambe kwi lagaikharek oba omanogo erati lagaukwa, nen it Siria inap inom, Tob inap inom, Maaka inap inom he, o leimo omanogo eratukwa.

2 SAMUEL 10:6

Aren a'nogo isikhemo nen it afuni Amon mene nen anggikhi logolik he, niren hilingitoba at Daud a'nogo nit ninom aselei mene aga, iluk anggasukwasik weim ya'nisoageluk ap yonggore it sikhe fisogo mene Sirian inap o Bet-Rehob inom, Zoba inom, welagaukwa mene re inebe 20.000 nen inom, it weim yafu inap inawi Tob mene re inebe 12.000 nen inom, nen at raja o Maakha mene agoromi inebe 1.000 nen inom yonggo fesikhe.

1 SAMUEL 22:2

Nen, it fena enggin-fenggin inoba fugu mene inom, inangge palegengge werek mene inom, it fena inendawimo anggagarek mene higithogo hilingiri'lagwi lek iluk agarek mene omanogo inom, at Daud oba andogosi wagaukwasik, Daud ebe it inoe melalinafu mene faget werek kwelek welagaukwa, nen it Daud inom nikhi lagaukwa mene re inebe seberogo 400 nen hakhogo welagaukwa.

KISAH PARA RASUL 17:5

Inebe hokhorogoat it Paulus Silas emberek werekwe a'nogo asi lagunem, it afuni Yahudi mene inendawimo inabiretfesukwama, it ap inobabut weak mene o silimo weat were'ma inebe woginafukwasik he, esa fologo afuni o kota Tesalonika andoma mene inendawimo kagalik lagaukwama, wene hokhoat wo'lagaikhe. A'nogo hilinglagaikhemo, at Paulus Silas emberek inenggi lisogo afuni hokhorogoat inoba woginarek louwogeluk, heraginabik esa fologo o ap Yason were'ma o lasi lagaukwa.

1 SAMUEL 27:2

A'nogo wenggelhikhesik he at Daud inom, agoromi inebe 600 nen aremnogo inom he ap Akhis hun Maokh amlogo o kota Gad mene inoe raja ambit lagaukwa.

HAKIM–HAKIM 11:2

Eisena andi re amlogomi agagwi attak femhogo waganek mene nen tago mene werek kwelek amu mene nen tago mene ogo welagaukwaat. Omalik omanogo inebe inalue agaukwasik he, at Yefta ebe inaiba nen mugusogo wulak fisasukwa. Iren ikhi logolik he, ”Hat hebe re, he amu mene nen tago mene welagen ma re nit nineisena alolegengge hat ekhe helagain lego,” iluk yagatukwa.