Biblia Todo Logo
Bib sou entènèt

- Piblisite -




HAKIM–HAKIM 10:7 - Allah Wene Fano Wene Hupla Inane

7 Andiba re, Tuhan nen afuni Israel mene inoba a'mage fesikhesik, ap inunggulenu Amon mene inom, Filistin mene inom inawe a'ma logouwageluk herakfisasikhe.

Gade chapit la Kopi




HAKIM–HAKIM 10:7
15 Referans Kwoze  

A'nogo At Tuhan nen anini inoba fugunem andi re ap sa hagen hambuget haluk logou hak nogo? Nen At anini endu amulok hak lagagunem he ap sa hagen omamerogo mendek logou hak nogo? At a'mage het-pethogo lagagu mene a'nogo afuni inoba fugu sambul andi re, helep mene ogore mondok wolelenggenhogo At elokhoma re wul higit hilinglagarek.


Nineisana Tuhan Allah re afuni nen At inom higirabetarek mene andi re mondok abit. Nen, ap At ane oak sagalharek mene andi re unggum helogoin werek. Nen At a'mage mondok hokho a'nogoba re, it inoba onggo lagalogo inoaterek.


Tuhan nen it afuni Israel mene inoba ikhi logolik, ”An nagainafuri yi sani, hiren anggikhi logolik, afuni nen inagagwi mugusogo wulakfisagarek hak, An nen mugusogo wulak hinobagakhi lagi anggikhi lageba? Ariginik halok he, herakhinobagagi iluk lisu palogo fugu mene re koma werek nogo? Hiren anggikhi logolik An nen afuni ekhe inoba onggo wo'nesuageluk hit hinebe wogisigi anggikhi lageba?, ap ekhe eisena nen amlogo ap palegengge kinoterek meneba onggo huniterek hak hilingite anggikhi lageba? A'nogo re lego! Hit hele warogo hukhisaga andi re, we hinonggwarek hinaweak kwanirek mene hilingiti lagep andiba o!


At Asaf en yanggulinafi lagaikhe awuni. Neisena Allah, Haren he mondok mondogat oboget nisegen a? Nenahalok Hat honggwarek hagainafuri mene inoba ha'mage fugu mondok logogin nogo?


Haren he nit ninebe wam domba warogo senggeluogeluk senetarek a'nogo hak, nit ninebe sen ninabuageluk oboget nisegen, nen Haren it afuni inunggulenu mene werekwe omanogo hesangge pesangge hilingninobagegen.


A'nogo hilingiti lagaukwama, Tuhan nen afuni o Kanaan mene inoe raja enu Yabin o kota Hazot welagaikhe mene nen mabenet fisoageluk, it Israel mene herakfisasikhe. At kain Yabin agot weim anini weak mene enu re, Sisera. Ebe o kota Haroset-Hagoyim andoma welagaikhe.


A'nogo herakfisasikhemo re afuni Israel mene o Gilead it Amori mene inaiba i Yordan aik fena mo liabi wagarek fikhit werek mene omanogo re, ap inunggulenu pire mene andemen 18 tahun logolik he inoba enggin-fenggin hokhorogo fugu welagaukwa.


A'nogo yagaisasikhesik hobuk it afuni Israel mene Tuhan ane sagalogo weak hilingiti lagaukwama afuni Median mene nen inawe a'ma sebelinarek logouwageluk herakfisasikhemo 7 tahun welagaukwa.


Afuni Israel mene nen Tuhan ane sagalogo hobuk weak hilingitukwaat. A'nogo hilingitukwama, aren he, ”Afuni Israel mene yi re, it Filistin mene inawe a'ma 40 tahun ferinarek logonik he,” iluk inebe herakfisasikhe.


Swiv nou:

Piblisite


Piblisite