HAKIM–HAKIM 10:4 - Allah Wene Fano Wene Hupla Inane

⁴ At amlogomi ap mene re inebe 30 nen welagaukwa, nen it inanggo keledai amboloba hu'la'luk lagaikharek mene lambukhogo re 30 nenat welagaikhe. O sili andoma re at Yair awi sili ikhi lagaukwa.

HAKIM–HAKIM 10:4 Referans Kwoze

BILANGAN 32:41

Hun Yair unggulenu Manasye mene nen he, desa o andomaba miren mene hakhogo pin kwisikhesik telogo helasikhemo re o andoma enu, ”Desa-desa Yair,” iluk salhukwa.

HAKIM–HAKIM 12:14

At amlogomi inebe 40 nen welagaukwa, nen at ombawi ap mene nek he 30 nen welagaukwa. It inebe lombok he inanggo keledai ai mene 70 nen amboloba lagaluk lagu mene faget fisogo welagaukwa. At Abdon nen he afuni Israel mene 8 tahun ferinarek logolik melalinafi lagaikhe.

HAKIM–HAKIM 5:10

Hit ap wam keledai kut mene amboloba talfuluk laga-lagep mene andi inom, hit hinasu wam oroa'ma talfuluk laga-lagep mene andi inom, Nen hit afuni ekhe hineisok oba laga lagep mene andi inom ninomame ago wene andi yagaisilik laga logoino!

ULANGAN 3:14

Hun Yair it inunggulenu Manasye mene nen he, o Argob kwe andoma nen haningisogo o Basan kwe nen lambukhogo re o Gesur inom Maakha inom huli-hulimo andoma mondogat seberogo helasukwa. Helasukwasik o sili endephogo werek mene omanogo at onggwarek enubene nek salhukwa. A'nogo salfesukwa mene andoma o yogondak huli nen o sili andoma Yeir mene inawi sili iluk inelu welagaikharek.)

HAKIM–HAKIM 10:3

At Tola a'nogo mondogat wa'lagaikhemo re, at Yair en afuni Israel mene melalinafi logolik werek kwelek enek 22 tahun hilingitikhe. At Yair ebe o Gilead mene.

HAKIM–HAKIM 10:5

Nen at Yair ebe ogore wa'lagaikhemo o Kamon salhukwa.

2 SAMUEL 16:2

Lagaikhemo at raja Daud en mel yagatikhe: ”Yoma mondogat he, nena mene faget waluk wagen,” iluk heinok wokhasikhemo, at Ziba nen he, ”Wam keledai ya re, hat hagainafuri hinom amboroba lagaluk lagu mene iluk waluk wagi o. Nen, roti inom, e enggen inom yoma re, hat hagoromi noageluk waluk wagi ya. Nen, i anggur amusu keralek yoma re, it ekhe o leimo afuni le'ma yoma nugunem inomame lek agu halok nunggu mene iluk waluk wagi o,” iluk yagatikhe.

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.