HAKIM–HAKIM 10:1 - Allah Wene Fano Wene Hupla Inane

¹ Abimelekh ebe arat wa'lagaikhemo, Tola hun Pua amlogo a'nogo it Israel mene telogo fisoageluk melalinafi lagaikhe. At ebe re hun Dodo omba unggulenu Isakhar mene o Samir it Efraim inandom oba andoma welagaikhe.

HAKIM–HAKIM 10:1 Referans Kwoze

HAKIM–HAKIM 2:16

A'nogo agunem, ap inenggiabisak wanharek mene esa logalfuluk weagerinabi kwi wagunem, hobugalep at Tuhan nen it Israel mene telinabuageluk he, inogogwi wene inoba figik-kotik ugu mene inayonggo fuluk menfisikhi lagaikhe.

HAKIM–HAKIM 3:9

Andi nen afuni Israel mene nen he, ”Tuhan lebetninabin o,” iluk kinotukwama, it fikhalogo fisoageluk Tuhan nen Otniel wogisasikhe. (Otniel andi re Kaleb agot hun Kenas a'nogo amlogo.)

YOSUA 15:48

O tomkwe andoma re o kota 11 nen inom, o sili endep-endepkwe mene inom lambulogo welagaikhe mene enu re: O Samir, Yatir, Sokho, Dana, Kiryat-Sana (andi re Debir iluk), Anab, Estemoa, Anim, Gosyen, Holon, Gilo inom andem.

KEJADIAN 46:13

Isakhar againafuri re: Tola inom, Pua inom, Ayub inom, Simron inom.

HAKIM–HAKIM 9:57

Tuhan nen he ap Sikhem mene inobabut weak mene andi faget unggum inoba fesikhe. Aren at Yotam Gideon amlogo a'nogo nen it homan fisikhi logolik it inobaget isikhe mene aremnogo higithogo agaikhe.

HAKIM–HAKIM 10:2

Aren he it afuni Israel mene 23 tahun huli melalinafu welagaikhesik at ebe wa'lagaikhemo, o Samir salhukwa.

HAKIM–HAKIM 3:27

At a'nogo it Efraim mene inandom kwe nen omanogo asi lagaikhesik weak-weak he, ap Israel mene weim yabi wesuageluk trompet futhasikhe. It a'nogo wagaukwama re aren it hondoginapluk o tom oba omanogo nen pi wagaukwa.

HAKIM–HAKIM 12:8

Yefta wa'lagaikhemo afuni Israel mene re at Ebzan o Betlehem mene andi nen melalinafi lagaikhe.