HAKIM–HAKIM 1:21 - Allah Wene Fano Wene Hupla Inane

²¹ Unggulenu Benyamin mene nen ap unggulenu Yebus mene o kota Yerusalem en mugusogo wulak fisa elo'lekhogo hilinglagaikhe. Andiba re ap Yebus mene re ap Benyamin mene inom seberogo welagaikharek andi.

HAKIM–HAKIM 1:21 Referans Kwoze

YOSUA 15:63

Kota Yerusalem andi ogo re it Yehuda nen meneba nen he. it Yehuda inap en he ap Yebus inap o andoma welagaukwa mene mugusogo wulak fisasukwa lek. Yogondak huli nen he it Yebus inap andoma re it Yehuda mene inom seberogo o kota andiba werek.

HAKIM–HAKIM 1:8

Ap Yehuda mene re o Yerusalem weim wulifi logolik he o kota andi endu oba fagaisogo afuni o andi mene inebe mondogat inoatukwa.

HAKIM–HAKIM 1:22

Hun Yusuf ambisang mene Efraim inom Menasye inom aremnogo nen he o kota Betel andem oba enu Lus ikhi lagaukwa aiba a'nogo weim kwi lagaukwama re, Tuhan nen it leberisasikhe. Iren ap ineil penesuageluk o kota andiba lakfisasukwa sambul he,

1 TAWARIKH 11:4

Linggene ekhe sambul he, at raja Daud inom, it Israel inap inagoromi sikhe fisogo mene omanogo mondogat inom he, o kota Yerusalem pin kwi lagaukwa. Andem oba re o kota andi re enu Yebus salogo it afuni o kota andi inonggwarek eisewerek Yebus inap omanogo welagaukwa.

MAZMUR 106:34

At Tuhan nen yagaisasikhe hakhogo iren afuni inunggulenu amu mene omanogo inebe leget fisigi'lek enggere,

HAKIM–HAKIM 1:27

Unggulenu Manasye mene nen he afuni o kota Bet-Sean mene inom, Taanak mene inom, Dor mene inom, Yibleam, Megido mene inom, o sili-sili esanggokwe welagaukwa mene inom mugusogo wulak fisasukwa lek. Andiba re, it afuni Kanaan mene re o andoma femhogo welagaikharek.

1 TAWARIKH 1:14

At Kanaan andi re it Yebusi inap inom Amori inap inom, Girgasi inap inom,

1 TAWARIKH 8:28

It ap andi re afuni it ineisok erokwe mene andoma faget inogogwi kaindek mendek logolik ferinarek welagaukwa inap, it inebe ta'larik wagaukwa higithogo lisu palek welagaikhe menere andoma. It inebere o Yerusalem welagaukwa.