HAGAI 1:9 - Allah Wene Fano Wene Hupla Inane

⁹ Hiren he, enggen ugu hokhorogo palogoin iluk hinendawimo ebet-ebet ugunem en he, we endebengge nek palhikhi lagep, a'nogo palaluk hinaiba helaluk waga lagep oba nen he, An nen futhugunem he sogoi en funhogo waluk lili'lago andi. Ninggi'nogo iluk a'nogo hilingiti lagi anggikhi lagep nogo? Andi re, An nawi a'nogo o meisalegenek kabok lagagu kwelek hit hinebe lombogen hinonggwarek hinawi hinebe werekwe omanogo nek wurikhi lagep andiba hilingiti lagi o.

HAGAI 1:9 Referans Kwoze

HAGAI 1:4

”Yago, nagainafuri, hit he hinonggwarek hinaiba mondok hambuk lele warogo omamerogo wurogo welagep mene andoma re hinenggi arat asi wagu kwelegat welagebo, oba nen he An naiba andi nek he o meisalek enek kabok lagakhi logoilep anggikhi lageba?

WAHYU 3:19

A'nogo komothinafi andi re, it afuni an nendawinggen hundik mene halok, inebe lombok komorogo lambisogengge yei inoatirek enek andi nen he, weak hilingiti lagep mene andi herakfisaluk, hinobabut hebela'luk he, anggilukhogo hilingiti logoino o.

MALEAKHI 2:2

Hit hinobabut hilingituba An esinet nobagaluk foget nobagakhi logoni o. Nen, hiren An nane holfigi'legengge hilingiti lagep halok he, An nen homan hinobagagin. Hiren yi mene ti mene aren wo'nisili'lago mene iluk helikhi lagep mene andoma re, An nen agaumhogo re homan ugu mene nek hilingisogo fagain o. Hiren he, An nen nawene melalek yagahisigi mene a'nogo sagalogo fuluk hilingitunem he, ibi-eberogo nen yi mene ti mene mondok fano mene andoma re, mondogat homan ikfigimo werego.

HAGAI 1:6

Hiren awingge feik hokhorogo folhi lagep, oba nen he enggen ugu re endebengge nek palikhi lagep, hit hinangge nunggu mene higit ninggi lagep, oba nen he hinalabut ning ili'lago lek. Hit hinagai anggur agai higit werek, oba nen he hinoba homot hinobagali'lago lek. Hit hinasu re laberek welagep, oba nen he hinagap oba aganhanet hinobagali'lago lek. Nen, hit ap yabu hilingitu hinap onggo wokhisugunem helikhi lagep mene ogore aremnogoba higithogo hineluk logou lek hak ari'lago.

YESAYA 40:7

Tuhan nen sogoi aganhan mene funha wagunem he engga puk agik owil-owilengge sawet agik ikherek hak. Eberogo nen he unggulenu ari mene re engga hak werek.

WAHYU 2:4

A'nogo meneat he, omanggum hinendawinggen an noba hundik welagagip andi hak, yogondak a'nogo welagep lek andi nek he, weak hilingiri'lagwi, iluk hinobabut palhi lagi o.

AYUB 10:2

Neisena Allah, Haren an weagerogo nobagau fuk. At he ero yi faget hat ninom weim palek logolik hilinghafi lagi iluk weinamhogo yaganom.

2 RAJA-RAJA 19:7

An Tuhan nen afuni Asyur mene inoe raja andi wene eberogoat mene lek, we, ineranen wene yagasumo esanggo holimbik, at onggwarek aiba lagunemen ebe wasumo wa'lasigin o, iluk igi mene andi, at Hizkia yagasi lano o,” iluk yagaisasikhe.

2 SAMUEL 22:16

At Tuhan nen aselei mene inoba a'mage lagaluk ane pararak etu sambul andi re, i laut yenggelek mene fem a'ma ma'lima mondogat weinam agarek, nen kweang a'ma timuk liabek mene ma'lima hurogo lagarek

2 SAMUEL 21:1

At Daud ebe raja logolik ferinarek were'ma andem he sumburu ouwak mondok elo'lekhogo lagasikhesik tahun henagan inukhogo welagaikhe. A'nogo hilingik were'ma re at Daud en he a'nogo agaikhe mene andi faget Tuhan nen yi'nogo ti'nogo yaganesuageluk kinotikhemo, At Tuhan nen ikhi logolik he, ”Sumburu ouwak lagaikhe andi erore at Saul inom at eisok erokwe mene inom weak hilingitaba o, iren he ap Gibeon mene mondogat inoata andi nen,” iluk yagatikhe.

AMSAL 27:20

Kweangma ap wa'laluk lagaikharek oba andi inom weagerinaferek mene andi inom he oba homo ikherek lek, andi hakhogore afuni inendawimo inamolo anggagarek mene andi ogore yiba iluk huli warek legat.

PENGKHOTBAH 1:8

Mondogat a'nogo hilingiterek mene andoma re inaberali agarek meneat he, afuni nen tindelogo u mene inom he higitsek lek. Nineilenggen kwalogo welagorek oba nen ninoba homotfikherek lek, ninesanggo hologo welagorek oba nen homotninobagaikherek legat.

YEHEZKIEL 21:31

An na'mage endu amulok lagaikherek higit lagali'lago mene andi re hit hinunggulmo kweisalisagain. Hit hinebe re An nen ap inanini mondok weak logolik, ap legerinafarek mene faget mondok milil melalsek inap andoma inenggim hinobagagin.

IMAMAT 19:25

Tahun fuap meneba re, enggen hit elok ninggi logogun o. Hineisena Tuhan he, Anat andi nen, An nen, yi'nogo hilingiti logoino, iluk yagahisigi mene andi higithogo hilingitep halok he, e andoma enggen hokhorogo iti logogin o.

ULANGAN 28:38

Hiren enggen awi hokhorogo folhi logogun oba nen he pulue nen nunggunem we endebengge nek enggen itunem palhi logogun.

AMSAL 11:24

Afuni ekhe inobabut wogisugu mene faget inagaiyek welagaikharek mene andi re, ekhe inomat inenggi werek aga logolik werek, oba nen it ekhe puk hikhi logolik werek mene andi re ebenagaik inenggi lek-lek kwikherek.

YESAYA 5:10

Kweang oba nen enggen ugu palhu mene andoma ambisangma logogin lek, nen anggur yabu leget hokho mene uanhogo 10 hectar oba yago logogin oba nen, we iren enggen ugu re 10 liter enek keralhi logogun. Nen, enggen awi folhu mene re 100 liter meneba nen he anggur enggen we 10 liter enek palhi logogun o,” iluk ikhi laga.

YEREMIA 12:13

An nagainafuri nen he gandum enggen feik foli'lagwi ba nen he enggen he alok-alok agayo enggen pali'lagwi. Iren mondok elo'lekhogo hilingiri'lagwiba nen, iren hilingiri'lagwi mene andoma ambisangma fano ari'lago mene ekhe werek lek. An nen mondogat na'mage inoba fikhi lagimo re iren enggen ugu fanorogo pali'lagwi lek andi o,” iluk ikhe.