HAGAI 1:8 - Allah Wene Fano Wene Hupla Inane

⁸ Yogondak he, tom-tomkwe andoma lagai laluk he, ongge miningisogo An nawi andi wu'ni o. Andiba re, An ogo nagaiyek hagain, nen afuni nen he An fogetnabubaat fogetnafi logogun. Hit hinebeba hilingik welagep mene andoma futfakhikhi logoni o.

HAGAI 1:8 Referans Kwoze

EZRA 3:7

Andi nen he, afuni Israel mene omanogo nen ap o helep oba afe halhigik wusugun mene omanogo inom, e meneba wusugun mene omanogo inom, inenggi onggo wogisikhi logouwogeluk, uang andogotukwa. A'nogo andogotukwasik, hobuk he, yi mene ti mene nunggu mene sumburu inom, anggur amusu inom, e zaitun enggen amusu inom, o Libanon andoma nen e wombi hangge enu cemara onggo oarogo i laut agum kwe nen o Yafo andoma lakfei wesuageluk, o kota Tirus inom, Sidon inom, lakfesukwa. A'nogo hilingitukwa andi re, ap kain Kores o Persia mene inoe raja nen, ”A'nogo hilingi'no,” iluk yagaisasikhemo hilingitukwa andi.

2 TAWARIKH 7:16

O yi re An nen, it afuni nen wene kabogeti logogun oba, iluk wenatirik enogo figimo re, mondogat andi re An nen hilingiti logogin. Mondok-mondok andomaba re An nen fut figik, halogo figik, hilingitu logogin.

HAGAI 2:7

Yi afuni ti afuni inunggulenu lombok welagaikharek mene mondogat he An nen abologet hilik lambik he, it inangge yi mene ti mene werek mene andoma mondogat waluk wesumo re, An nawi wuri'mo oma mondogat he it inangge andoma nen peterek logogin.

1RAJA-RAJA 9:3

mel yagatikhe: ”Haren samban noba yaganeten mene andi, hane An mondogat nesanggo holhiri'mo re, o haren an nawi wuten oba yi re An nonggwarek nobaget hilingitu mondok logogun oba hilingisogo figi o. Andi nen he, An nen o yi serogo logolik, tegelhu mondok logogin o.

KELUARAN 29:43

Andemen An nebe it inunggulenu Israel mene ninom ambi aga logogun, nen An nebe weinam agu mene naselek andi nen he, obalik andem mondogat horek mene hilingfikhi logogin.

HAGAI 2:9

An nawi attak wurik welaga mene andi re we harek hak oba nen, ket wusugun mene andi nek he fano mondok logogin, nen, o andi re An nen hit hinendawinggen serogo logobagaigeluk hilingisogo hinobagagik, hit An nagainafuri hinunggulenu yi mene hinoba hinangge sik-pikhogo hilinghinobagagik, igin o,” iluk An Tuhan Nomame Mondok Hokho mene a'nogo nen nane mondogat igi o, yagatikhe.

YESAYA 66:11

Omalik misik ekhe agaisa eilak ninggerek hakhogo, hit he hinangge nunggu mene sik-pikhogo were'ma ninggi logogun.

YESAYA 60:13

O Libanon ogoi engga enu fano welagarek mene e sin inom, ibin inom, laik inom, omanogore hat hoba ha'luk waga logogun. Andi re o An nawi a'nogo mondok hokho mene wutfembik, fanorogo pugunet foumo re obalik andoma An neisok sebelhuba logogin

YESAYA 60:7

O Kedar en he kambing inom, domba inom andoma hat hoba waluk wesugun, nen domba ai mene o Nebayot en waluk wesugun mene andoma re haren Tuhan obaget hilingitu mene faget logogin. Warogo wogoti logogun mene andi nen he Tuhan endawimo agaiyegabeti logogin. At Tuhan nen he At Awi wurik a'nogo hokhorogo fogerasuageluk hilingisigin.

EZRA 6:4

Nen o andi hobat he yi'nogo wusugun. Helep sap henagan fembik he amboloba re e mene sap misik fuluk wusugun. Nen o wusugun mene andi mondogat he, onggo uang kas kerajaan andi meneba waganogo wusugun.

1RAJA-RAJA 6:1

A'nogo tegelogo fesikhesik, it afuni inunggulenu Israel mene o Mesir herakfuluk wulibi wagaukwasik oba nen tahun 480 huli welagaukwasigen, at Salomo ebe raja agaikhesik 4 tahun ferinarek welagaikhesik, tugi it inenggi wenati lagaukwa higithogo attak wenarik, ekhe it inaneba tugi enu Ziw ikhi lagaukwa mene andiba nineisena Tuhan awi andi wusigiluk attak-attak eroratikhe.

HAGAI 1:7

Andi ero ninggi'nogoba hilinglari'lago iluk futfikhi lageba?

1 TAWARIKH 22:19

Enggere, hiren hineisena Tuhan Allah ba nek, hinendawinggen inom, hinebe inom mondok abirengge At oba nek eberek logolik hilingiti logoino. Peti Tuhan nen Wene warogo wo'ninafikhe mene a'nogo inom, samban uogeluk kabogeti logolik, hilingitu mene yi mene ti mene omanogo inom, o wuri'mo andoma fikhi logogun nen he, Tuhan Awi andi wusugun mene erora'ni,” iluk yagaisasikhe.