HAGAI 1:5 - Allah Wene Fano Wene Hupla Inane

⁵ Hit hinebe hilingik welagep mene andem fut fakhikhi logoni! An Tuhan pogot kweang yi mene ti mene elalhigi mene a'nogo nen nane ikhi lagi yi.

HAGAI 1:5 Referans Kwoze

RATAPAN 3:40

We niren ninebe ninggi'nogo welago iluk hal fakhaluk he, Tuhan Allah pogoroba werek mene a'nogo oba sugulogo waga logogun fano. Niren ninendawimo kwe hutfuluk samban uogen we'ni,

2 KORINTUS 13:5

Hiren he, ”Nit ninendawinggen Kristus oba himbiret fesugu a'nogo himbirigat welago a? Lega,” iluk hinonggwaregen hinobabut furogo palano. A'nogo palikhi logolik, elo'lek hilinglagi'lek halok, ”Yesus Kristus ninendawimo werek,” iluk enegat hogoin o.

HAGAI 1:7

Andi ero ninggi'nogoba hilinglari'lago iluk futfikhi lageba?

LUKAS 15:17

weat logolik obabut hebel lagaikhesik he, eigo! An neisena a'nogo aiba amingmingengge mene eabu hilingitarek mene omanogo inebe hokhorogoat sumburu hokho tindelogo figik nunggu kwelegat he, an yi nek he, sumburu nele nen wa'lasigin yi!

GALATIA 6:4

Hinebe lombok hinonggwaregenat, ”An fano hilingiti lagi a? Weak hilingiti lagi a,” iluk, hinobabut palikhi logolik he, ”Fano hilingiti lagi,” iluk, anggegep halok he, elok fogerakhogoin aro. A'nogo meneat he, nit hilingiti lago mene andi, ninonggwarek ninoba lombogenat ugun andi nen he, ”It ekhe hilingiri'lagwi andi weak. Nen, an hilingiti lagi nek he, esin,” iluk ugun lego.

KELUARAN 9:21

A'nogo meneat he, it ekhe wene inafe hebelasuageluk yagaisasikhe mene andi inendawinggen seramet fuluk, inamingmingengge wam konharek mene inebe inom, wam inom, olokwe waluk kwigi'lek o leimo andoma herakfesukwa.

DANIEL 10:12

A'nogo menlagimo nen aren an noba yaganeti logolik, ”Daniel, hailo agun o. Haren linggene attak mene a'nogoba honggwaregen sebel fakhaluk hendawi wenggelek mene asigin iluk hilingiti logolik samban egen mene a'nogo re Allah mondogat esanggo holhe o. Nen, haren samban egen mene a'nogo onggo re an nebe arat wagi yi o.

DANIEL 6:14

A'nogo yagaisasikhemo, iren he, at raja mel yagatukwa: ”Noe, afuni Yehuda mene inenggi hele warogo woginarek wagaukwa mene omanogo mene ap ekhe enu Daniel a'nogo nen hat hebe endawimo sebelhobagaikhesik he, wene ero haren wulafen mene a'nogo serametfikhesik, o lingge misik sambul he samban enggi altap henagan oba Allah ayonggo fugu mondok werego,” iluk yagatukwa.

YEHEZKIEL 40:4

Ap andi nen an noba yaganeti logolik, ”Afuni wa'lagaikharek mene yi re, fanorogo holin o, nen ekhe mene ekhe mene an nen hat hoba inuk heagain mene andomare furogo fut feino o. Andi faget an nen hat hebe hondok harek yoma wagi o. Ma re haren mondogat hagain mene andoma re it inunggulenu Israel mene inoba yagaisano o,” iluk yaganete.

YEHEZKIEL 18:28

Aren yi weak ti weak hilingiti laga mene omanogo faget an weak hilingiti lagimo higi iluk futfikhesik, weak hilingiti laga mene omanogo herakfisikhemo, at hobuk wa'lasigin lek, meneba nen eluk mondok logogin.

MAZMUR 48:13

Nen o Sion andi haningisogo kwelakfuluk he, o andi masetik, nen maseti logolik he anum-anum waganogo wurogo liabek mene andi ebe miren iluk wenatik, ino.

KELUARAN 7:23

Andi nen at a'nogo wene elalin hilinglagaikhe mene a'nogo ebethigi'lek obakhenene herakfuluk ambotkwe aiba stana kwi lagaikhe.

HAGAI 1:4

”Yago, nagainafuri, hit he hinonggwarek hinaiba mondok hambuk lele warogo omamerogo wurogo welagep mene andoma re hinenggi arat asi wagu kwelegat welagebo, oba nen he An naiba andi nek he o meisalek enek kabok lagakhi logoilep anggikhi lageba?

HAGAI 1:6

Hiren awingge feik hokhorogo folhi lagep, oba nen he enggen ugu re endebengge nek palikhi lagep, hit hinangge nunggu mene higit ninggi lagep, oba nen he hinalabut ning ili'lago lek. Hit hinagai anggur agai higit werek, oba nen he hinoba homot hinobagali'lago lek. Hit hinasu re laberek welagep, oba nen he hinagap oba aganhanet hinobagali'lago lek. Nen, hit ap yabu hilingitu hinap onggo wokhisugunem helikhi lagep mene ogore aremnogoba higithogo hineluk logou lek hak ari'lago.