HAGAI 1:12 - Allah Wene Fano Wene Hupla Inane

¹² A'nogo iluk yagaisasikhemo ap Zerubabel inom, Yosua inom, afuni Israel mene mondogat hele warogo o Babel lakfisasukwama nen sugulogo inambotkwe wagaukwa mene omanogo inomen he at Hagai Tuhan nen ayonggo fesikhesik lakfei wagaikhe mene a'nogo nen yagaisasikhe mene omanogo hologo hilingitukwa. Iren he, Tuhan oba inailo anggasukwasik he, Tuhan nen yi'nogo hilingi'no, ti'nogo hilingi'no iluk yagaisasikhe mene omanogo hologo hilingitukwa.

HAGAI 1:12 Referans Kwoze

YESAYA 50:10

Yago, hit Tuhan legeisogo fikhi lagep mene yoma inom, nen At amingmingengge ane ugunem hologo hilingiti lagep mene inom yoma sani, ebekwe hit logoinkwe hokhorek logolik, hit hinobaget ombak-bak seleget hinafu mene ekhe werek oba nen ogore, hinendawinggen Tuhan oba tibetfuluk hineisena Allah ba himbirik logogun halok he fano o.

HAGAI 1:14

A'nogo Tuhan nen at Gubernur Zerubabel inom Imam Agung Yosua inom, afuni hele warogo lakfisasukwama nen sugulogo inambotkwe wagaukwa mene omanogo inebe mondogaren he Tuhan Omame Mondok Hokho mene it ineisena Allah a'nogo awi wusuageluk inendawimo hilingfesikhe.

EZRA 5:2

A'nogo yagaisugu were'ma re, it ap nabi pire aremnogo nen ugu mene a'nogo holhukwasik he, hun Sealtiel amlogo Zerubabel inom, Yozadak amlogo Yesua inom he, o Tuhan Awi Yerusalem nekhengge fakfesukwasik wutunem it ap nabi pire andem nen leberisikhi lagaukwa.

AMSAL 1:7

Nen ninelu mondok asuageluk halok, attak-attak he, hineisena Tuhan along anggikhi logolik, At oba nek hinailo anggikhi logoino o. Afuni kembu mene re, inendawinggen kagalek mene andi inabit welagik, yagaisugunem inabit mondok welagik agarek andi.

MAZMUR 112:1

It afuni wene melalek futfuluk hilingitik, Tuhan awene melalek inamolorogo hilingitik, hilingitarek mene andoma re inagaiyek hikhi logouwak.

HAGAI 2:2

Tuhan nen Hagai mimingiti logolik he, hun Gubernur Zerubabel inom, Imam Agung Yosua inom, nen afuni we mene andoma inomat inoba yagaisoageluk yi'nogo yagatikhe,

HAGAI 1:1

Hun Darius afuni Persia mene faget raja menlagaikhesik ferinarek werek kwelek tahun pirenek meneba re, tugi falfalik mene tanggal satu ba werek kwelek, Tuhan ane nabi Hagai bene nen yagaisasikhe. Wene hilingisuageluk Tuhan nen isikhe mene andi re hun Sealtiel amlogo Zerubabel afuni Yehuda mene inobaget gubernur welagaikhe mene andi inom, hun Yozadak amlogo Yosua ebe Imam Agung welagaikhe mene andi inomen hilingisuageluk yagaisasikhe.

PENGKHOTBAH 12:13

Andoma mondogat an nen wil-wal hasigisik, wene andi ambisangma lambulogo an nen anggasigi mene re yi: Allah nen afuni elalinafe andi re At oba inailorogo logolik hilingiti logouwageluk elalninafikhe hilingi'mo re, afuni inebe lombogen At awane fano wene pukhogo fisogo logolik hilingiti logogun andi esin o.

IBRANI 12:28

A'nogo abologet hagain meneat he, nit enek he, Allah awe a'ma ninobagaikherek oba abolok igin mondok lek mene wo'nisasikhemo eise agosik welago andi nen he, ”Allah neisena,” iluk hai wati logouwogo. Nen, at Allah ebe re, endu nen yi mene ti mene ninggerek andi hagatma, nit a'nogo weagetninabinogo iluk, at ebe ninailorogo hilingitik, agaukhogo hilingitik, ikhi logolik, at ane hologo endawimo amolo mene hilingiti logolik, fogerati logouwogo.

KISAH PARA RASUL 9:31

A'nogo hilingitukwama hobugen he, it afuni Allah againafuri o propinsi Yudea mene inom, Galilea mene inom, Samaria mene inom, weagerinafi'lek fano liokhogo welagaukwa. Were'ma, Allah Areagun en leberisugunem inendawinggen wurik agik, Tuhan Allah oba inailorogo welagik, ikhi logolik he, inebe hokhorogo sik-pik ikhi lagaukwa.

ULANGAN 31:12

A'nogo enu salhunem, hinebe ap inom, hemi inom, hinagainafuri inom, ap pok hit hinawi kota lombok logogun mene inom, inebe mondogat nineisena Tuhan Allah nen wene, yi'nogo hilingiti logoino, ti'nogo hilingiti logoino, iluk yaganisasikhe wene andi, hinaberali agi'lek ane hologo higithogo hilingiti logolik, Allah agaukhogo fogerati logogun mene andi inelu asuageluk, inebe andogorogo fisaluk inesanggo holek werek kwelek enu salhi logoino o.

KEJADIAN 22:12

”Hat hamlogo ari henggi fakfuluk at oba yi'nogo ti'nogo ekhe hilingitun o,” iluk malaikat en yagatikhe andi ebe re, nineisena Tuhan nen yagati logolik ekhe mel yagatikhe: ”Hat hamlogo ari ebe misik tago hilingi'mo re, hendawirati'legat, An wo'nesigeluk egen andi nen, haren An agaugwetnafendik nane hologo hilingiten andi nen hat hobabut yogondagen an arat nelu aga o,” iluk yagatikhe.

ULANGAN 31:13

A'nogo hilingiti logogun halok, hinenggi welagi'legat, i Yordan palogo wilibimbik, o logogun oba andoma logolik, hit hinagainafuri nen wene nineisena Tuhan Allah nen, yi'nogo hilingiti logoino, ti'nogo hilingiti logoino, iluk yaganisasikhe wene andi inonggot inesanggo holharek lek mene andi inesanggo elok holhik, nineisena Tuhan Allah agaukhogo fogerati logogun mene andi inelu agik, ikhi logogun o,” iluk yagaisasikhe.

EZRA 10:18

It inagagwi inunggulenu endakwe mene woginarek welagaukwa mene a'nogo inenu palek he yi: It ap imam mene inunggulenu lomboget higik ineisok erokwe lombok he: Yosua mene ineisok erokwe lombok agaila'lak inom, Yozadok againafuri: Maaseya, Eliezer, Yarib, Gedelya inom andoma.

YESAYA 1:19

Hiren An nane hologo hilingiti logogun halok he, kweang An nen wokhisasigiba yoma logolik, yi mene ti mene yakfakhaluk fanorogo ninggi logogun.