FILIPI 4:7 - Allah Wene Fano Wene Hupla Inane

⁷ A'nogo yagati logogun halok, Kristus Yesus hinom hundik welagep andi nen, at Allah nen afuni nen fut fagarek lek mene elalinat hinendawinggen hambuget hinapluk he, menenei ebeti lagep mene andi, arenat sebelogo fethinarek logogino.

FILIPI 4:7 Referans Kwoze

YOHANES 14:27

Halok, hit hinendawinggen hambukhogo logouwageluk an nendawinggen hambukhogo welagirek mene wokhisaluk lagain o. Andi re, afuni kweangma mene nen wogisagarek hak wokhisagain lek andi nen he, hinendawinggen fiti logolik hinailo agubo.

YESAYA 26:3

Tuhan, ap endawinggen hambuksek mene andi re Hat hoba endawinggen eberogo anggaluk hilingitunem he Haren at oba endawinggen hambukhogo, ailo legengge logouwageluk wogeti lagen.

2 TESALONIKA 3:16

Ninoe Enupogot ninendawinggen hambuget ninaferek mene a'nogo onggwaregen yi mene ti mene faget hinendawinggen hambuget hinafu mondok logolik he, hinebe mondogat fethinarek logouwago.

KOLOSE 3:15

At Allah nen Kristus ebe misigat mene hinom lambulogo hundik logobagaigeluk hinayonggo fesikhe andi nen, yi mene ti mene faget hilingisuogeluk hinendawimo nen he: ”Kristus nen ninom lambulogo ninobagasikhemo welago,” iluk, wene andiat esinet fikhi logolik he, higithogo hilingiti logoino o. A'nogo hilingiti logolik, Allah ebe hai wati logoino o.

MAZMUR 29:11

We At Tuhan nen enek againafuri inomame wogisigik, it inoba mondok fanorogo hilingfisigik, ikhi logouwak.

GALATIA 5:22

Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,

ROMA 15:13

”Hobuk fano asigin,” iluk ninendawimo ninagaiyek hogorek andi, ero at Allah nenat hilingninaferek. Hit a'nogo hinendawimo agaiyek hokhorogo hikhi logouwageluk Allah Areagun omameba hilinghinabuak. A'nogo hilinghinabuagen he, hinendawinggen at oba himbiret fesigip andiba himbiret fuluk were'ma, aren hinendawimo agaiyek hokhorogo hikhi logouwageluk hilinghinafik, hinendawinggen hambugethinafik, uago.

YOHANES 16:33

ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.

ROMA 8:6

Afuni inobabut inetogat logolik hilingitarek mene oba ebeti logogun halok, wurep oba inebe mondok wa'lasugun andi. Meneat he, Allah Areagun inendawimo kagalhunem hilingitarek mene oba ebeti logogun halok, inendawinggen hambukhogo ineluk mondok logogun andi.

ROMA 5:1

Yogondak he, nit ninendawinggen Allah oba himbiret fesugu andi nen, wene ninoba mene korogo wokhaluk ninom ninambotkwe hunogo ninobagaikhemo, ninoe Enupogot Yesus Kristus nen hilingitikhe andiba Allah ninom lambulogo fano liokhogo welago.

YESAYA 48:18

An nen nawene melalek yagahisigirek mene andoma hiren futfikhi logoumo nen he, fanot hinobagagu mene andi re i firitok igi'lek lagu mondok welagarek andi hak hilinghinobagakhi logou hago, nen haren ambisangma hilingirik lagain kwe andoma re i laut agum aloget figi'lek founalhu-lenggalhu mondok welagarek andi hak logou hagaro.

AYUB 22:21

Andi halok he Ayub a o, hat hoba hambukhogo logoinogen he, At Tuhan hinom fano-fano a'ni o, Nen, haren a'nogo hilingisigin oba re, ambisangma hokhorogo saburogo helagain werego.

YESAYA 48:22

Tuhan ane ikhi logolik he, ”Ap inobabut weak enek hilingiri'lagwi mene andi it inobaget inagap telherek mene ekhe werek lego,” iluk isikhe.

WAHYU 1:4

An Yohanes nen hit o propinsi Asia 7 gereja andogoti lagep mene andoma nerugwi nagaila'lak. Nineisena Allah ebe etok mondok logolik, endam welagaikhe, yogondak weregat, hobuk mondok logogin mene wesigin andi inom, Allah ebe kain welagarek obuluk oba werek kwelek Areagun ebe katoksek mondok iluk 7 nen elokhoma welagaikharek andi inom, at Yesus Kristus obabut humbunhogo logolik Allah abok fakhogo yaganisikherek mene a'nogo inom, inobabut fano a'nogo nen kwelakhinarek logolik fano mene wokhisigik, hinendawinggen hambugethinafik, ikhi logouwago iluk, hai wathinafi. At Yesus ebe wa'lagaikhesi'mo nen eisena Allah nen omalik manggusa taginafarek andi hak, at tak ambotkwe eluget fesikhemo, afuni kaindek inenupogot kweangma mene yoma inebe elo'lek meneat he, at enek he, esin welagarek. A'nogo logoigeluk, niren weak hilingiti lagagu andi nen, ninebe hele warek hangge fetninarek were'ma, aren nit endawitninafikhesik, amep wulagaisogo wa'lagaikhe andiba he-le fikhalninfikhe andi.

LUKAS 1:79

O mummo logolik wa'lasu hak andi ninailo, iluk anggili'lagwi a'nogo o selek hilingisogo fisigik, ninonggothogo were'ma, Kwe yiba lamo hinendawinggen hambuk igin, iluk, yaganisigik, igin o,” iluk, Zakharia nen isikhe.

2 KORINTUS 13:11

Nerugwi, nagaila'lak. Wene wurep kobokhogo ekhe yi yagahisak. Hinendawinggen hinagaiyek anggigik, hinendawinggen katokhogo wurigetfakhigik ikhi logoino. Wene komothinabik wagi andi, hinesanggo fanorogo holino. Hinendawinggen misigat logolik, hinom lambukhogo logoin o. A'nogo hilingiti logogun halok, Allah afuni endawirinafik, inom lambukhogo fanot fisigik, ikherek mene a'nogo nen kwelakhinarek logogin o.

BILANGAN 6:26

Tuhan nen endawirogo logolik, hinendawinggen hambugethinafi logouwago, iluk yagaisikhi logoino,” iluk yagaisoageluk yagatikhe.

LUKAS 2:14

”It pogot abel ponggweba welagaikharek mene nen he, nineisena Allah andiat fogerati logouwogo. Nen, it afuni kweangma yoma inebe Allah oba liok ikherek mene re inendawinggen hambukhogo logouwago,” iluk isukwa.

MAZMUR 85:8

Tuhan nineisena, Haren hendawi hundik hilingninafu welagen mene andi inuk isan o, Hat hoba nen ninagap telogo ninobagakhi lagen mene andiba telninabin o.

FILIPI 4:9

Wene an nen yagahisugunem hinesanggo holhik, an hilingitunem hineilenggen niigik ikhi logolik, wene wanhigipsigen yanggulasigip mene a'nogo higithogoat hilingiti logoino o. A'nogo hilingitunem he, Allah ninendawinggen hambuget ninaferek mene a'nogo nen fethinarek logogino.

AMSAL 6:22

Wene iren yagaheri'lagwi mene andoma re, hat lagain kwe wokharek lagu mene inom, o hubanggo hebe kagalharek werek mene inom, hat nogokhi la'luk heluk agunem yi'nogo hilingisin iluk yagahetu mene inom werek.

YESAYA 26:12

Tuhan nineisena, nit ninaiba fanorogo logouwageluk Harenat hilingninobagakhi logoino o, niren yabu hilingiti lago mene andoma re Harenat nit ninobaget hilingninobagakhi lagen.

AMSAL 4:6

Awenggelek mene andi fanorogo alelhi logoino, a'nogo alelhi logogin oba re awenggelek mene andi nen a'ma fetharek logogin. Hendawi hundik logogin halok aren hat hebe hambukhogo logouwageluk fetharek logogin.

ROMA 1:7

Hinebe At onggwarek faget fakhaluk logouwageluk hinayonggo fesikhemo welagebo. Andi halok, an nen wene lisu palogo hinoba lakfei waga logolik, Nineisena Allah inom, ninoe Enupogot Yesus Kristus inom, emberek inobabut fano a'nogo nen fano mene wokhisigik, hinendawinggen hambugethinafik ikhi logouwago, igi andi.

AMSAL 2:11

Helurek logogin mene andi inom, nen hawenggelek logogin mene andi inomen he, hat hebe a'ma fetharek logogin,

NEHEMIA 8:10

Nineisena TUHAN nen hinendawimo hai hakhoagaluk hilinghinafe mene andi nen hinendawinggen ago wasigin werego. Halok o yogondak he, nineisena onggwarek awi weikhemo welago andi nen he, hinailokwe hinambotkwe lambik, hinendawimo weak welagi'lek, hinagaiyek hikhi logolik, hinamburu ninggik, hinagai ninggik ino o. A'nogo hilingiti logolik, hit hinamburu inom, anggur amusu inom, it afuni ekhe inamburu inom, inagai inom, lek mene andi ekhe sumburogo wogisano aro,” iluk yagaisasukwa.

YEREMIA 33:6

Oba nen he hobugen An nen kota yi inom, afuni werek mene inom inebe halogo fisagain o, andi nen he it inebe nekhengge inomame asugunat. An nen he it inoba inendawinggen serogo welagik, inailo legengge welagik, hilingik logouwageluk sik-pikhogo hilingisogo fisagain.

YESAYA 45:7

An nen mum inom selek inom elalogo fesigi, An nenat enggin- fenggin inoba lakfei wagik, fanoaberinafik igirek, Andoma mondogat he An Tuhan nenat hilingitirek.

IBRANI 13:20

Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.

AYUB 34:29

At Allah nen An nane legengge logogin iluk hilingisigin halok he, ap misigen ogo ekhe ailo legengge nenahalok hane lek welagen iluk u lek hak. Aren elokhe hinakfuluk were'ma re ap misigen iluk ogo ekhe herasu re elo'legaro.

WAHYU 2:17

Wene yagaisigi andi, Allah Areagun en it Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. Sa nen omame asigin mene halok, sumburu enu manna hinago mene melagatik, enu ket mene salogo helep mola meneba lisu palogo wogetik, igin o. Enu palek andi re, it ekhe inonggot. We, at enu lisu palek helagain mene andi nek elu asigin mene wogosigin, iluk mondogat yagaisigi mene andi, lisu palogo inoba lakfeino o,” iluk yaganete.

YUDAS 1:1

An Yudas, Yakobus agot, Yesus Kristus amingmingengge a'nogo nen, hit wene yi lisu palogo hinoba lakfei wagi andi. Nerugwi nagaila'lak. Allah nenat hinayonggo fesikhesik hinebe endawi logolik, hinoe Yesus Kristus inomenat fethinarek mondok werek andi.

FILIPI 1:2

Nineisena Allah, ninoe Enupogot Yesus Kristus emberek inobabut fano a'nogo nen fano mene wokhisigik, hinendawinggen hambugethinafik, ikhi logouwago.

YEREMIA 32:16

Sertifikat kweang onggo palhi mene omanogo mondogat Barukh wogetirik, an nen samban ikhi logolik,

FILIPI 1:1

Hit Allah againafuri Kristus Yesus hinom hundik logolik, o Filipi welagep mene hinebe mondogat inom, fethinarek welagaikharek mene inom, lebethisagarek mene inom, nerugwi nagaila'lak. An Paulus Timotius nemberegen Kristus amingmingengge logolik wene lisu palogo hinoba lak fei wago andi.

FILIPI 4:19

Nen, hit yi mene ti mene hinenggi lek were'ma, an neisena Allah fogeratirek mene Kristus Yesus inom hundik logolik enggi weregen fogeratarek mene a'nogo nen, wokhisugunem hinenggi werek asigin aro.

FILIPI 4:21

Allah againafuri Kristus Yesus hinom hundik welagep mene hinebe lombok mondogat hai wathinafi o. Halok, it ekhe yagaisano. Andi hak, an nerugwi nagaila'lak Allah againafuri ninom welago mene yoma ekhe nen hai wathinafa aro,