FILIPI 4:22 - Allah Wene Fano Wene Hupla Inane

²² It Allah againafuri o yoma welago mene mondogat lambulogo nen hai wathinafa aro. Hai a'nogo wathinafi logolik, ebe esin hangge re it at kain Kaisar inom welagaikharek mene nen hai wathinafa o.

FILIPI 4:22 Referans Kwoze

FILIPI 1:13

An Paulus, Kristus fagerat nenggi hele watama welagi yiba re, it ap at Kaisar Enupogot aiba ninggi'nogo iluk kweba kagalek welagaikharek mene mondogat inom, it afuni ekhe yoma mene mondogat inomen he, enegat fut nobagali'lagwi.

2 KORINTUS 13:13

Ninoe Enupogot Yesus Kristus obabut fano a'nogo nen fanothinafik, nineisena Allah nen endawithinafik, Areagun nen lambukhogo hinobagagik, ikhi logouwago.

ROMA 16:16

Nen, ekhe re, hinebe Allah againafuri welagep andi, hai hinambe saluk wat-wat ilik lano. Allah againafuri Kristus agoromi o yi awi ti awi andogori'lagwi mene nen: ”Hai warinafo,” iluk yaganetama nen yagahisigi aro.

1 PETRUS 5:13

Hinerugwi hinagaila'lak Allah againafuri aren wenaginafikhe mene o Babylon yoma welagaikharek mene nen hai wathinafik, namlogo Markus nen hai wathinafik, aga o.

IBRANI 13:24

Hiren he, it ap hinogogwi hit kwelakhinarek welagaikharek mene mondogat inom, Allah againafuri fena mondogat inom, ”Hai wathinafe,” iluk yagaisano o. Nen, ninerugwi ninagaila'lak o Italia welagaikharek mene nen hai wathinafa aro.

KISAH PARA RASUL 9:13

A'nogo yagatikhemo, at Ananias nen he, ”Noe. Afuni nen he, ap andi nen, hat hagainafuri o Yerusalem mene yi enggin ti enggin hilinginabi'logo, iluk inebe hokhorogoaren ugunem abok nesanggo holhiri'mo nen,

3 YOHANES 1:14

We, an nebe weak-weak wesimbik he, weneane ninelhaba yet-yet ugun o, iluk anggikhi lagi.

MATIUS 5:47

Nen, hinerugwi hinagaila'lak halok enek hai warinafi lagep halok he, hit enek hinobabut a'nogo hilingiti lagep fuk. It afuni endakwe mene inobabut a'nogoat hilingitarek lek nogo? A'nogoat hilingitarego.

KISAH PARA RASUL 20:38

Samban oan igi'lek logolik, at Paulus nen he, ”Hiren an hobuk nelokhonggen hineilenggen neogoin mondok lego,” iluk yagaisasikhe mene a'nogo faget inendawimo ebetukwasik, inendawimo mondok weak agaukwasik he, ebe hai warogo waluk e so a'nogo were'ma lagaukwa.