FILIPI 4:10 - Allah Wene Fano Wene Hupla Inane

¹⁰ Hit attak, an noba ebetigipsigen, hobuk noba eberek welagep meneat he, ninggi'nogo lebetnea heat welagepsigen yogondak lebetneegep andi nen ninoe Enupogot ninom hundik logolik nendawimo nagaiyek hokhorogo anggikhi lagi.

FILIPI 4:10 Referans Kwoze

2 KORINTUS 11:9

An hit ninom logolik uang legen, hiren ekhe wo'nesuageluk kino hinoba weageti lagi'lego. We, a'nogo were'ma, it ap nagaila'lak o Makedonia mene wagaikhasik elogat wo'nesi wagaikha andi nen, yi mene ti mene faget hit hinoba engginet feinogo iluk, anggasigimo re, kino yagahisigi'lek welagagisik hobuk a'nogoat mondok hilingiti logogin o.

GALATIA 6:6

Nen, at ekhe nen fano wene yagahisugunem hit hinesanggo holhi lagep mene nen hinangge fano mene werek halok wogisikhi logoino.

FILIPI 1:3

An he, hundik-handigat hit hinoba mondok eberek logolik, neisena Allah at hai wati lagi.

GALATIA 6:10

Mene re, nit o yogondak fano mene hilingisu elok welago yaba re, afuni ekhe inebe mondogat leberisikhi logoligat he, esin hangge re, ninerugwi ninagaila'lak inendawinggen Kristus oba himbirik werek mene halok fanorogo leberisikhi logouwogo.

2 KORINTUS 6:7

A'nogo logolik, Allah omameba ebe wene yagaisilik nikhi lago. A'nogo yagaisilik nikhi logolik, afuni nen he, ”Sige sikhe ninenggi pire wurat welago,” iluk agarek hak, nit Allah endawimo amolo mene hilingiti lago andi.

MAZMUR 85:6

Haren he mondok-mondok faget wena'nisugu logogin nogo a? Nen ha'mage ninoba fugu mondok logogin a?

FILIPI 1:1

Hit Allah againafuri Kristus Yesus hinom hundik logolik, o Filipi welagep mene hinebe mondogat inom, fethinarek welagaikharek mene inom, lebethisagarek mene inom, nerugwi nagaila'lak. An Paulus Timotius nemberegen Kristus amingmingengge logolik wene lisu palogo hinoba lak fei wago andi.

HOSEA 14:7

It inebe hobuk yi mene ti mene yago mene ilit sabelheresik asimit ekhema-ekhema legeisogo fikherek andi hak hilinglasimbik, inebe fano logogun. A'nogo logolik, inebe e zaitun fano welagarek andi hak welagik, e cemara amben fano andi hangge hilinglagik, ugun.

2 TAWARIKH 31:8

A'nogo fei wagu mene omanogo mondok hokho-pokhorogo waluk wagu aple nen he at raja Hizkia inom, agoromi pegawai omanogo inomen he Tuhan enu legeisogo figik, At againafuri Israel mene a'nogo fogerinafik, isikhe.