FILIPI 3:7 - Allah Wene Fano Wene Hupla Inane

⁷ An attak, a'nogo hilingiti logolik: ”Saburikhi lagi,” iluk anggasigi meneat he, yogondak he, Kristus ebe wanhirik oba nen: ”Attak hilingiti lagagi andi, nong aga lagagimo higi,” iluk futfikhi lagi.

FILIPI 3:7 Referans Kwoze

LUKAS 14:33

Andi hak he, hit ekhe hinagarek yi mene ti mene hebisigi'lek logolik an nagoromi asuogeluk nawe a'ma kugun elo'lego,” iluk yagaisasikhe.

MATIUS 16:26

Ap sa nen yi mene ti mene kweangma mene mondogat eise asigin meneat he, hobuk ebe eluk faget nong asigin halok, aren he, ”An ekhe elok saburogo fakhigi ugun nogo?” Mondok lego. Ebe nong asigin andi obali'mo re, nena mene oba oasigin nogo. Elo'lego.

LUKAS 14:26

”Hit hineisugwi hinagaisawi inom, hinagagwi hinagainafuri inom, hinogogwi hinagoromi inom, hinonggwarek hinebe inom faget enek anggikhi logolik, an nagoromi asuogeluk nombo'ne wesumo re, elo'lego.

AMSAL 13:8

Afuni inebe kain inangge yi mene ti mene hokhorogo werek mene andi re inebe elelerogo inauang wulak fuluk ineluk fano welagaikharek, oba nen ap ineilmo lek mene andi re yi wene ti wene inoba legengge welagaikharek.

KEJADIAN 19:17

A'nogo wulibi lagaukwasik, it malaikat inebe pire aremnogo ekhe nen mel yagaisasikhe: ”Hinebe telobagaigen he, weak-weak lani o. Laga logolik, hineilenggen hinambotkwe yetlasi wagik, o tonggwe horokhogo yoma kamo igik, ugun mondok lego. Hinebe wa'lagep hanogo nen he, o tom oba yatmaat andoma weak-weak heise lani o,” iluk yagaisasikhe.

AYUB 2:4

A'nogo yagatikhemo, at Iblis afuni inendawimo kagalik nikherek mene a'nogo nen he, ”A'nogo egen meneat he, afuni inonggwarek inagap telagarek andi re mondok esin o. Andi nen he, afuni inebe ineluk logouwogeluk halok he, inangge yi mene ti mene re elok herakfisagarego.

LUKAS 16:8

A'nogo hilingitikhe mene andi, at abok oe a'nogo esanggo holhikhesik he, mel isikhe: Egi! Endawinggen mondok kagalek andi nailo e, iluk amingmingengge mene weak hilingiti lagaikhe mene a'nogo fogeratikhe. A'nogo fogeratikhe andi re, it afuni kweangma yoma mene inobabut he, it mene hilingisuogeluk inendawimo mondok kagalek meneat he, it Allah againafuri inendawimo selek hilingisogo fisasikhe mene andi, inobabut he, it hangge lek andi nen he, a'nogo isikhe andi.

AMSAL 23:23

Eberogo wene yagaisagarek mene andi inom, inendawinggen kagalek mene andi inom, komorinafarek mene andi inom, futfuluk hilingitarek mene andi inom, andoma mondogat he onggo hunisuba nen he ebe wanhu aplere onggo mondok hokho.

KEJADIAN 19:26

A'nogo meneat he, at Lot agwe a'nogo eilenggen ambothan hebekhogo yet lasi wagaikhemo re, mayu higit wera'lagaikhesik lo'loh mendek menlagaikhe.

KISAH PARA RASUL 27:38

Ninalabut ninghogo nasugusik he, e so ebe se asuageluk gandum enggen e so elema kwalek welagaikhe mene heiselogo ima pelakfisasukwa.

IBRANI 11:26

”Hobuk Allah nen onggo wo'nesigin mene werego,” iluk anggasikhesik he, ”Yi mene ti mene fano mene afuni o Mesir inenggimo mene yi esin lego,” iluk, herakfisaluk, ”Kristus faget ninebe weak-beakhogo ninobagakhi logogun andiat fano o,” iluk anggasikhe.

PENGKHOTBAH 3:6

At Allah nenat he, o ti sambul longgoikhe mene herakhoak, nen, ti sambul ebe longgouwak, nen, o ti sambul fakfembik logouwak, nen, ti sambul herakfisoak,

MARKUS 10:50

A'nogo yagatukwama re, asu endakwe laberek mene nonggologo lakfisaluk he, uare'ma fesakhogo menlagaikhesik he, Yesus oba wagaikhe.