FILIPI 3:3 - Allah Wene Fano Wene Hupla Inane

³ Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

FILIPI 3:3 Referans Kwoze

KOLOSE 2:11

Hit at hinom a'nogo hundik welagep andi nen, afuni inenggi nen inagap inenggalimo mene palinafarek hak palhinafukwama palek welagep fuk. Lego, we at Kristus nenat hinobabut hinetogat logolik weak hilingiti lagagip mene andi korogo wokhasikhemo, hinagap hinenggalimo mene palek logou hak welagep andi.

ROMA 7:6

Attak he, wene Allah nen komotninafikhe wene a'nogoba hele warek hak welagagu mene, Kristus wa'laga logolik nit ninomat wa'lagagu andiba, Allah nen hele fikhalninafikhemo welago. Yogondak he, Allah amingmingengge logolik, wene aren komotninafikhe wene lisu palek mene nineilenggen enek kwelakhikhi logolik, hilingiti lagagu andi hak he, hilingiti lago lek. We, Allah Areagun en ninobabut ket mene hilingninafu kwelek, hilingiti lago.

ULANGAN 30:6

A'nogo hilinghinabimbik, hit hinebe inom, hiren tagongge mene inom, hinagap hinenggalimo mene palhinabu hak, hinendawinggen tegelogo hinobagaumo, hinendawinggen inom, inobabut inom misik asimbik, nineisena Tuhan Allah hinendawinggen hundik logolik, hinebe hineluk hinaiba andoma logogun o.

GALATIA 5:25

Mene re, yogondak Allah Areagun nenat ninobabut ket mene hilingisogo ninobagaikhemo nineluk logolik, aren yaganisikherek mene andi nek higithogo hilingiti logogun o.

YEREMIA 4:4

Hit An hineisena Tuhan ninom wene wat-wat agagu mene a'nogo pukhogo fisogo logoni o, nen hit afuni Yehuda mene inom Yerusalem mene inom he hinebe An nobaget enogo fakhaluk logoni o. A'nogo hilingiti logogun lek halok he An nanini endu wabunak ninggerek higit hilingi'mo, ap sa nen ogo nagulu mondok elo'lek a'nogo higit hinoba lakfei wesigin o. Mondogat andoma re hiren hina'mageba nek hilingiti logolik weak mondok hilingiti lagep andiba re enggin mene hinoba asi wesigin andi,” iluk ikhe isikhe.

MAZMUR 105:3

Nit ninebe re At mene welago andi nen he ninagaiyegeti logouwok, Afuni mondogat At fogeratarek mene nen inagaiyegeti logouwak.

ULANGAN 10:16

Andi nen he, huli yogondagen, At ane hologo hilingiti'lek hinungguloak helep hangge hilingitubo. We, hinagainafuri ap halok inagap inenggalimo mene palinafi lagep andi hak, hinonggwarek hinendawinggen tegelogo At ane hologo hilingiti logoino o.

EFESUS 6:18

A'nogo mondogat hilingiti logolik he, Allah nen lebethisoageluk samban ikhi logoino. At Areagun hinendawimo logolik hinendawimo kagaligin hagat, hundik-handik samban oba Allah ayonggo figik, kino yagatik, ugu mondogat logoino. A'nogo ikhi logolik he, hinendawimo puk agi'lek, hinobabut hebelek mondok logoino. A'nogo logolik he, Allah againafuri mondogat faget samban Allah ayonggo fikhi logoino aro.

YEREMIA 9:26

Inunggulenu Mesir mene inom, Yahudi mene inom, Edom mene inom, Amon eisok erokwe mene inom, Moab mene inom, it afuni inesi inunggul hogologo palharek mene inom, afuni o leimo esi lekwe welagaikharek mene inom he wene inoba feigiluk waga lagi o,” iluk ikhe.

ROMA 1:9

A'nogo hai wati logolik he, hit faget kamo igi'lek samban ikhoat welagi mene andi, at Allah elu o. An Allah awe a'ma logolik, fano wene At amlogo hilingiti lagaikhe wene andi afuni yagaisilik nikhi lagi andi, nendawinggen oba nen, at Allah faget hilingfisikhi lagi o.

MALEAKHI 1:11

Afuni inunggulenu lombok o kweangma yi awi ti awi welagaikharek mene nen An agaukhogo fogetnafarek andi nen he, iren an fogetnafi logolik, o ekhema-ekhema nen dupa amben fano mene Nenuba nolnetik, wam, yi mene ti mene An nobaget nobagaluk nolnesubaat nolnetik, agarek andi. Andi re, yi afuni ti afuni mondogaren An fogetnafu welagaikharek andi nen o.

YESAYA 45:25

Oba nen he Yakub ombawi mene nek he inagap telinabigin, nen iren An Tuhan foget nafi logogun o, iluk ikhe.

YUDAS 1:20

Menere, nerugwi nagaila'lak. Hinebe nendawi e. Wene Allah onggwaregen wo'nisasikhemo hinendawinggen Yesus Kristus oba eberogoat himbiret fuluk, hinendawinggen wurik hogoat logoino o. A'nogo logolik, Allah Areagun hinendawimo kagalhunem samban ikhi logoino o.

ROMA 15:17

Kristus Yesus nemberek hundik logolik he, Allah faget fano hilingiti lagi o, iluk fogerakhogoin fano.

ROMA 9:6

Allah nen it inoba abok yagaisasikhe mene andi faget, ”Ebe legaga,” iluk igi fuk. It Israel en tagongge mene andi inebe mondogat he Allah againafuri nek asuageluk wenaginafikhe mene fuk.

2 KORINTUS 11:18

It afuni inebe hokhorogo nenat yi mene ti mene kweangma mene faget fogerakhili'lagwi andi, an endebat ekhe fogerakhagain aro.

GALATIA 6:16

An wene komorogo yagahisigi mene yi, higithogo hilingiti logogun mene halok. Allah nen he: ”An nagainafuri Israel mene aro,” iluk, arenat hinendawinggen hambukhogo hinobagagik, hinebe endawithinafik, ikhi logouwago.

FILIPI 1:1

Hit Allah againafuri Kristus Yesus hinom hundik logolik, o Filipi welagep mene hinebe mondogat inom, fethinarek welagaikharek mene inom, lebethisagarek mene inom, nerugwi nagaila'lak. An Paulus Timotius nemberegen Kristus amingmingengge logolik wene lisu palogo hinoba lak fei wago andi.

FILIPI 3:12

Menere, an yogondak ya, nendawinggen mondok wurik agik, ebe fano mene andi arat heligik, igi fuk. Oano. Fano mene andi an heloageluk, Yesus Kristus nen nebe wo'nafikhe andi nen, ebe hela lageluk nomamerogo hilingiti lagi.

FILIPI 3:14

Andi hela lageluk wene misigat mene yi at hilingiti lagi. Andi ebe re, nobabut attak hilingiti lagagi mene herakfisaluk, hobuk ket mene nelokhoma werek mene andi hela lageluk nomamerogo murok laga lagi. Kristus Yesus ninom hundik were'ma, at Allah nen nayonggo fikhi logolik he: ”Fano mene pogoroba mene wokhesigin,” iluk abok yaganetikhemo, ebe hela lageluk, sa eisok werek sa eisok werek fungusek lagaikharek andi hak, nomamerogo murok laga lagi.