FILIPI 3:19 - Allah Wene Fano Wene Hupla Inane

¹⁹ It andi inendawinggen Allahba himbirik logou meneat he, inoba agasabu agunem hilingitarek andi meneba himbirik logolik, inenggali ha meneat he, fano heaba andi fagerat inenggali lek fogerakhili'lagwi andi. A'nogo hilingiti logolik he, inendawimo nen yi namolo ti namolo, wene kweangma mene oba eberi'lagwi andi, wurep oba arat nong asuguno.

FILIPI 3:19 Referans Kwoze

ROMA 16:18

It andi re, ninoe Enupogot Kristus awe a'ma logolik, at faget hilingiri'lagwi fuk. We, inonggwarek inendawimo inamolo mene hilingiri'lagwi o. A'nogo hilingiti logolik, inane fano igik, liokhogo igik, ikhi logolik he, it afuni ekhe inobabut, ”I o,” nek agarek mene andi lalinabi'lagwi andi.

2 PETRUS 2:3

It ap Allah ane yagaisagarek mene halok weinam asugun andi inobabut he, ”Nit enek wo'nisanik,” iluk agarek mene andi nen, hiren onggo wogisoageluk, wene inonggwarek inendawimo nen kagalogo ineranenat yagahisikhi logogun andi. A'nogo meneat he, it inobabut hilingiti logogun andiba, at Allah nen he, ”It andi wene inoba fembik inebe weagerinabigin,” iluk attagat endawimo tulemat anggasikhe fuk. Aninurogo welagi'lek weagerinabigin mene werego.

KOLOSE 3:2

Hinebe wa'lagagipsik he hobuk Kristus hinomat hineluk logogun mene Allah nen oan sele'mat figi'lek hinago werek andi nen, hinendawimo re, yi mene ti mene kweangma mene oba ebeti'lek logolik he, pogoroba mene faget enek, oba ebeti logoino o.

2 PETRUS 2:1

Attagat andoma re, ap ekhe it Allah ane yagaisikhi lagaukwa mene inebe higit we'luk ineranen wene ikhi lagaukwa mene, Allah againafuri inanggelekwe menlarik wagaukwa. Andi higit he, hobuk ap ebe wene yagaisagarek mene hangge wesimbik, ineranen ikhi logogun mene hinanggelekwe ekhe weinam arik wesugun aro. Weinam asimbik he, wene afuni inebe weagerinafarek wene yagahisa kwi wesugun. Kwi wesimbik he, ninoe Enupogoren it ninomat telninabigeluk ninonggo palhikhe meneat he, iren he, ”Athe, nit ninoe lego. Ninonggot,” iluk labelhi logogun andi. Labelumo re, inonggwaregen wene weak-weagat inoba fakhaluk weak akhogoin o.

2 KORINTUS 11:15

At Iblis amingmingengge logolik, at faget hilingitarek meneat he, at Allah amingmingengge logolik higithogo hilingitarek mene hak hilingisogo weri'lagwi andi inobabut inetok mene aro. A'nogo hilingitarek andi nen, o wurep oba, Allah nen onggo iren yi wene ti wene faget hilingitarek higithogoat hilinginabigin o.

2 KORINTUS 11:12

It ekhe Kristus nen inayonggo fuluk lakfisa wagaikhe mene hangge wagaikhasik hilingiri'lagwi mene andi nen he: ”Nit Paulus ninom higiro,” iluk ikhi logolik fogerakhili'lagwi mene andi, inane lek asuageluk an yogondak hilingiti lagi mene yi re, hilingito mondok logogino.

HOSEA 4:7

Hit hinebe hokhorogo sik-pik ikhi logolik, An nelokhoma weak hokhorogoat hilingirik laga lagep. Yago, hit imam hinap yoma sani! Ariginhi lagep andiba re, hit hinebe hilingik welagep mene andi re An nen agamesigin. Hit he legeisogo hinobagakhi logogun lek oba nen weaget hinobagakhi logogun.

2 PETRUS 2:13

Iren it ekhe weak hilinginafi logogun andiba, Allah nen onggo weak hilinginabigin andi. It he, inendawinggen sebelhi'lek linggeneat weak hilingisu inamolo nen hilingiti logogun andi. Su fano werek kwelek he, muli mene oba labulagik, eil fano agik, ikherek andi hak, hit seni isago nunggunem, it andi inendawinggen sebelhi'lek, yi mene ti mene inendawinggen en nunggunem yi weak ti weak hilingiti logoligat, hinoba kwi we'luk, hinom misi'mo ninggi logogun andi.

GALATIA 6:13

It andi wene Allah nen komotninafikhe wene a'nogo fanorogo hologo welagi'legat he, inonggwarek inagap inenggalimo mene palikhi logolik, ”Hit a'nogoat ekhe palani o,” iluk, inonggwaregen fogerakhikhi logouwogeluk ili'lagwi andi.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.

1 KORINTUS 3:3

Hit-hirat pou igik, wene palhik, ikhi lagep halok he, hinobabut he, afuni inobaburat welagebo. Afuni inobabut inetogat logolik hilingitarek hak hilingiti lagep andi nen yagahisigi o.

MAZMUR 17:14

It afuni o kweangma yoma inangge kabogetu mondok logolik werek mene andoma inoba nen fikhalogo nobagakhi logoino. Enggin fenggin it afuni andi inoba fisugu mene iluk Haren foukhogo fisegen mene a'nogoba it unggum wogisikhi logoino o. Nen, it inagainafuri inom, inombawi iren taginabugun mene inom ogo a'nogo nek unggum inoba fikhi logoino aro.

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.

YUDAS 1:16

It andi afuni inabok weak palhik, wenagisigik, ugu mondogat welagaikharek mene. Yi mene ti mene inendawinggen en nunggunem, ”Namolo.” anggikhi logolik he, andi meneat hilingitik, inonggwaregen fogerakhikhi logolik, yi mene ti mene saburogo heluogeluk, it ekhe inane agaukhogo fogerinafik, agarek mene.

2 TIMOTIUS 3:4

inebe misigat mene it ekhe nen inoasuageluk yonggo lagik, inobabut al hatokhogo hilingitik, inonggwarek agaugwerakhigik, Allah ebe inendawirati'lek, afuni inendawimo inagaiyekhogo hilingitarek andi meneat inamolo welagik,

FILIPI 2:21

At a'nogo werek kwelek it afuni andi inebe mondogaren he, Yesus Kristus faget hilingiti'lek logolik, inonggwarek faget enek esinet fuluk herakhili'lagwi.

1 KORINTUS 5:6

Afuni nen inane lagakhogo ikhi logolik, ”Enggen sumburu roti mene fisuageluk elonggoma pelafarek mene endebat elonggoma pelabumo nen, roti ebe mondogat fiterego,” iluk agarek a'nogo hinonggot nogo? Hinelu logolik fogerakhikhi lagep andi fano fuk. Weago.

1 KORINTUS 5:2

A'nogo hilingitu kwelegat he, hit fogerakhikhi lagep andi ri! Hit hilingisugun he, hinendawimo weak a'luk, ap weak hilingite mene andi, wulakfisa mene hinom lambukhogo welagep andi.

MALEAKHI 1:12

A'nogo meneat he, hiren he, Nineisena Tuhan faget wam, yi mene ti mene noletarek oba yi weak. Ma re, yi mene ti mene weak mene yugunat fisogoin aro, iluk anggikhi lagep andiba nenu weagerogo fikhi lagebo.

WAHYU 19:20

A'nogo were'ma, at ekhe attagat wagaikhesik, ”An Allah ane yagahisikhi lagi,” iluk eranenat mene olomene hangge a'nogo eilhanem elalin mene hilingiti lagaikhe a'nogo nen, lalinafunem eberogoat hangge, it afuni ekhe nen he, ”Nit at mene olomene hokho mene a'nogo agoromi,” iluk enegengge inoba wanhik, mene olomene hokho a'nogo ebe ilirengge hilingik a'nogoba inendawinggen himbiret figik, ikhi lagaikha meneat he, yogondak mene olomene a'nogo ebe inom, eranenat lalinafi laga mene a'nogo inom, emberek fakfisaluk, hele warogo i laut endu mene yenggele'ma hendali al hangge amben weak mene enu belerang inom amulok palfigi''lek nunggu mondok welagare'ma andoma inebe inelugengge pelakfisikhemo were'ma yerisigi.

YAKOBUS 4:16

hinonggwaregen fogerakhigik, agaugwerakhigik, ilik nikhi lagep andi ri! A'nogo fogerakhikhi lagep andi re, wesa aro.

2 TESALONIKA 2:8

at obabut mondok weak mene a'nogo weinamhogo wesigin. Wesimbik he, weak hilingitu were'ma, ninoe Enupogot Yesus fogeratu kwelek hobuk waga logolik eleage nen furogo ebe warogo mondok leget fisagain.

LUKAS 18:4

A'nogo yagasi wagunem he, ap kain a'nogo nen attak ane holhi'lek abiret fikhi lagaikhe meneat he, hobuk endawimo ebeti logolik he, an nobabut he, Allah nailo legat logolik, afuni agaukhogo nendawirinafirek lek meneat he,

LUKAS 16:19

A'nogo yagaisasikhesik he, hobuk at Yesus nen wene ekhe mel yagaisasikhe: ”Ap ekhe kain angge mondok hokhorogo logolik he, asu onggo hokho fano mene nek laberaluk, yi mene ti mene fano mene anggele'ma heakhogo logolik, hundik-handik endawimo agaiyekhogo nek welagaikhe.

LUKAS 12:19

A'nogo fakhambik werek kwelek he, nonggwaregen komorikhi logolik, Yogo. Mo lagagik, pigik, ugu kwelek yi tahun ti tahun faget nagarek hokhorogo higithogo fakhigiri'mo fano. Yogondak set walogo logolik, sumburu ninggik, enggen amusu ninggik, ninggi logolik he, nendwimo nagaiyek hikhi logogin o, iluk, nonggwarek komorikhi logogin, iluk anggikhi lagaikhemo,

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

MATIUS 16:23

Komotikhemo, at Yesus elokhe hebekhogo Petrus kwelakhasikhesik he mel yagatikhe: ”Hat he, Iblis higi. Allah endawimo anggikherek higithogo ebeti'lek, we afuni nen anggagarek hak higithogo ebetfuluk nanggwe palhi lagen yi, nelokhoma yoma logogin lego. Hela lan o,” iluk yagatikhe.

MIKHA 3:11

Hit ap o kota ba hinebe kaindek logolik hinalonghogo welagep mene nen ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, hilingiti lagep andi. Nen, hit ap nabi nen ogore, Allah nen yi'nogo hilingisugun iluk ikherek mene yagaisouwogeluk he uang wokhisugu halok enek he inawene palhik, nen hit ap imam en ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, ikhi lagep andi. A'nogo hilingiti logolik, hit mondogaren he, ”Nit nineisena Tuhan ninom hundik welago, nen At ebe nit ninanggele'ma were'ma re, nit ninoba wene weak mene ekhe aga logogin lego,” iluk anggikhi lagep andi.

MIKHA 3:5

Afuni an nunggulenu mene ap nabi heaba lalinafi logolik he, it ekhe nen ambi uang wogisagarek mene inoba re, ”Hobuk fanorogo logogun,” iluk yagaisigik, nen it ekhe wogisugu lek mene omanogo inoba re inendawimo seramet fisaluk he inom weim palek hak welagik, hilingiri'lagwi andi. Nen it ap inebe nabi heaba logolik a'nogo hilingitarek inap andoma faget Tuhan nen ikhi logolik he,

YEHEZKIEL 34:3

Domba ebe eilak amusu re hiren nunggu welagik, nen esi re hiren hinasu kwakhugu welagik, nen domba asei werek mene re hiren warogo ninggik, ikhi logoligenat he, hiren he hinanggo domba andoma fanorogo halinafi lagep lek andi.

MAZMUR 52:1

Afuni nen wuni wulak fuluk inebe seberogo ugunem yanggulinafu mene faget, at Daud en yanggulinafikhe awuni.

WAHYU 18:7

At he andi onggwaregen ikhi logolik: An nebe kain logolik, afuni nawe a'ma fisaluk ferinarek logolik he, sogwe nobagagama nen nendawimo weak a'luk le aga logogin nogo? Lego, iluk yi mene ti mene oba peterogo logolik onggwaregen hokhorogo fogerakhugu mondok werek andi hagat, heinet hokhorogo wati logolik, endawimo weak a'luk le aga logouwageluk unggum wogo'no o.

ROMA 6:21

Mene re, a'nogo hilingiti lagagip andi faget, nena mene helasigip nogo. Attak hilingiti lagagip mene andi faget, yogondak hinenggali ari'logo andi. A'nogo hilingiti logolik were'ma re wurep oba re, inebe mondok wa'lagaikharek andi aro.

YEHEZKIEL 13:19

Hiren gandum ombo miren mene hakhogo inom nen roti kurik mene inom helouwogeluk, An nagainafuri inelokhoma nenu mondok weagerogo fikhi lagep. Afuni weak hilingitarek lek mene re hiren inoati logolik, weak hilingitarek mene unggum inoba fou mene omanogo re hiren ineluk fisikhi lagep. A'nogo hilingiti logolik hiren An nagainafuri lalinafi lagepma re iren hit hinoba eberogo anggili'lagwi andi o,” iluk ikhe yagaisano, isikhe.

1 SAMUEL 2:29

A'nogo meneat he, An nen he, wam a'nogo warogo nolneti logogun, iluk yagahisasigi higithogoat nagainafuri nen wam warogo nolnetarek mene andi ebe lombok nolnetunem, hagainafuri nen inalabut faget, fano mondok mene ari nit wo'nisani iluk ugu kwelek, haren, inoba lombok, iluk herakfisikhi lagen andi nenahalok? Eli, hat hobabut he, nailo e. An endebat hangge agaugwetnafi logolik, hagainafuri nek he, hokhorogo agaugwerinafi lagen andi ri!

YEREMIA 44:17

Niren wene wato mene andoma re ekhe inom hilingiti logogun aro. Niren he ninagaisa Ratu Surga andi obaget wam warogo figik, nen o kota Yehuda ba oma nen inom, o Yerusalem kwe bene omanogo nen inom, nit ninombawi nen ogo, raja-raja lagen ogo, ap pemerintah ba yabu legoma hilingitarek inaben ogo, nit ninonggwaregen ogo ninetokhogo ninagaisa andiba anggur agai hilingisogo obaget fikhi lagagu hagat, hilingiti logogun o. A'nogo hilingiti lagagu sambul andem he, nit he yi mene ti mene ninenggim sikhogo nek logolik ninamburu werekhogo nek mondok welagagu, nen niren enggen mene ekhe hikhi lagagu lek.

2 TESALONIKA 1:9

It a'nogo wene inoba fuluk he, ninoe Enupogot omame hokho mene andi nen fogeratu mondok welagaikhare'ma eilhanem andoma nenat wea'ma andoma mondogat logouwageluk lak fisagaino.

YUDAS 1:10

A'nogo meneat he, it afuni andi yi wene ti wene inonggot logoligat he, abok weak pali'lagwi andi. A'nogo palhi logolik, wam endawinggen lek mene nen hilingiterek andi hak, inabisak inelu a'luk hilingi-ri'lagwi andiba inobabut oba inebe weaget fakhili'lagwi andi.