FILIPI 3:17 - Allah Wene Fano Wene Hupla Inane

¹⁷ Nerugwi nagaila'lak. Hit hinobabut an hilingiti lagi hak, nobabut waganogo, a'nogoat hilingiti logolik, it afuni ekhe nen nit ninobabut waganogo hilingiri'lagwi mene andi, hineilenggen fut fisikhi logoino.

FILIPI 3:17 Referans Kwoze

FILIPI 4:9

Wene an nen yagahisugunem hinesanggo holhik, an hilingitunem hineilenggen niigik ikhi logolik, wene wanhigipsigen yanggulasigip mene a'nogo higithogoat hilingiti logoino o. A'nogo hilingitunem he, Allah ninendawinggen hambuget ninaferek mene a'nogo nen fethinarek logogino.

1 KORINTUS 4:16

Andi nenat, ”An nobabut wanini o,” iluk nane ninghogo komothinafi lagi o.

1 PETRUS 5:3

Allah againafuri kwelaginarek logouwageluk sumburogo wokhisasikhe andi kwelaginarek logolik, hinebe kain hak logolik, set kwil-kwalhogo hilinginafi logogup. We, hit fano hilingitunem ineilenggen hisaluk hinobabut waganogo hilingiti logouwageluk, fano hilingiti logoino.

2 TESALONIKA 3:9

Niren hit hinoba kino yagahisa higit meneat he, hiren nit ninobabut wanubagaigen iluk, kino igi'lek ninonggwaregen a'nogo hilingiti lagagu andi.

IBRANI 13:7

Hinogogwi attak kwelakhinarek welagaukwa mene nen, Allah ane yagahisasukwa mene andi, inoba eberek logoino o. It inendawinggen Allah oba himbiret fuluk, inebe ineluk logolik inom, wa'lasuogeluk inom, hilingiti lagaukwa mene andi futfuluk, hit it inobabut waganogo hinendawinggen Allah oba himbiret fikhi logoino o.

1 TIMOTIUS 4:12

Hat hebe souge welagen andi nen, it afuni ekhe nen inendawimo sebelhobagagun lego. Hebe sougweat logolik, afuni ekhe inendawinggen Allah oba himbirik werek mene nen hat hobabut wanuageluk hane higithogo yagaisigik, hobabut higithogo hilingitik, afuni hendawirinafik, hendawinggen Kristus oba himbirik welagik, weak hilingiti'lek heil lomborogo welagik, ikhi logoino.

2 TESALONIKA 3:7

Nit he, hit ninom logolik ninenggi weat welagi'lek, ninaberali weak ekhe hilingiti'lek ikhi lagagu a'nogo, hiren nit ninobabut waganogo hilingisugun andi re hinonggwarek hinelu o.

1 KORINTUS 10:32

Afuni Allah againafuri mene inom, nen, it Yahudi mene inom, Yunani mene inom inendawinggen Yesus oba himbiret figi'lek mene inom, weak asinogo iluk hinobabut higithogo hilingiti logoino o.

2 TESALONIKA 3:14

Wene lisu palogo hinoba lakfei wago mene andi, it ekhe nen inesanggo hologo hilingisu inabit mene andi, inenggali asuageluk it inobabut a'nogo hilingiri'lagwi mene andi futfuluk he, hinom hunetfuluk logogubo.

1 TESALONIKA 1:6

Hit yi enggin ti enggin hilinghinafu kwelegat he, hinagaiyek anggikhi logouwageluk Allah Areagun en hinendawimo kagalhikhemo, hinagaiyek anggikhi logolik fano wene wanhigipsik he, nit ninobabut wanhik, ninoe Enupogot obabut wanhik isigip andi o.

ROMA 16:17

Nerugwi nagaila'lak. Hinendawimo kagalogo re, wene ekhe yi nane ninghogo yagahisago. It afuni ekhe hobuk we'luk, wene attak yagahisasukwama wanhigip mene herakfisoageluk he, hinebe minggilogo hinobagagik, hinendawimo weagethinafik, ugu halok he, hinebe hebelogo logolik, inane hinesanggo holhi'lek, herakfisaluk agaiseti logoino.

MAZMUR 37:37

It afuni inobabut enago lioksek mene andi, hobuk inebe ineluk logolik fano logogun andi nen he, afuni inobabut weak hilingiti'lek higithogo nek hilingitarek mene andi re, hineil woginafi logoino o.

1 KORINTUS 11:1

An Kristus obabut waganogo hilingiti lagi hak, hiren he, an nobabut waganogo hilingiti logoino o.