FILIPI 2:21 - Allah Wene Fano Wene Hupla Inane

²¹ At a'nogo werek kwelek it afuni andi inebe mondogaren he, Yesus Kristus faget hilingiti'lek logolik, inonggwarek faget enek esinet fuluk herakhili'lagwi.

FILIPI 2:21 Referans Kwoze

1 KORINTUS 10:24

Yi mene ti mene hinonggwarek faget esinet fikhi logogup. Athe, it afuni ekhe faget esinet fikhi logoino.

MATIUS 16:24

A'nogo yagatikhesik he, at agoromi ane wanhi lagaukwa mene omanogo ekhe mel yagaisasikhe: ”Ap sa nen an nombo'ne nikhi logoigeluk halok he, obabut onggwarek faget endawinggen tulem logolik hilingiterek mene andi, Nabit, iluk herakfisaluk, e nunggulik oba menfisaluk inoatarek mene andi meneat waluk nombo'ne nikhi logoigeluk wesuago.”

FILIPI 2:4

A'nogo anggikhi logolik he, hinebe mondok hinonggwarek faget enek oba ebeti logogup. It afuni ekhe faget inomat inoba ebeti logoino o.

2 TIMOTIUS 3:2

Afuni inendawinggen tulem he, inonggwarek inebe faget inom, uang faget inom, esinet figik, inonggwaregen fogerakhigik, sewirakhigik, inane puk weak wenagisigik, ineisugwi inagaisawi inane holhi'lek herakfisigik, hai warinafi'lek inobabut lagi-lagorek hilingitik, Allah faget hilingiti'lek inabit welagik,

1 KORINTUS 10:33

Hit hinobabut he, an hilingitirek hak hilingiti logoino o. An he, yi mene ti mene hilingiti logolik he, nonggwarek fanorakhageluk hilingitirek lek. We, afuni inebe hokhorogoat faget fano hilingitunem Allah nen telinabuageluk hilingiti lagi o.

1 KORINTUS 13:5

A'nogo logolik he, inenggali lek hilingitik, yi mene ti mene inonggwarek faget esinet figik, ina'mage horoksek welagik, it ekhe nen weak hilinginafunem he, wene ambumet fuluk welagik, agarek lek.

LUKAS 14:26

”Hit hineisugwi hinagaisawi inom, hinagagwi hinagainafuri inom, hinogogwi hinagoromi inom, hinonggwarek hinebe inom faget enek anggikhi logolik, an nagoromi asuogeluk nombo'ne wesumo re, elo'lego.

YESAYA 56:11

It inebe re, mene hugurue mene nen inoba homot fisikherek lek a'nogo hak werek. Ap inogogwi ferinarek welagaikharek mene andoma re fut fili'lagwi lek. It inebe lombogen he inendawimo anggili'lagwi mene omanogo faget enek hilingiti logolik, ambisangma helogoin mene faget heratu welagaikharek.

2 KORINTUS 1:5

At Kristus yi enggin ti enggin hasikhesik hobuk ekhe inom hokhorogoat hasikhe andi hak, nit a'nogoat hikhi lago aro. A'nogo hugunem at Kristus nen nit ninendawimo fano asuageluk hobugalep ninendawinggen sebelhu mondok welagarego.

2 TIMOTIUS 4:16

Afuni nen wene noba fesukwasik, nanema omanggum wanhunem, an nen he, ”An noba le'ma aro,” iluk wene noba korugunem, it mondogat an nera'lu ekhe welagi'legat heraknobagaluk wulifa andi faget, Allah nen wene inoba figi'lek logouwageluk samban ikhi lagi.

KISAH PARA RASUL 15:38

A'nogo ugunem, at Paulus nen he, ”Lego. Nit Allah faget ninom hilingirik louwogeluk lagosigen, o Pamfilia nen ambotkwe sugulogo waga a'nogo re, hobuk waluk logoin lego,” iluk yagatikhe.

KISAH PARA RASUL 13:13

At Paulus lak o Pafos andoma nen he, i soba o propinsi enu Pamfilia kota enu Perga andoma wagaukwa. Wagaukwasik he, at enu Yohanes igik, Markus igik agarek mene a'nogo nen, it andoma herakfisaluk he, hobuk ambotkwe o Yerusalem lagaikhe.

MALEAKHI 1:10

Tuhan Omame Mondok Hokho mene a'nogo nen ikhi logolik, ”Hiren wam yi mene ti mene warogo nolneti lagep oba endu tulemat ibilogo kwelafi lagep andi nen he, a'nogo hilingitu welagep hanogoluk, hit ekhe nen An naiba andoma kwe yagatfoumo re! Hit hinebe nabirat, nen an nobaget fikhi lagep mene andi helugu aplere nabit nabi'lago.

2 TIMOTIUS 1:15

It afuni o propinsi Asia yi awi ti awi mene omanogo inebe mondogat an heraknobagaluk pugulogo wulifi logolik, at Figelus inom, Hermogenes inom, inomat pugulha andi hat heluat welagen o.

2 RAJA-RAJA 12:6

Oba nen he at Yoas ebe raja menlagaikhesik melalinafu werek kwelek enek he 23 tahun hilingitikheba nen, it imam omanogo nen o Tuhan awi a'nogo ebene weak agu mene re fanorogo halhigi'legat hilingiti lagaukwa.