FILIPI 2:17 - Allah Wene Fano Wene Hupla Inane

¹⁷ Mene re, afuni nen wam domba Allah faget fisaluk, warogo endu nolesuogeluk, amboloba enggen amusu pelafarek hak, hit hinendawinggen Allah oba himbiret fuluk wogetunem, amboloba afuni nen an nebe warogo namep pelafa halok, an nendawimo nagaiyek anggugunem hit mondogat hinendawimo hinagaiyek anggogoin aro.

FILIPI 2:17 Referans Kwoze

2 TIMOTIUS 4:6

Afuni nen an nebe Allah faget namep wulagaisogo noasugun oba arat horogasi waga o. A'nogo noasumo, an nebe neisena oba lagain higirat agama welagi o.

ROMA 15:16

An nebe at Kristus Yesus awe a'ma logolik afuni endakwe mene woginabuageluk nayonggo fesikhemo, at Allah endawimo fanorogo Areagun andiba it inebe Allah awe a'ma inobagauwageluk, at ane fano wene andi yagaisilik nikhi lagi o.

2 KORINTUS 12:15

Andi hagat he, hit hinendawinggen faget an nagarek yi mene ti mene hinobagagik, nebe inom hinobagagik, nendawinggen oba nen nendawimo nagaiyek anggikhi logolik iginat welagio iti. An hit hinebe nendawinggen tulem werek kwelegat he, hit enek he, an nebe hinabit logogun nogo?

KOLOSE 1:24

An yogondak ya re, at Kristus nen he: ”Allah againafuri mondogat an nebe aro,” iluk nit faget yi enggin ti enggin hilik-hilik wa'lagaikhe andi, ekhe higi'lek mene obali'mo an nebe hit faget yi enggin ti enggin hilingnabi'lagwi andi nen nendawimo nagaiyegeti lagi.

FILIPI 1:20

An nendawimo nen he, wene Kristus faget ure nenggali agi'lek yagaisikhi logogin namolo. Halok, nenggali agi'lek yagaisikhi logogino, iluk, futfuluk nendawimo fano welagi. Hundik-handik fakhogoat yagaisigirek hak, yogondak a'nogoat yagaisagelugat welagi o. Nebe neluk logoumo fanoat. Nen, wa'lasumo fanoat. An a'nogo hilingnafu kwelek, nebe abirengge Kristus faget hilingiti lagi andiba re, afuni nen Kristus fogerasuagelugat welagi o.

2 KORINTUS 7:4

An nendawimo nen, hit fano hilingisugun, iluk nendawinggen hambukhogo logolik agaugwethinafu mondok welagirego. A'nogo logolik, it afuni ekhe nen weagetninabuogeluk yi enggin ti enggin hilingninafu kwelegat he, an nendawinggen mondok fano agik, hokhorogoat nagaiyek agik, ikhi lagio.

1 YOHANES 3:16

At Kristus nen tak nit endawitninafikhesik, ebe nit faget wa'lagaikhe andi nen, niren it afuni ekhe inendawirinafarek wene andi futfogosik, at hilingitikhe andi hak, nit ninerugwi ninagaila'lak inebe ninendawi nen, ninebe it faget wa'lasugun fano aro.

ROMA 12:1

Nerugwi nagaila'lak. At Allah ninebe endawi iluk wene ekhe hinendawimo wenggel fuluk, Allah anggo wareti lagaukwa hak, hinebe hineluk meneat, at onggwarek faget fisaluk, at endawimo fanorogo wogeti logoino o. At awe a'ma logolik he, at faget hilingisugun mene a'nogoat hilingiti logoino o.

1 PETRUS 2:5

A'nogo fesikhemo, hit hinebe helep eluk welagarek andi mene hangge logolik, at oba we'nio. At oba wagunem, Allah nen he, at onggwarek awi wurogo hinobagauwak. At awi wuri'mo, hinebe Allah eiseweregat Yesus Kristus hinom hundik logolik, Allah endawimo fanorogo anggo wareti logou hak, hinendawinggen wogeti logoino o.

1 TESALONIKA 2:8

Niren hit hinebe ninendawirogo welago andi nen, Allah ane andi nek sumbuthisasugu fuk. Lego. We, hinebe ninendawi mondogen, ninendawimo ninagaiyek anggikhi logolik, ninebe inomat wokhisasugu.

FILIPI 4:18

Yogondak he, hit lebetneegepma, heligirik, an mondogat namolo anggikhi lagi mene higit agasik fena tindu ikhe aro. Ap Epafroditus oba fegepma wo'nesi wagama nen, nenggi werek aga. Hiren an lebetneegep andi re, wam Allah faget warogo endu noleti logolik amben fano mene liak etunem, at endawimo fano agarek hak, a'nogo lebetneegepma, at Allah endawimo fano aga o.

KISAH PARA RASUL 21:13

Yagatunem, aren he, ”Hit le aga logolik, nendawinggen engginet fikhi lagep andi nenahalok? Ninoe Tuhan Yesus faget he, o Yerusalem andoma nen nenggi hele nek wasugun anggikhi lageba? Lego. Nenggi hele watik, nebe noatik, umo fano aro. A'nogo hilingnabugun elogat anggikhi lagi,” iluk yagaisasikhe.

KISAH PARA RASUL 20:24

A'nogo meneat he, an nebe neluk logogin andiat esin iluk andi mene esinet fikhi lagi lek, we Tuhan Yesus nen nayonggo fikhi logolik, aren he, Allah obabut fano nen hilinginaferek wene fano wene andiat yagaisilik lano o, iluk nayonggo fesikhe andiat wurep oba kobokhogo hilingisigeluk esinet fikhi lagi o.

BILANGAN 28:6

Andire inetokhogo hilingiti logogun mene, attak-attak Tom Sinaiba nen warogo noletikhe mene re andi. Amben nen he, Tuhan endawimo agaiyeget fesikhe.

BILANGAN 28:7

Domba eak andi inom mangorogo re anggur agai satu liter inom mezbah ambolebene kweisal filik laluk wogeti logogun.

2 KORINTUS 6:10

Ninendawinggen weak logoligat he, ninagaiyek hikhi logolik welago. Yi mene ti mene ninenggim lek meneat he, afuni hokhorogoat ebe mene ineilmo werek asuageluk hilingfisikhi lago. Ninagarek mondok lek meneat he, ebe mene mondogat eise agosik welago.

FILIPI 2:18

A'nogoat, hit hinendawimo hinagaiyek anggugunem, an nendawimo nagaiyek anggagain aro.

2 KORINTUS 4:12

Afuni nen nit wa'lasuageluk hilingninabi'lagwi menere Allah nen hit hinebe hineluget hinabi'logo andi.