FILIPI 1:30 - Allah Wene Fano Wene Hupla Inane

³⁰ At attak he, weim yafi logolik ninghogo yafarek hak, fano wene faget ninghogo hilingitunem hineilenggen neasigibat. Nen, yogondak nabok holhi lagebat. Andi mene, hit ninom lambulogo hilingiti lagoat andi.

FILIPI 1:30 Referans Kwoze

1 TESALONIKA 2:2

Hit hinoba oan wagi'lek o Filipi andoma were'ma, afuni andoma mene nen inendawinggen weaget fisigik, yi enggin ti enggin hilingninafik, ikhi lagaukwa. A'nogo meneat he, nineisena Allah nen awene fano wene a'nogo ninailo legengge yagahisa wesuageluk hilingninafikhemo wagagusik yagahisikho were'ma afuni hokhorogoaren: ”Wene andi ninabit,” iluk, ugu kwelegat ninomamerogo yagahisikhi lagagu a'nogo hineluaro.

2 TIMOTIUS 4:7

Sa awewerek-sa awewerek lagaikharek hak, an nendawinggen eberogo nenat Allah oba himbirik mondok logolik, at faget nomamerogoat fano hilingirik waga lagarik he, huliba arat asi wagi o.

IBRANI 12:4

Hit enek he, weak hilingisu hinabiren, weim inomamerogo yafarek andi hak hilingitunem, hinamep wulagaisogo hinoati'lek mene welagebo.

YOHANES 16:33

ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.

WAHYU 12:11

It ninerugwi ninagaila'lak andi inonggwarek inebe inendawi agi'lek, ”Ninoata halok he, fano aro,” ilik nugunem inoata. It andi re, Domba Eak amep wulagaisogo watukwa andiba inom, iren Allah ane ebe wene andi fakhogo yagaisilik nikhi lagaikha andiba inom, Iblis a'nogo arat mabenetfisaga andi o.

1 TIMOTIUS 6:12

Afuni inawe walhouwogeluk sa awewerek-sa awewerek walhagarek hak, nineluk mondok logogun andi mene hela lageluk, hendawinggen Allah oba himbirik logolik, at faget homamerogo hilingiti logoino. A'nogo hilingiti logombik, andi mene hela lanogeluk, Allah nen hayonggo fesikhemo, haren he, ”Nendawinggen Kristus oba himbiret fuluk yi'nogo hilingiti logogin,” iluk afuni hokhorogoat ineilhanem fakhogo isigin andi higithogoat homamerogo hilingiti logoino.

KOLOSE 1:29

An wene andi faget katokhogo hilingisigeluk, at Kristus omame a'nogo an nendawimo logolik, nomamet nafu kwelek, ninghogo nomamerogoat hilingiti lagi andi.

FILIPI 1:13

An Paulus, Kristus fagerat nenggi hele watama welagi yiba re, it ap at Kaisar Enupogot aiba ninggi'nogo iluk kweba kagalek welagaikharek mene mondogat inom, it afuni ekhe yoma mene mondogat inomen he, enegat fut nobagali'lagwi.

KOLOSE 2:1

An nen he, hit inom, it afuni o Laodikia mene inom, it ekhe hokhorogoat inom, an nebe hinonggot mene faget nomamerogo hilingiti lagi mene andi, hit hinelurogo logobagaigeluk yagahisigi andi.

IBRANI 12:1

It afuni attak hilingirik wagaukwa mene inabok ilik wago andi, inebe esa hokhorogo ninera'lukwe yiling-waling ineilenggen kwelakninarek werek andi nen he, sa awewerek-sa awewerek louwogeluk yi mene ti mene inoba enggin mene korogo fuluk lagaikharek andi hak, nit ninoba enggin-fenggin welagarek mene andi inom, ninobabut weak hilingitorek mene ninoba laberek mondok welagarek mene andi inom, mondogat korogo herakfisaluk, Allah nen, ”Huli yi huli lano,” iluk yaganisasikhe andi, ninendawimo nen he, ”Ninelokhoma pikhit huli andibaat louwok,” iluk, ninomamerogo laga logouwogo.